TIMOTE MUCUW NAŊ 4:5 - Bible en langue guiziga

⁵ Amma ka so na, jigina vu ɗik ar gwat gar. Ɓusa bonoyo, ga slra ngi tila mi ti Ɓimezle. Kiɗa mi ngi slra ɗike.

TIMOTE MUCUW NAŊ 4:5 ပူးပေါင်းရင်းမြစ်များ

EZAYI 62:6

Zeruzalem, yi cifi mijigina lihey le a hirnga mohol ɗikeye. Ti duvuɗ, ti papas gar na, t'anta sa ndiram joˀjoˀ lambaˀ ta. «Kum mijigina lihey, kum magaka ɓa Bumbulvuŋ a wuluk keŋ ar Zeruzalem na, anja ki musukam vu ko neˀ le ta.

ZEREMI 6:17

I pi mijigina hayay le sek ngi jigin kumo. Taŋ misa fam tulum le na, jam lesl! Amma taŋ a mbiɗaka: «Ndr'anta ngumam ji lesle ta.»

EZEKIYEL 3:17

«Ka mburu, i cufuw ki mijigina li vur Israyeley. Daka misa cine ɓi mubo tivi ya le na, kisa ɓa taŋ ɓi ɗu ngi ki mumuyuŋ zay sla a slimiɗe.

EZEKIYEL 33:2

«Ka mburu, ɓa mizli Israyeleye na: Kaɓa ani, da i ra so ti vurum ng'asi ruwuy na, mizli ngi si ruwuyo, a zuɓam mbur a wuzla taŋ, a cifakaŋ ngi jigina taŋ li.

EZEKIYEL 33:7

Ka so na, mburu, i cifi mijigina Israyeleye i kaha. Ki sa cine mi mabo ti balam ɗu, joˀ kisa ɓa da Israyeleye ɓa a wam vu.

Matiye 25:16

Gawla mulum miliyoŋ zlum tuwa, a ru, a mbiɗi di haŋ kutum, a lum yam naŋ miliyoŋ zlum ma.

Mark 13:34

«A sa gi kaɓa mbur maru nga mulak. A pula hay naŋ asi haŋ ngi gawla naŋhay, ko wa gar ti slra naŋ, ti slra naŋ. A ɓa mijigina mizlingre, anja a hinje ta.

Mark 13:37

Ɓi ya muɓukum di na, yi ɓa da mizli gar, ki hinjam ta so!»

Ɓimezle ngi Yesu Kristu LUK mitil di mi 12:37

Gawla tayna, da buy taŋ a ndilo le, a sa luuma taŋ le titiri na, a mumulom! Gisiŋ, yi ɓukum na: A sa ka zana ngi slra, a sa cifa taŋ jojoˀ ngi zuma gwat, joˀ naŋ a so taŋ ti gwat ngi zumo.

SLRA 21:8

Li naŋ muwun na, i slikiɗam, i ra ndilam a buy mimadiɗa, i ram ngi hay Filip, mbur maliˀi ti tila mi ti Ɓimezle, mbur ngi wuzla mizli mitarnaˀhay muwunaka taŋ a Zeruzalem tuwa, i pam sar a hay naŋ.

ROMAHAY 15:19

yo tisi gidaŋ ngi cekenehey, gwat migam ɗaˀ tahay waɗ tisi gidaŋ ngi ˀUf Mipal. Naŋ kine, zle a Zeruzaleme, i ru gun gun ti tila mi ti Ɓimezle ngi Kristu kuy kuy wãˀ, hã sesẽŋ angi hirwuy Iliri.

EFESEY 4:11

Yo i naŋ muvula gwat wal wal da mizli: mizli mekelemeye, a vula taŋ slra ngi mislin, mekelemeye, i mijiviɗey, mekelemeye, ngi tila mi ti Ɓi Mezle. Mizli mekelemeye, slra ngi jigin, waɗ ngi dubuna gwat da mizli.

EFESEY 4:12

A ga kahana, ɓa ngi ɗiya mitiɓiheye, ɓa a gam slra ngi gila dumvu ngi Kristu,

KOLOSOY 1:25

I tiri le yi migi slra da Cikil ngi misikristuhoy, kaslsla avu slra Buymisemuŋ muvuliy di, ɓa yi ga vur kum na: i kiɗa mi ngi tila mi ti ɓi ngi Buymisemuŋ.

KOLOSOY 4:17

Ɓaka Arkipe: slra taŋ muvulakaŋ di ngi gi vur Bumbulvuŋ na, sey a ji lesl vurˀe, ɓa a kiɗa mi naŋ kuy kuy.

TESALONIKEY MUDUMBUŊ NAŊ 5:6

Vurˀe, anja i hinjam kaɓa mizli mekelemey na ta so, amma cufukum joˀ joˀ titiri, i wam ti mbaazla ta.

TIMOTE MUDUMBUŊ NAŊ 4:12

Vur ka ki zuŋ aruŋ si na, anja ko ki pula mbur a hirsuw ta. Amma anja ki ɓi ɓi mezle jaka, gwat ngi gi ɗike mezle, ki wuɗ vu, ki tiɓi, ki ci ar dili ta, ɓa mitiɓihey a sipaka sar ɗike.

TIMOTE MUDUMBUŊ NAŊ 4:15

Gwat ngi ji kaw a mevel ɗik i hana, yo hurdum di hirdam, naɓa mizli gar a sa puraka slra ɗike, ara ru nga mbuŋ nga mbuŋ.

TIMOTE MUCUW NAŊ 1:8

Buy ndra na, anja ki gi mesem ngi ga sedewo naŋ ta so, yo ya mbur dangay aseˀe na kwana, ki gi mesem ti ya ta ma. Amma sukum bonoy cuwa asi Ɓimezle, ti njahha hiri njah asi gidaŋ Buymisemuŋ mavula na.

TIMOTE MUCUW NAŊ 2:10

Ya maɓusa ɓi gar na, vur mizli Buymisemuŋ muwuna taŋ, ɓa taŋ kwana, a lumam lih tisi Yesu Kristu, waɗ ɓa a lumam dudok mihã ngi set na ma.

TIMOTE MUCUW NAŊ 2:3

Ɓusa bonoy ɗike, kaɓa soje miteŋteŋ ngi Yesu Kristu.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

HEBEREY 13:17

Cinaka mi da mizli mabugukum jiviɗe, yo hinam hirnga a mbuŋ taŋ. Asi t'anta hinjam ta hĩˀĩ vur ɓi ngi musuɗuk kumo. Asi mike na, a sa slufaka ɓi slra taŋ da Buymisemuŋ. Naŋ kanah, cinaka taŋ mi, ɓa a gaka slra taŋ ti mumul, anja ti niˀic ta. Da kanah ta na, ko gwat ngi sa pulukum gir, anta ara ta.

PIYER MUDUMBUŊ NAŊ 1:13

Vurˀe, sey ki juwam vu ar lesl kumo ngi gi slra. Ndiram hiri ɗeŋ ɗeŋ, anja ki njaham hiri kuy kuy ar gwat mezle, Buymisemuŋ masa vulukum di tapas Yesu Kristu masa bugo vu na.

ƁIMUNJUYO 3:2

Ndir ɗeŋ ɗeŋ, vula gidaŋ da mizli mindiram migweˀ ngi mucoy na, asi i pura gwat ngi gi ɗik a mbuŋ Buymisemuŋ ɗu, a ndila kaslsla ta.