TIMOTE MUCUW NAŊ 3:2 - Bible en langue guiziga

² Vur mike na, mizli a sa gam gizak, may dala. A sa gaka vu taŋ zlokoko, a sa huhumom vu. A sa zaka Buymisemuŋ, a sa cicam lak lak avu miyi taŋhaya. Tˀanta sa sinaka gi sise ta, anta sa ɗuvaka hirnga da gwat muvuku vu taŋ ta.

TIMOTE MUCUW NAŊ 3:2 ပူးပေါင်းရင်းမြစ်များ

DIMISEY 49:6

Ar hin malambaˀa, ko da misi wer mitikina vuhoy a gunikiy le kwana, i zluwun vur mike?

DIMISEY 52:1

Dimis ngi wuzla dimis ngi Davitey. I mulumo di ar ɗerewol ngi buy Dimis.

MIKUCUWULOY 6:17

Pura vu ɗik fineˀ mizli, irneˀ magi slir, pi pumbus ngi mbur migi gwat ta,

EZAYI 10:15

Zlimbe ada huhum vu mbak mbur mangum di gwata kwa? Gwat ngi cira dum ada vul ɗongor da vu naŋ mbak mbur magi di slra kwa? Naŋ kine ya, tokom anta kiɗa mbur mapuka ta, ganday anta zuɓa haŋ ngi mbur magidi slra ta!

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

Matiye 15:6

naɓa naŋ anta ti may ngi ɗuva hirnga da cine mata. Naŋ kanah, ki hiryaka ɓi ngi Buymisemuŋ le, ɓa ki sipam sirik ngi dideˀ kumoy.

Ɓimezle ngi Yesu Kristu LUK mitil di mi 12:15

Yesu a ɓa mizli ma: «Jam lesl, wam vu avu may gwatay gar, asi ko da mbur a lum zlili le haɗi tekeɗe kwana, a ndir ti siifa aseˀe ta.»

Ɓimezle ngi Yesu Kristu LUK mitil di mi 16:14

Farisahay micinaka ɓi nah gar na, a singiram ar Yesu, asi a wuɗam dala haɗa.

Ɓimezle ngi Yesu Kristu LUK mitil di mi 6:35

Kumo so na, wuɗam mesene kumoy. Gam mezle, yo mizli midindilam gwat le avu kum na, ki wulkaka mata. Naŋ kine, kisa lumam migir kumo haɗi, kisa tiram ziri ngi Buymisemuŋ Mimadiɗa. Asi naŋ, naŋ i mezle avu mizli manja si na gi sisehey waɗ avu mizli misi moˀorehey gar.

SLRA 5:36

Angi hin mucohomoy aka zleˀe na, Tewdas a ndilawa, a wa vu naŋ kaɓa i mbur muɗongor, a jumo mizli gwat ngi skat skat mufaɗ ng'avaŋ. Amma naŋ ti hirnga naŋ, a kiɗaka le, yo misipi naŋhay gar kwana, a zliɗam hirnga le, ko mindir loŋ anta.

ROMAHAY 11:18

Anja ki wa vu ɗike kaɓa ki funa mihaŋ mikilahaka taŋ le avra na ta. Ki huhumvu gu mbri mbrike? Majaha slaslalaka, i ka ta, amma i slaslalak majuhuw ka jaka.

KORENTIHEY MUCUW NAŊ 5:15

Kristu a muc le vur mizli gar, ɓa mizli misi ti siifahay a ndiram ti siifa vur hirnga taŋ mata, amma vur Kristu mumuc, yo mislikiɗ tir muc vur taŋ na.

FILIPIHEY 2:21

Mizli mekelemey gar na, a puram i li lum taŋ tewle, anta ngi pula gir da Yesu Kristu ta.

KOLOSOY 3:5

Gwat ngi ruwuyoy misi a hur kum gar na, kiɗaka taŋ vagay vagay avra so, kaɓa ani: gi sulome, dili, may gwat, waɗ may zlili. Asi may zlili na, i huruk huruk a mbuŋ kulihey.

TESALONIKEY MUCUW NAŊ 2:4

Gwat gar mizli mapuraka kaɓa i bumbulvuŋ, malla madilkam a mbuŋ naŋ gar na, mbur misi moˀore nah na, a sa tika mizli ɓa a dilkam a mbuŋ naŋ ta. Hã a sa ci angi hay ngi Buymisemuŋ, naŋ ti hirnga naŋ a sa til mi, a ɓi: «Yi Buymisemuŋ.»

TIMOTE MUDUMBUŊ NAŊ 1:20

Himene ati Alekzaŋdire, t'ada a wuzla mizli tayna. Yi vula taŋ le da Satan, ɓa a sinaka, dambalaka a zaka Buymisemuŋ ta.

TIMOTE MUDUMBUŊ NAŊ 1:9

Cunukum ɓi ani kuy kuy: ɓimujuwa na, naŋ vur mizli mijeŋŋehey ta. Amma naŋ vur mizli mahinam hirnga ta, mislikiɗa ɓihey, mizirɗa mihey ati migi mungrahay, maɗuvaka hirnga da Buymisemuŋ ta, yo da gwat ngi Buymisemuŋhoy ta, mikiɗa cine ati mumuŋ taŋhay vagay vagay, mikiɗa hirngahay,

TIMOTE MUDUMBUŊ NAŊ 3:3

Anja i mbur miwi ti mbaazla ta, i mbur muwuɗa mi ta, amma i mbur mileleŋ, anta tiri ta, yo i mbur misi may dala ta ma.

TIMOTE MUDUMBUŊ NAŊ 6:10

Asi mike na, dimbasl ngi gwat malambaˀhay gar na, i may dala. Mizli mekelemey a vulaka vu taŋ wãˀ ngi sipi dala, a ngizlam le kileŋ avu tiɓi taŋ, yo gaka bonoy da vu taŋ haɗa, a zluɓaka le.

TIMOTE MUDUMBUŊ NAŊ 6:4

na ɓa mbur nah, huhumvu a hulfoŋ le. I mbur misin gwat ta, i mingila mi ngataraŋ, i mitiri asi ɓi lambaˀ. Joˀ a bo ti suloŋ, tiri, zivu, si hiri ar mbur.

TIMOTE MUCUW NAŊ 3:4

A sa vulam mizli ngi ji, a sa jam mevel haɗa, huhumvu a sa hulfo taŋ, a sa wuɗam gwat macira taŋ hiri, mbak Buymisemuŋ le jak.

Ɗerewol ZAK 2:8

Ɓimujuwa a ɓi: «Wuɗ mbur cil ɗike, kaɓa ka mawuɗ vu ɗiki.» Da ki ra gam kanah na, naɓa ki gam di i gwat mezle.

Ɗerewol ZAK 4:16

Amma wurenna, ki ra jijaham, ki ra huhumom vu. Sukwi ngi jijih misi kanah gar na, naŋ kuy ta.

Ɗerewol ZAK 4:6

Amma Buymisemuŋ ara ga ndra mezle haɗa ava ma jaka. Vurˀe, Ɓimutoho a ɓi na: «Buymisemuŋ a sli himaˀ avu mizli muhuhumvuhoyo, amma a ga mezle da mizli mahinam hirngahaya.»

PIYER MUDUMBUŊ NAŊ 5:5

Naŋ kanah ya, kum gawlahay, hinam hirnga a mbuŋ mizli micawwahaya. Ar jumoˀay kum gar ar wala kum na, kaka hina hirnga ɓaˀ avu vu ka zana, asi a tohoko na: «Buymisemuŋ a cici kaŋ kaŋ avu mizli mahuhumom vu hoyo, amma a ga mezle da mizli mahinam hirnga a mbuŋ naŋ.»

PIYER MUCUW NAŊ 2:10

Wãˀ naŋ na, Buymisemuŋ a sa kuti di i mizli masipam gwat ngi dili dumvu taŋ makwuɗ, waɗ mapuraka dudok ngi Buymisemuŋ khiris le na. Mizli tayna, a puraka kaɓa taŋ muk si, a huhumom vu taŋ. Tˀanta zluwunam ngi za gwat misi ti dudok ngi muŋhoyo ta.

PIYER MUCUW NAŊ 2:12

Amma mizli tayna, taŋ kaɓa gwat misããmi manja lesley, mihĩˀĩ ngi ji ti ngamngamay ati ngi kiɗ vagay vagay na si na, a zam di i gwat taŋ misina ka ta A sa zãˀãm hirɓislik hirɓislik ka gwat misããmihey mazãˀãm na ya.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

ZUDE 1:16

Mizli tayna, t'anta cinam ndum ta ndrehhe, ara mbulom mi. Taŋ vur may gwat ngi vu taŋ tew si. A ɓam ɓi ngi huhumvu taŋ. Mizli zliv li lum ada avu taŋ na, a puram mupuɗaw i taŋ.

ƁIMUNJUYO 13:1

Dar yi pur gwat misããmi, ara bo tir mubuliy, durumoy kuruˀu, waɗ hirngahay tarnaˀ. Durum gar na, loppol tuwaɗ tuwaɗ. Slimiɗ ngi zi Buymisemuŋ toh toh avu hirngahaya pal pal gar.

ƁIMUNJUYO 16:11

A zaka Buymuŋ, asi bonoy taŋ masaka, waɗ asi waˀa misi gweh gweh migi avu taŋ na. Amma, taŋ magam gwat malambaˀ na, ko a zilam marava vurˀe ta na si.

ƁIMUNJUYO 16:21

Slaslalay muloˀ loˀ, a gi kilo kukur mufaɗ, kukur mufaɗ a diɗoko paɗ ti muŋ ng'ar mizli. Joˀ mizli a zaka Buymisemuŋ, asi bonoy ngi yam tuwa, asi bonoy nah, naŋ kuy ta wãˀ.

ƁIMUNJUYO 16:9

Naŋ mazlum ŋcoˀ ŋcoˀ haɗi, mawura mizli tuwa na, dar mizli a zaka Buymisemuŋ misi ti gidaŋ ar bonoy tayna. Amma ko t'anta zilam marava a mevel taŋ, ɓa a vulaka dudok da Buymisemuŋ ta na si.