TIMOTE MUCUW NAŊ 4:7 - Bible en langue guiziga

⁷ Yi cik vu le ti gi vurum mezle, yi kiɗa mi ngi pi mi ɗu le. Yi ja tiɓi ɗu le a mevele.

TIMOTE MUCUW NAŊ 4:7 ပူးပေါင်းရင်းမြစ်များ

MIKUCUWULOY 23:23

Sipi, ɓa ki ɓi ɓi mikaslsla, ki lum sinmijileŋ, ki dubun gwat waɗ ɓa ki ndir ti lesle, da ki luuma taŋ le na, ki hirya taŋ ta.

SLUFA VU 8:25

Da a ndila le vi kukur zlum na, a pula gi slra nah, a ga mata.

Ɓimezle ngi Yesu Kristu LUK mitil di mi 11:28

Amma Yesu a ɓaŋ: «Mizli macinam mingiɓi ngi Buymisemuŋ, majaka a hirnga na, mamumulom i taŋ jaka!»

Ɓimezle ngi Yesu Kristu LUK mitil di mi 8:15

Misi angi li mezle na, i mizli macinam mingiɓi tuwa ti mevel mezle, mukuy, yo majaka a hirnga, a hurdumom, hã a sikam.

Ɓimezle ngi Yesu Kristu ZAŊ mitil di mi 17:6

Mizli ka mubo ti taŋ tir duniya, ka muvuliy taŋ na, yi biga taŋ slimiɗ ɗike le. Taŋ i ngi ɗikey, ki vuliy taŋ le, a jaka mingiɓi ɗike le a hirnga.

Ɓimezle ngi Yesu Kristu ZAŊ mitil di mi 4:34

Yesu a ɓa taŋ: «Gwat ngi zum ɗu, i gi gwat Buymisemuŋ mislino ya mawuɗo, waɗ kiɗa mi ngi slra naŋ.

SLRA 13:25

Yo hirak ti Zaŋ makiɗa mi ngi slra naŋ na, a ɓi: ‹Kumo, ki waka na, yi waka? Yi Mesi ta, amma mbur ada sawa a dirba ɗu, ko yi ndila ter ngi puska zeweɗ ngi tarak naŋhaya ta.›

SLRA 20:24

Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ.

GALATAY 2:2

I ru nga diga asi i Buymisemuŋ minjikiy di ɓa i ru. I gam cikil baˀ pal ati mizli madiɗa ngi mitiɓiheye. I biga taŋ Ɓimezle ya matil di mi da mizli Yudehey ta na, ɓa slra ɗu ya miga zleˀe ati ya maga wurenna, a tiri gwat ngatara lambaˀ ta.

FILIPIHEY 1:30

ti cika vu misi purla, kum mipraka avu ya na, yo ki sinaka le, i ra cik vu aruŋ.

TIMOTE MUDUMBUŊ NAŊ 1:18

Ka mangal ɗu Timote, ɓi ya maɓuw di hana, mijiviɗey a ɓaka le zleˀe vur ka, i ra puluw di asi haŋ ɗike, ɓa a vuluw gidaŋ ngi cici zlak, ngi gi vurum kuy kuy ti naŋ,

TIMOTE MUDUMBUŊ NAŊ 6:12

Kiɗ vu ti cika vu mezle ngi tiɓi, ɓa ki lum siifa ngi sete, Buymisemuŋ muziluw na, ngi lum naŋ. Tapas ka miɓi njah a mbuŋ sedewohoy haɗa, ki tiɓa Yesu le na, ki si na le.

TIMOTE MUDUMBUŊ NAŊ 6:20

Aw yeme ɗu Timote, ja Ɓimezle mupulukuw di asi haŋ ɗik na kuy kuy. Kirih kileŋ avu dufa mi lambaˀ ati ngila mi, mizli mapuraka kaɓa i sin madiɗa na.

TIMOTE MUCUW NAŊ 1:14

Gwat mezlehey mupulukuw taŋ asi haŋ ɗik na, ja taŋ ti jini ngi ˀUf Mipal misi a hur ndra na.

TIMOTE MUCUW NAŊ 3:10

Amma ka Timote, ki sipiy le hirdam hirdam ar gwat ya mudubuna da mizli, ar joˀ ɗu, ar gwat ya mujuwa ar wuluk ɗu ngi gi, ar tiɓi, ar ɓusaɓi, ar wuɗavu, ar cici ɗu zlak,

ƁIMUNJUYO 3:10

Asi ki hurdum le ngi ja ɓi ɗu a hirnga. Ya kwana, tapas bonoy masa so ar mizli keɗeɗe gar, ngi pura mizli ngi si ruwuyoy na, i sa jiginuw aya.

ƁIMUNJUYO 3:8

I si na gwat ngi gi ɗike le. Gidaŋ ɗike, naŋ neˀkini. Gar ti nah kwana, ki ja ɓi ɗu le a hirnga, yo ko ki ji mi ti slimiɗ ɗu ta. Pura, yi wuna mizlingre le baŋ a mbuŋ ɗike, ko mbur magica gu anta.

ƁIMUNJUYO 6:11

Dar a vulaka taŋ jibe babarahay purla purla gar. Yo a ɓaka taŋ, anja a ɓusaka neˀ ava ɗagay, sey da cil taŋhay, taŋ migam slra bumoˀ, yo sukum taŋ mitiɓihey, masa kiɗaka taŋ vagay vagay ka taŋ na, a ndilaka le gucuˀo ya.

MIGI KIITAHAY 3:2

A wuɗ kahana, hĩˀĩ ɓa ngi dubuna gi vurum da Israyel mendele mekelemey mislam na, ɓa a sinaka gi vurumo ya, taŋ misinaka ɓi ngi vurumo sin le zleˀe t'aruŋ na.