TIMOTE MUCUW NAŊ 3:8 - Bible en langue guiziga

⁸ Mizli tayna ara slam himaˀ kaŋ kaŋ avu ɓi mikaslsla, kaɓa Zannes ati Zamberes mislam himaˀ kaŋ kaŋ avu Moyis na ya. Taŋ ti wuluk ngi gi moˀore, t'anta dar dar ar tiɓi ta.

TIMOTE MUCUW NAŊ 3:8 ပူးပေါင်းရင်းမြစ်များ

BI NGI ISRAYELEY 7:11

Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya.

BI NGI ISRAYELEY 7:22

Amma misi sin ngi gi cekenehey a Ezipte, a gam gwat misi purla ti ketele taŋ tuwa ya. Hirnga ngi buy Ezipte a ro gidaŋ na si, anta ngum cine mi da Moyis ati Aroŋ ta, kaɓa Bumbulvuŋ miɓa tuwa.

BI NGI ISRAYELEY 8:18

Tapasa, tir vay Goseŋ, mizli ɗuwoy misi ara na, i sa pula nah mbak, tir vay nah, bibir a sa so anta, ɓa kisa sina, ya Bumbulvuŋ, y'ada asi ruwuyo.

BI NGI ISRAYELEY 8:7

Gecey a sa kursam kileŋ avu ka, kileŋ avu hay ɗikeye, kileŋ avu gawla ɗikey, yo kileŋ avu mizli ɗikeye, ɓa a ndir sey a mizaw si.»

SLRA 15:24

I cinaka na, mizli mekelemey a wuzla ndra ara muɗukum didak le, ɓa a hiryukum lesl ti mingiɓi taŋ. Mislinaka taŋ i ndra ta ngbaŋ.

ROMAHAY 1:28

Yo taŋ mungumam si na Buymisemuŋ ta na, Buymisemuŋ a pula taŋ mbak angi lesl taŋ manja sli wala na vurˀe, a gam gwat mizlir ngi gi zleˀe ta.

ROMAHAY 16:18

Asi mizli tayna anta gam di i gwat ngi Buy ndra Kristu ta, amma a gam asi kwacay taŋ si. A ra gaka gilaw da mizli misi mevel taŋ ka ngi ziri, ti ɗuva taŋ hunum taˀ taˀ ti mingiɓi mideɗeke.

EFESEY 4:14

Kahana na, ndr'anta sa ndiram ziri ziri mata. Ɓa gwat gar mizli madubunaka da mizli ti wer ngi ga taŋ gilaw, yo ɓa a zluɓam ɓi na, aru ti ndra nos aka nos aka mata.

TIMOTE MUDUMBUŊ NAŊ 1:19

ti tiɓi ɗik, ti wuluk mezle ngir mevel ɗik. Mizli mekelemey a kam slimiɗ ar wuluk ngir mevel taŋ ta, joˀ tiɓi taŋ a zizi kuɗup wãˀ.

TIMOTE MUDUMBUŊ NAŊ 4:2

Miɓi mi cuw cuwoy ati misi slirey a sa zizaka taŋ. Wuluk ngir mevel ngi mizli tayna, i muzluma le ti ɓiri munjulili.

TIMOTE MUDUMBUŊ NAŊ 6:5

Mizli misi lesl taŋ mihiryahaya, a tiram, ko a taˀaka ta, a sinaka ɓi mikaslsla ta. A waka na, tiɓa Buymisemuŋ, i ɓi ngi luuma zlili.

TIMOTE MUCUW NAŊ 4:15

Ka kwana, ji lesl avu mbur nah, asi a cici le kaŋ kaŋ, anta ngum tiɓa mingiɓi ndra ta.

Ɗerewol TIT 1:10

Asi mike na, mizli ada haɗi, anta hinam hirnga ta, wãˀ naŋ na, a wuzla Yude misikristuhoy, a gam gilaw da mizli ti mingiɓi kwiliŋ kwiliŋ lambaˀ.

Ɗerewol TIT 1:16

A gam kaɓa a sinaka Buymisemuŋ le, amma avu gwat ngi gi taŋ na, ko a sinakaŋ ta. Taŋ i malambaˀhay wãˀ, i mislikiɗa ɓihey, gwat mezle gar na, a ndilaka gi nah ta.

PIYER MUCUW NAŊ 2:14

Pura hiri taŋ, i pura hiri ngi gi madama. Gi mungra anta ɓula taŋ mi ta wãˀ. A pam mazaɓ a mbuŋ mizli hĩhĩyahay. I bugawla ngi may zlilihey, nis ngi Buymisemuŋ naŋ da avu taŋ.

ZAŊ MUDUMBUŊ NAŊ 2:18

Ziri ɗuwoy, hana i hin ngi dirba wãˀ. Taŋ mitilam di mi, miɓam: mesene ngi Kristu ara sawa na, ki cinam le. Dambalaka, zle wurenna, mesene ngi Kristuhoy ada haɗi si. Ndra masinaka i hin ngi dirba wãˀ na ava.

ZAŊ MUDUMBUŊ NAŊ 4:1

Yeme ɗuwoy, ˀuf wanaka gar na, anja ki tiɓaka ta, amma puraka ɗagay, ɓa ki sinaka, da i ˀUf ngi Buymisemuŋ kwana. Asi mijiviɗ misi slirey a yam vu le haɗa asi ruwuyo.

ƁIMUNJUYO 2:20

Amma gwat ya mambuɗuw hirnga aseˀe anihĩ: Zezabel, ngwas mapura vu naŋ ka i mijiviɗ ngi Buymisemuŋ na, ara ziza gawla ɗuwoyo. A dubuna taŋ gi sulome waɗ zuma ˀuse ngi kulihey ma na, ki pulaŋ mbaka si.

ƁIMUNJUYO 2:6

Amma gwat ya mahĩyã avu ka anihĩ: gwat ngi gi ngi misipi Nikolasay na, k'ada hirsa ka ya vuna mahirsa na ya.