TIMOTE MUDUMBUŊ NAŊ 2:1 - Bible en langue guiziga

¹ Dumbuŋ na, i ɓi so na: anja misikristuhoy a cufuɗam gwat avu Buymisemuŋ, a diram dibiɗ, a tumbulokoŋ, yo a gakaŋ sise vur mizli gar.

TIMOTE MUDUMBUŊ NAŊ 2:1 ပူးပေါင်းရင်းမြစ်များ

TESALONIKEY MUCUW NAŊ 1:3

Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.

Ɗerewol ZAK 5:16

Da ki wuɗam le ɓa ki mbulom na, anja mbur gar a njika mungra naŋ da cala, yo mbur gar a dir dibiɗ vur cala. Diradibiɗ ngi mbur mijeŋŋe na, naŋ ti gidaŋ haɗi.

EFESEY 5:20

Gaka sise da Cine ndra Buymisemuŋ ti slimiɗ ngi Buy ndra Yesu Kristu ar pas gar, yo asi ɓi mike gar.

TIMOTE MUCUW NAŊ 2:24

Na, mbur migi slra ngi Bumbulvuŋ, anta tiri ta, amma i mbur mawuɗ mizli gar, i mbur mindila le ngi dubuna gwat da mizli, mi ngi dirɗavu kwana, a ɓusa gu.

TIMOTE MUDUMBUŊ NAŊ 2:4

Buymisemuŋ a wuɗ ɓa mizli gar a laham, yo ɓa a sinaka ɓi mikaslsla.

FILIPIHEY 1:3

Ti ya muwulka ɓi kumo le gar na, i ra ga sise da Buymisemuŋ ɗu aseˀeŋ.

HEBEREY 6:11

Amma gwat ndra mawuɗama so na, anja mbur gar a wuzla kumo, a hurdum hirdam kanah ava ma, hã avu kiɗa mi naŋ, ɓa gwat kum manjaham hiri njah vurˀe na, a gi gisiŋ gisiŋ.

Ɗerewol TIT 3:2

Anja a zam mbur ta, a tiram ta, a bigaka vu taŋ, taŋ ti mevel mezleŋ, i mizli miteˀteˀhey ndrehhe avu mizli gar.

Ɗerewol TIT 2:11

Asi Buymisemuŋ a njika gimezle naŋ le, miviɗi viɗi ngi laha vu naŋ ar gimezle nah vuna.

TIMOTE MUDUMBUŊ NAŊ 5:5

Ngwas wudiga migisiŋ gisiŋ pal naŋ na, miki slimiɗ anga anta na, a njih hiri le njah ar Buymisemuŋ, ara hurdum ti dira dibiɗ waɗ ti tumbulo Buymisemuŋ, duvuɗ ti papas gar, ɓa a jinaŋ.

KORENTIHEY MUDUMBUŊ 15:3

Ɓi ya muɓukum di dumbuŋ na, i ɓi ya mitiɓa ti hirnga ɗu vuna, n'anihĩ: Kristu a muc vur mungra ndrahay, kaɓa Ɓimutoho miɓa.

SLRA 17:30

Ani hin ngi dirba, mizli migam tir manja sin naŋ na, Buymisemuŋ anta slufa ta, wurenna ara tila mi da mizli gar, ko amaka gar, sey a mbiɗaka mevele.

TESALONIKEY MUDUMBUŊ NAŊ 3:12

Kum mawuɗavu ar wala kum, yo kum mawuɗam mizli gar na, anja Bumbulvuŋ a ska ng'amkbuŋ nga mbuŋ. Anja ki wuɗam vu kaɓa ndra muwuɗukum na ya.

ROMAHAY 6:17

Gukum sise da Buymisemuŋ! Kum i beke ngi mungrahay zleˀe, amma wurenna, dubun mupurla kum mitiɓaka na, ki jaka le a hirnga ti mevel purla.

ROMAHAY 1:8

Dumbuŋ dumbuŋ na, i ga sise da Buymisemuŋ ɗu tisi Yesu Kristu vur kum gar. Asi ar duniya gar na, ara ɓaka ɓi ngi kum matiɓam na.

DIMISEY 72:19

Gaka sise ngi caˀa da Bumbulvuŋ misi ti dudoko! Anja hirwuyo gar a nihi ti dudok naŋ! Amin, haˀaw, anja a gi kanah gisiŋ!

KORENTIHEY MUCUW NAŊ 8:6

Vurˀe, i hurdumom hirdam avu Tite, ɓa vul kum ti gula ti hazum, naŋ mizla virzi naŋ nga hay kum na, a sa kiɗa mi naŋ ti mezle.

EFESEY 3:13

Vurˀe, i ra gukum ambuh ambuh, anja ki hĩhĩyam asi bonoy ya masa vur kum na ta. Magukum ɗongor na, i nah.

ESDRAS 6:10

ɓa a gam di mikuli ngi tisla mevel da Buy muŋ, yo ɓa a diram dibiɗ vur siifa ngi buy ati ngi ziri naŋhaya.

ZEREMI 29:7

Gam welele vur zlili ngi walahay, ya Bumbulvuŋ miga ɓa a jukum ng'ara na, diram dibiɗ da ya Bumbulvuŋ vurˀe, asi da walahaya naŋ ti zlili na, naɓa kumo kwana, kum zlili aya.›

EFESEY 6:18

Gaka kahana gar ar diradibiɗ ti cufuɗa jini avu Buymisemuŋ. Diram dibiɗ angi pas gar, kaɓa ˀUf Mipal mabugukum di. Naŋ kine, ki hinjam ta, yo cifam jeŋŋe ndrehhe, diram dibiɗ vur mizli ngi Buymisemuŋhoy gar.

FILIPIHEY 4:6

Anja didak a muɗukum ti gwat ko neˀ ta. Amma ar gwat gar na, diram dibiɗ, cufuɗaka Buymisemuŋ vur gwat kum muroko ti may naŋ, tumbulokoŋ ti gaŋ sise.