TIMOTE MUCUW NAŊ 4:1 - Bible en langue guiziga

¹ I ra guw ambuh ambuh a mbuŋ Buymisemuŋ waɗ a mbuŋ Yesu Kristu masa so ngi ga kiita da mizli misi ti siifahay ati mumucahay na, ambuh ti slimiɗ naŋ masa njiko vu waɗ ti Zumabuy naŋ na:

TIMOTE MUCUW NAŊ 4:1 ပူးပေါင်းရင်းမြစ်များ

DIMISEY 50:6

Yo anja muŋ a til mi, a ɓi: «Buymisemuŋ naŋ jeŋŋe, migi kiita i naŋ».

DIMISEY 96:13

a mbuŋ Bumbulvuŋ, asi ara sawa! A ra sawa nga zum buy asi ruwuyo. A sa zum buy ar duniya ti jiviɗ mijeŋŋe, yo a sa ga kiita da mizli kasl kasla.

DIMISEY 98:9

a mbuŋ Buymisemuŋ, asi ara sawa, ɓa ngi gi kiita a ruwuyo. A sa cifi, naŋ i migi kiita mijeŋŋe a ruwuyo, yo a sa ga kiita da mizli kasl kasla.

Matiye 16:27

Vurˀe, Mangal ngi mbur a sa sawa ati modro naŋhaya ti dudok ngi Cine. Joˀ a sa wurka mburo gar weˀe avu gwat ngi gi naŋ.

Ɓimezle ngi Yesu Kristu LUK mitil di mi 19:12

A ɓi na: «Mbur miyakaŋ ar sukwi ngi buyo, aru nga hirwuy mikileŋ, ɓa ara cakaŋ buy madiɗa a diga, a dirba nah, ɓa a sa mawa a muŋ.

Ɓimezle ngi Yesu Kristu LUK mitil di mi 19:15

A dirba taŋ mucakaŋ ar buyo, a mo nga hirwuy naŋ a muŋ, a zilo gawla naŋhay, naŋ muwuɗka taŋ dala tuwa ɓa a si na yam naŋ, taŋ mulumam anga.

Ɓimezle ngi Yesu Kristu LUK mitil di mi 23:42

Joˀ a ɓi: «Yesu, ti ka masa so ngi Zumabuy ɗik na, ki puyuk hirnga ti ya ta.»

SLRA 10:42

Dar a ɓa ndra ɓa i tilam di mi da mizli, ɓa i gaka taŋ sedewo nah, i ɓaka taŋ: ‹Yesu i mbur, Buymisemuŋ micifa, ɓa a ga kiita da mizli misi ti siifahay ati mumucahay.›

SLRA 17:31

Naŋ kine, a ɗuv hin le pal, naŋ masa ga kiita mijeŋŋe da duniya gar tapasa. Masa ga taŋ di, i mbur naŋ muwunaŋ. A biga le njah wãˀ da mizli gar ti naŋ mislikiɗaŋ ti wuzla mumucahay na.»

ROMAHAY 2:16

Gwat ngi gi muɗum ngi mizli gar, Buymisemuŋ mupula ɓa masa ga kiita nah, i Yesu Kristu na, a sa njik gar ti hin nah. Ɓimezle ya matil di mi na, i ɓi nah vuna.

KOLOSOY 3:4

Kristu, siifa kumo, ti naŋ masa bugo vu na, dar kumo kwana, kisa bugoko vu bumoˀ ti dudok haɗi.

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

TIMOTE MUDUMBUŊ NAŊ 5:21

I ra tumbuluw a mbuŋ Buymisemuŋ, yo a mbuŋ Yesu Kristu, waɗ a mbuŋ modro ngi Bumbulvuŋhoy: sipa ɓi ngi kuti hana, ki wunka mizli pal pal ta, ki jina mbur mekeleme mbak numuŋ le ta.

TIMOTE MUCUW NAŊ 1:10

Wurenna, a biga ndra di le tisi Milih ndra Yesu Kristu mubugo vu na. Yesu a pa hirnga le da muco, a biga ndra siifa ngi sete le ti Ɓimezle na.

TIMOTE MUCUW NAŊ 2:14

Mahiri ngi ɓi hana da mizli ɗikey gar, ɓa taŋ di a mbuŋ Buymisemuŋ: anja a tiram asi ɓi ngatara ta. Tiri anta jini vu ko neˀ ta, sey a ziza mizli macinama ti zizi tewle.

TIMOTE MUCUW NAŊ 4:18

Bumbulvuŋ a sa cukiy avu ɓi malambaˀhay gar. A sa lihiy ng'ar li Zumabuy naŋ a muŋ. Anja mizli a gakaŋ dudok ndrehhe hã ngi sete. Amin.

TIMOTE MUCUW NAŊ 4:8

Wurenna, migir ɗu asi ya mulum bugawla na, ara kutukuy, i loppol mijeŋŋe, Bumbulvuŋ migi kiita mijeŋŋe masa vuliy di tapasa. A sa vula da ya pal ta ɓula, amma da mizli gar mawuɗam kutuk naŋ ɓa a bugo vu.

Ɗerewol TIT 2:13

ti kutuko hin ngi wuya, ndra minjah hiri vurˀe na, yo waɗ dudok ngi Madiɗa ndra Buymisemuŋ ati ngi Milih ndra Yesu Kristu masa bugo vu na.

PIYER MUDUMBUŊ NAŊ 1:7

Ɓiri tapasl tapasla, a puraka le angi vu ngbaŋ ni. Gar ti nah kwana, anta ndir caˀa ta. Naŋ kanah ya, tiɓi kumo, naŋ puɗaw haɗa, a funa le, amma a puraka le ya, ɓa ngi si na puɗaw naŋ vuna. Vurˀe, tapas Yesu Kristu masa bugo vu na, kisa lumam hunum, dudok waɗ ɗuva hirnga asi tiɓi kum na ya.

PIYER MUDUMBUŊ NAŊ 4:5

Amma gwat, taŋ magaka gar na, a sa slufaka a mbuŋ Buymisemuŋ, migweˀ ngi ga kiita da mizli misi ti siifahay ati mumucahaya.

PIYER MUDUMBUŊ NAŊ 5:4

Yo da Kristu, Mijigin madiɗa, misa njiko vu le ngbah na, kisa lumam loppol ngi dudok misi wucuɗ naŋ makiɗ mi ta wãˀ na.

PIYER MUCUW NAŊ 1:11

Naŋ kine, jiviɗ ngi ci ng'ar li zumabuy ngi set ngi Bumbulvuŋ ati ngi Milih ndra Yesu Kristu na, a sa pulukum di firndiw.

PIYER MUCUW NAŊ 1:17

Asi ti ˀay ngi Buymisemuŋ mifineˀ gwat gar micino, naŋ miɓaŋ: «Mbur hana, i mangal ɗu, ya mawuɗaŋ, i mbur ya hĩhĩyaŋ ɓa yi winaŋ» na, a lum ɗuva hirnga, waɗ dudok tivu Buymisemuŋ Cine ndra.

ZAŊ MUDUMBUŊ NAŊ 2:28

Naŋ kanah so, ziri ɗuwoy, ndiram jom ati naŋ, ɓa ti naŋ misa bugo vu le na, i sa cifam gidaŋ gidaŋ manja zluwun neˀ, yo ti naŋ misa so le na, ndr'anta sa ndiram ti mesem, kileŋ ava mata.

ƁIMUNJUYO 1:7

Puraka, ara sawa a wuzla gazlavay. Mbur gar a sa puraŋ, ko mizli mizligakaŋ gor njoŋ na kwana, a sa purakaŋ. Haˀaw! Sukwi ngi mizli ngi ruwuyoy gar a sa tuwam tuwuy ngi vagay ˀirslik ˀirslik aseˀe. Amin!