TIMOTE MUCUW NAŊ 4:8 - Bible en langue guiziga

⁸ Wurenna, migir ɗu asi ya mulum bugawla na, ara kutukuy, i loppol mijeŋŋe, Bumbulvuŋ migi kiita mijeŋŋe masa vuliy di tapasa. A sa vula da ya pal ta ɓula, amma da mizli gar mawuɗam kutuk naŋ ɓa a bugo vu.

TIMOTE MUCUW NAŊ 4:8 ပူးပေါင်းရင်းမြစ်များ

ZLI VIRZI 18:25

Kay, ɓa ki ga kanah na, naŋ kuy ta! Ɓa ki kiɗa mbur mijeŋŋe jom ati migi mungra sukwa? Naɓa mbur mijeŋŋe a tiri le rak rak ati migi mungra. Kay naŋ kuyta wãˀ! Migi kiita da duniya keɗeɗe, ɓa a ga kiita kaslsla ta na, a gi ta.»

DIMISEY 31:19

Misi slir tayna, maɓam ɓi malambaˀ ngi kuw angi mbur mijeŋŋe, yo mahuhumom vu, waɗ mahirsam vu na, anja a ɓam gu ta.

DIMISEY 7:11

Mbaray ɗu i ka Bumbulvuŋ milaha misi mevel purlahay.

MIKUCUWULOY 4:9

A sa tiri i gwat ngi wuya mezle avu ka, kaɓa loppol mimezle tuwaɗ tuwaɗ a hirnga.

MALASI 3:17

Ya Bumbulvuŋ misi gidaŋ wãˀa, i ɓi na, mizli tayna, angi hin ya masa ga slra ɗu na, a sa ndiram avu ya, i mizli nga ya ɗuwoy. I sa ga taŋ mezle kaɓa cine maga mezle da mangal naŋ miteŋteŋ.

Matiye 24:36

«Amma hin naŋ malla pas naŋ na, ko mbur misina anta, ko modro ngi muŋhoy, ko Mangal, sey Cine pal naŋ tewle misina.

Matiye 7:22

Tapasa, mizli haɗi a sa ɓikiy: ‹Buy, Buy! I njikaka ɓi ɗike le ti slimiɗ ɗik kaɓa mijiviɗey ta kwa? I ɓulam setenehey le ti slimiɗ ɗik ta kwa? I gam cekenehey le haɗi ti slimiɗ ɗik ta kwa?›

Ɓimezle ngi Yesu Kristu LUK mitil di mi 10:12

Yi ɓukum na: Tapas gi kiita na, Sodom a sa lum bonoy haɗa wãˀ ka ngi walahay nah ta.

ROMAHAY 2:5

Amma hirnga ɗike gidaŋ, k'anta ngum mbiɗa mevel ɗike ta. Hana ki cikil di i bonoy madiɗa wãˀ ngi kutuko hin Buymisemuŋ masa njuyo himaˀ naŋ ati kiita, naŋ masa ga ti jiviɗ naŋ kaslsla na.

ROMAHAY 8:23

Maniˀic, i naŋ pal ta, amma ndra vuna ya, ndra mulumam ˀUf Mipal, gwat ngi vul ngi Buymisemuŋ mudumbuŋ dumbuŋ naŋ na, i ra niˀicam a mevel ndra, i ra kutukoko Buymisemuŋ masa zila ndra, ziri naŋhay, naŋ migila ndra, naŋ masa bo ti dumvu ndra wãˀ tir bonoyo.

KORENTIHEY MUDUMBUŊ 2:9

Amma a gi le ka taŋ mutohoko zleˀe: «I gwat hiri mupura ɗaˀ ta, i gwat slimiɗ micina ɗaˀ ta, i gwat mbur muwulka ɓi naŋ a mevele ɗaˀ ta, Buymisemuŋ miɗiya gar na, asi mizli muwuɗ naŋhay.»

KORENTIHEY MUDUMBUŊ 3:13

slra ngi mbur gar, a sa njik ar li babara, i hin ngi kiita masa njikaŋ. Asi a sa njik ar vu, yo da slra ngi mburo, naŋ mbri gar na, i vu masa bigaŋ.

KORENTIHEY MUDUMBUŊ 9:25

Mizli mawuɗam ci ngi pi mi gar na, a sirkaka vu taŋ ti gidaŋ nga taŋ, ɓa ngi luuma loppol mazik vuna ta ma. Amma ngi ndra, ɓa ngi luuma loppol mahiryi ta wãˀ.

KORENTIHEY MUCUW NAŊ 5:2

Yo wurenna, i ra niˀicam, asi i roko ti may haɗa haɗa ngi ka hay ndra mise amuŋ na, jirngasl nga hirnga mekeleme,

FILIPIHEY 3:11

da a gi na, i sa slikiɗ ti wuzla mumucahay aya.

KOLOSOY 1:5

asi njaha hiri kumnjah ar gwat muwukum di vu a muŋ na. Najaha hirri kum nah na, a tulukum mi ti ɓi nah le, i Ɓimezle, ɓi mikaslsla ngi Buymisemuŋ,

TESALONIKEY MUDUMBUŊ NAŊ 1:10

A ɓam ma: ki ra kutukoko Mangal naŋ Yesu masa mawa paɗ a muŋ, Mangal naŋ, naŋ mislikiɗa ti wuzla mumucahaya. I Yesu nah malaha ndra ti ngi himaˀ Buymisemuŋ masa zuɓa angi mizli na.

TESALONIKEY MUDUMBUŊ NAŊ 5:4

Amma kumo so na, sukum ndrahay, kum anta angi luvuŋ, ɓa hin misenna a sa lumukum gurjik kaɓa muhul ta.

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

TIMOTE MUDUMBUŊ NAŊ 6:19

Kite a kusom di i zlili mezle, mahiryi ta wãˀ da taŋ nga mbuŋ, dar a sa lumam siifa migisiŋ gisiŋ.

TIMOTE MUCUW NAŊ 1:10

Wurenna, a biga ndra di le tisi Milih ndra Yesu Kristu mubugo vu na. Yesu a pa hirnga le da muco, a biga ndra siifa ngi sete le ti Ɓimezle na.

TIMOTE MUCUW NAŊ 1:12

Ya masi bonoy hana na, aseˀeŋ. Amma y'anta gi di mesem ta, asi i si na mbur, ya muɗuva tiɓi ɗu ar naŋ na le, yo i si na le gisiŋ, gwat naŋ mupula asi haŋ ɗu na, a wi di vu gu hã a ndila hin ngi kiita.

TIMOTE MUCUW NAŊ 1:18

Anja Buy Yesu a jinaŋ, ɓa Bumbulvuŋ a puraŋ ˀircece tapas naŋ masa ga kiita da mizli na. Gwat naŋ migiy di gar a Efez na, ka ki si na le kuy kuy fineˀ mizli gar.

TIMOTE MUCUW NAŊ 2:5

Naŋ kine ya, gi duba cakaya, ɓa mbur a lum migir naŋ na, sey da a zlumbur vu le ti jiviɗ naŋ far.

TIMOTE MUCUW NAŊ 4:1

I ra guw ambuh ambuh a mbuŋ Buymisemuŋ waɗ a mbuŋ Yesu Kristu masa so ngi ga kiita da mizli misi ti siifahay ati mumucahay na, ambuh ti slimiɗ naŋ masa njiko vu waɗ ti Zumabuy naŋ na:

Ɗerewol TIT 2:13

ti kutuko hin ngi wuya, ndra minjah hiri vurˀe na, yo waɗ dudok ngi Madiɗa ndra Buymisemuŋ ati ngi Milih ndra Yesu Kristu masa bugo vu na.

HEBEREY 12:11

A haŋhaŋ na, kuti vu gar i ɓi ngi mumul ta, i ɓi ngi ndurɓo hiri. Amma nga mbuŋ so na, mizli misirkam le ti kuti gar na, a sa sinaka, dambalaka i ɓi ngi cifi zuy zuy, yo i ɓi ngi gi gwat mijeŋŋe.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

Ɗerewol ZAK 1:12

Mbur maɓusa bonoy muso le avu naŋ ngi puraŋ na, a mumul! Asi da naŋ muɓusa le na, a sa lum siifa, Buymisemuŋ miɓa le ɗaˀ le da mizli mawuɗakaŋ na.

PIYER MUDUMBUŊ NAŊ 1:4

ɓa i sa lumam gwat mezle Buymisemuŋ miwi di vu vur mizli naŋhay na. I gwat mahiryi ta, a jup ta, wucuɗ naŋ a susuyum ta wãˀ, Buymisemuŋ a wi di vu le weˀ a muŋ

PIYER MUDUMBUŊ NAŊ 5:4

Yo da Kristu, Mijigin madiɗa, misa njiko vu le ngbah na, kisa lumam loppol ngi dudok misi wucuɗ naŋ makiɗ mi ta wãˀ na.

ƁIMUNJUYO 1:7

Puraka, ara sawa a wuzla gazlavay. Mbur gar a sa puraŋ, ko mizli mizligakaŋ gor njoŋ na kwana, a sa purakaŋ. Haˀaw! Sukwi ngi mizli ngi ruwuyoy gar a sa tuwam tuwuy ngi vagay ˀirslik ˀirslik aseˀe. Amin!

ƁIMUNJUYO 19:11

Akẽh na, i pura muŋ a wucuh wucah, keɗ na, pilis babara a bawa. Mbur gilaˀ anga, a zilaka «Teŋteŋ», yo «Kaslsla.» A gi kiita, yo a gi vurum ti jiviɗ naŋ jeŋŋe.

ƁIMUNJUYO 2:10

Bonoy ka masa sa na, anja ki zluwun di ta. Pura, Satan a sa pi mizli mekelemey a wuzla kumo ng'ar dangay, ɓa a ci a kwacay kumo. Ki sa gam hin kuruˀ angi bonoyo. Ndir teŋteŋ hã gbaˀ avu mucu. I sa vuluw loppol ngi siifa.

ƁIMUNJUYO 22:20

Migi sedewo ngi ɓi hana, a ɓi: «Haˀaw, y'ani i ra so gweˀe.» Amin, Buy Yesu, sawa!

ƁIMUNJUYO 4:10

mizli micawwahay mizli ngir cuw nga mufaɗ tuwa, a dilkam a mbuŋ Mbur muangi janga ngi buy tuwa, a hunumaka misi ti siifa hã ngi sete, a paka loppol taŋhaya a mbuŋ janga ngi buyo, a ɓam:

ƁIMUNJUYO 4:4

Janga ngi buyoy kukur cuw nga mufaɗ gun hirnga janga ngi buy tuwa, waɗ mizli micawwahay kukur cuw nga mufaɗ joˀ angi janga ngi buyoy vuna. Zana babarahay ɓaˀ ɓaˀ avu vu, loppol ngi ɓiri tapasl tapasl, tuwaɗ tuwaɗ a hirnga, tuwaɗ tuwaɗ a hirnga.