TIMOTE MUCUW NAŊ 4:3 - Bible en langue guiziga

³ Naŋ kine, hin a sa ndilawa, tapasa, mizli mekelemey anta sa wuɗam cine dubun mijeŋŋe mata. Amma a sa sipam gwat makiɗa taŋ may, yo a sa cikilam mizli sikinih ngi dubunaka taŋ gwat ngisi mevel taŋ.

TIMOTE MUCUW NAŊ 4:3 ပူးပေါင်းရင်းမြစ်များ

BUYOY MUDUMBUŊ NAŊ 18:22

Eli a ɓa taŋ ava ma: «Mijiviɗ ngi Bumbulvuŋ, mindir i ya pal ɗu, amma mijiviɗ ngi Baˀalaya taŋ skat skat mufaɗ ti kukur zlum.

BUYOY MUDUMBUŊ NAŊ 22:18

Ar nah na, buy Israyel tuwa, a ɓa Zozafata: «Yi ɓuw le takwa! N'anta njik ɓi mezle vur ya ta kini, sey ɓi malambaˀa.»

BUYOY MUDUMBUŊ NAŊ 22:8

Akap, buy Israyel a mbiɗaŋ di: «Mbur mekelem ada aka, anja zliv i cufuɗaka Bumbulvuŋ ava gu, amma ya i wuɗ ɓi naŋ ta, asi naŋ anta ɓi ɓi mezle masa gi ar ya ta, amma sey ɓi malambaˀ tewle: i Mise, mangal ngi Imla.» Dar Zozafat a ɓa Akapa: «Kay, ka buyo anja ki ɓi kanah ta.»

BI NGI ISRAYELEY 32:33

Bumbulvuŋ a ɓaŋ: «Kanah ta, ya masa vuvuy avra na, sey slimiɗ ngi mizli migam mungra le avu ya.

EZAYI 28:12

Naŋ a ɓa taŋ zleˀe na: «Muska vu ani, pulaka mbur migir le, a musuk vu, tisla mevel ani.» Amma taŋ a ngumom cin naŋ ta.

EZAYI 30:10

A ɓaka mupur ti kleŋheye: «Anja ki puram ti kleŋ vuna mata», yo a ɓaka mijiviɗeye: «Ki tilam ndra mi ti ɓi ngi gwat mijeŋŋe mata, ɓam ndra ɓi ngi gwat mundumoy, tilam ndra mi ti ɓi ngi gwat ngi slirey.

ZEREMI 18:18

A ɓam: «Akum, i ra kiɗaka mi ngi ɓi ndra majuwaka a kwacay vur Zeremi na wãˀ muduba. Masayay a sa bigam ndra jiviɗ ngi Buymisemuŋ, i sa lumam mi ngi kuti avu misi sinmijileŋheye, i sa lumam mingiɓi avu mijiviɗeye si. Akum so, i ra hiryakaŋ ti mi muhuzlok huzlok, ko i kam slimiɗ ar mingiɓi naŋ ta.»

ZEREMI 27:9

Mijiviɗ kumoy ati mipidaˀas kumoy, musuwun kumoy ti duvuɗ, migi cekenehey ati migi ketele kumoyo, taŋ ara ɓukum siɓaŋ siɓaŋ, ko kum anta sa gam beke ngi buy madiɗa ngi Babiloŋ ta. Amma na, kumo ki tiɓaka mi taŋ ta.

ZEREMI 29:8

«Haˀaw, ya Bumbulvuŋ misi gidaŋ wãˀ, Buymisemuŋ ngi Israyel i ɓi na: ‹Mijiviɗey misi a wuzla kum waɗ mupura daˀasay na, ki pulaka taŋ vu kumo, ɓa a tikinukum ta. Ki kam slimiɗ ar kum, taŋ mambuɗukum pulaˀvra naŋ ta.

ZEREMI 5:31

Mijiviɗey a njikaka ɓi ngi gwat masa gi tumbuŋ jeŋŋe ta, gwat ngi lum gar na, masayay ara paka ng'ar jiiba taŋ, mizli ɗuwoyo kwana, ara puraka kuy. Na a dirba gwat tayna, kisa gam mike? kisa gam mike?

MISE 2:11

Mbur maɓi ɓi lambaˀ, yo masli slir, maɓi: «I wuɗ ɓa i tulukum mi vur ɓi ngi mbaazla ati gwat ngi si mawi vu» na, kisa lumam, naɓa mbur nah vuna i mijiviɗ ngi mizli tayna.

Ɓimezle ngi Yesu Kristu LUK mitil di mi 20:19

Buy ngi ɓimujuwahay ati masay madiɗahay, a puram jiviɗ ɓa a jaka Yesu ar nah vuna si, amma ara zluwunam ti mizli ma. Yesu miɓa ɓi weˀ ti wi na, vur taŋ na, a slaka wala nah le kuy kuy.

Ɓimezle ngi Yesu Kristu LUK mitil di mi 6:26

Da mizli gar ara ɓam ɓi mezle ar kum na, kay, kum ar bonoy. Asi mike na, dideˀ taŋhay a gam ti mijiviɗ misi slireye le zleˀe kanah ya.

Ɓimezle ngi Yesu Kristu ZAŊ mitil di mi 8:45

Amma ya i ɓi di i ɓi mikaslsla, kum matiɓaka ta na, vurˀeŋ.

SLRA 17:21

Vur mizli Ateney ati mulakay misi a wuzla taŋ a diga gar na, a vam hiipas lambaˀ ar li slufa ɓi nawayahay malla ngi cin naŋ tewle si.

KORENTIHEY MUDUMBUŊ 2:1

Sukum ɗu misikristuhoy, ti ya vuna muru a hay kumo, ɓa ngi tulukum mi tiɓi muɗum ngi Buymisemuŋ zleˀe na, i ɓi ti ˀay madiɗa ta, malla ko ti ˀay ngi sinmijileŋ ta ma.

KORENTIHEY MUDUMBUŊ 2:4

Dubuna gwat ɗu da mizli ati tila mi ɗu na, ˀay ngi ɓi ɓi ngi mbiɗa mevel ngi mbur ti sinmijileŋ ngi mbur anta anga ta. Amma i dubun ati tila mi, ˀUf Mipal mibiga ti gidaŋ naŋ,

GALATAY 4:16

Ani wurenna, yi tiri mesene kum le asi ya maɓukum ɓi mikaslsla na sukwa mbrike?

TIMOTE MUDUMBUŊ NAŊ 1:10

sulomehey, zil mihin ti cil taŋhay ati migi terere ngi bekehey, misi slirey, muhudum ti slirey, waɗ mizli magam gwat mekelemey ngi ngila ɓi mikaslsla ngi Kristu.

TIMOTE MUCUW NAŊ 1:13

Ɓi mikaslsla ka micina avu ya na, zuɓa, sipi di i nah. Cici kuy kuy angi tiɓi ɗik waɗ angi wuɗavu ndra tisi Yesu Kristu na.

ZUDE 1:18

A ɓukum na, angi hin ngi dirbahay na, mizli mekelemey a sa singiram ar kum, a sa gam may gwat ngi dumvu taŋ mahĩyã.