TIMOTE MUCUW NAŊ 3:1 - Bible en langue guiziga

¹ Sina sin le kuy kuy, angi hin ngi dirbahay na, hin mutuwaˀhay a sa gam.

TIMOTE MUCUW NAŊ 3:1 ပူးပေါင်းရင်းမြစ်များ

ZLI VIRZI 49:1

Zakop a zila ziri naŋhaya, a ɓa taŋ: «Cikilam hirnga ɓa yi ɓukum ɓi ngi gwat masa gi avu kum tumbuŋ.

EZAYI 2:2

Hin a sa sawa, muwã, hay ngi Bumbulvuŋ misi anga na, a sa gi dum hirnga muwãhay gar, yo a sa funa li miɗigireye gar. Sukwi ngi mizli gar a sa ram nga diga.

ZEREMI 48:47

Amma nga mbuŋ na, i sa ɗiya Moˀapa hiri naŋ a muŋ I ya Bumbulvuŋ maɓi.» Kiita ngi Moˀap a kiɗ mi aka.

ZEREMI 49:39

Amma nga mbuŋ na, i sa ɗiya Elamahiri naŋ a muŋ. I ya Bumbulvuŋ maɓi.

EZEKIYEL 38:16

Ki sa ra luuma Israyel, mizli ɗuwoyo, hã hirwuyo sirit wãˀ kaɓa gazlavay masirta li. Hana a sa gi sey hin naŋ mindila le. Ka Gok, ti ya misa biga ya mipal na le a mihiri mizli tisi ka na, i sa puluw jiviɗ ɓa ki ra zuma hirwuy ɗu, ɓa sukwi mekelemey a sinaka, yi Buymisemuŋ gisiŋ.

DANIYEL 10:14

Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.›

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 12:7

Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 7:8

I ra singila durum naŋhaya zleˀe, keɗ na, durum mekelem meciɗek, ara bo a wuzla taŋ. A wuzla durum mudumbuŋhoy mimakire, a muɗaka taŋ a mbuŋ naŋ. Durum meciɗek tuwa, hiri ava kaɓa hiri ngi mbur waɗ mi maɓi ɓi ngi huhumo vu.

Ɗerewol OZE 3:5

A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.

MISE 4:1

«Tumbuŋ na, gwat masa gi ani: muwã misi hay ngi Bumbulvuŋ anga na, a sa ɗuvaka a hirnga muwãhay gar, a sa gi subur fineˀ li miɗingireye gar, joˀ mizli a sa mbizlam ciɗngim ciɗngim ng'avaŋ.

TIMOTE MUCUW NAŊ 4:3

Naŋ kine, hin a sa ndilawa, tapasa, mizli mekelemey anta sa wuɗam cine dubun mijeŋŋe mata. Amma a sa sipam gwat makiɗa taŋ may, yo a sa cikilam mizli sikinih ngi dubunaka taŋ gwat ngisi mevel taŋ.

PIYER MUCUW NAŊ 3:3

Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum,

ZAŊ MUDUMBUŊ NAŊ 2:18

Ziri ɗuwoy, hana i hin ngi dirba wãˀ. Taŋ mitilam di mi, miɓam: mesene ngi Kristu ara sawa na, ki cinam le. Dambalaka, zle wurenna, mesene ngi Kristuhoy ada haɗi si. Ndra masinaka i hin ngi dirba wãˀ na ava.

ZUDE 1:17

Ngama ɗuwoy, kumo na, ɓi ngi mislin ngi Buy ndra Yesu Kristuhoy muɓukum di zleˀe daf dumbuŋ na, wulkaka keŋ.

ZUDE 1:18

A ɓukum na, angi hin ngi dirbahay na, mizli mekelemey a sa singiram ar kum, a sa gam may gwat ngi dumvu taŋ mahĩyã.