TIMOTE MUCUW NAŊ 2:8 - Bible en langue guiziga

⁸ Wuluk keŋ ar Yesu Kristu, dideˀ ngi Davit, mislikiɗ baɗ ti wuzla mumucahay, kaɓa Ɓimezle ya matil di mi maɓa na.

TIMOTE MUCUW NAŊ 2:8 ပူးပေါင်းရင်းမြစ်များ

Matiye 1:1

Yesu Kristu i dideˀ ngi Davit ati Abraham. Slimiɗ ngi dideˀ naŋhay ani:

Ɓimezle ngi Yesu Kristu LUK mitil di mi 24:46

Waɗ a ɓa taŋ: «Naŋ kaɓa mutohoko miɓi: ‹Anja sey Mesi a si bonoy seˀ le, yo a sa slikiɗ ti wuzla mumucahay ar hin mimakir naŋ na.

SLRA 13:23

Buymisemuŋ mubo ti Yesu, Milaha Israyeley na, ti ngi tizer ngi Davit nah vuna, a ɓa le ɗaˀ le zleˀe.

SLRA 2:24

Amma Buymisemuŋ a slikiɗa le a muŋ ti wuzla mumucahaya, a cukoŋ le tir bonoy ngi muco, ɓa muc a lum gidaŋ ar naŋ, a ja na, a gi ta.

SLRA 2:30

Naŋ i mijiviɗ zleˀe. A si na le, Buymisemuŋ a ɓaŋ le ti hudum: a sa cifi ar li naŋ ngi zuma buyo, i zuŋ ngi kwacay naŋ.

ROMAHAY 16:25

Hunumukum Buymisemuŋ! Naŋ ti gidaŋ ngi cucukum zlak gidaŋ gidaŋ avu Ɓimezle ya matil di mi, ɓi ya mabigi di Yesu Kristu kaslsla, kaɓa sin ya mulumo di tivu ɓi muɗum ngi Buymisemuŋ zleˀe, misi zle ngadana ta.

ROMAHAY 2:16

Gwat ngi gi muɗum ngi mizli gar, Buymisemuŋ mupula ɓa masa ga kiita nah, i Yesu Kristu na, a sa njik gar ti hin nah. Ɓimezle ya matil di mi na, i ɓi nah vuna.

KORENTIHEY MUDUMBUŊ 15:1

Sukum ɗu misikristuhoy, Ɓimezle ya mutulukum di mi zleˀe, yo kum mitiɓaka, mijaka ɓi nah a hirnga na, i mukum hiri nah ava.

KORENTIHEY MUDUMBUŊ 15:4

A dikaka le, angi hin mimakir naŋ na, a slikiɗ a muŋ, kaɓa Ɓimutoho miɓa.

TESALONIKEY MUCUW NAŊ 2:14

I tulukum mi ti Ɓimezle le. Buymisemuŋ muzulukum ng'ara na, ti naŋ, ɓa ki lumam dudok ngi Buy ndra Yesu Kristu.

TIMOTE MUDUMBUŊ NAŊ 1:11

Dubun hana, naŋ da ar Ɓimezle mupulaka asi haŋ ɗu na. I Ɓimezle maɓi ɓi ngi Buymisemuŋ misi ti dudok, mavula ndra mumul na.

TIMOTE MUDUMBUŊ NAŊ 2:7

Buymisemuŋ mitiri ti ya bugawla, yo mislin naŋ na vurˀe. A sliniy ng'avi mizli Yudehey ta na, ɓa i dubuna taŋ tiɓi waɗ ɓi mikaslsla. Ya maɓa na, i gisiŋ gisiŋ, i gi di i slir ta.

TIMOTE MUCUW NAŊ 1:8

Buy ndra na, anja ki gi mesem ngi ga sedewo naŋ ta so, yo ya mbur dangay aseˀe na kwana, ki gi mesem ti ya ta ma. Amma sukum bonoy cuwa asi Ɓimezle, ti njahha hiri njah asi gidaŋ Buymisemuŋ mavula na.

TIMOTE MUCUW NAŊ 2:7

Sla wala ngi ɓi ya maɓuw di na, is ngi ɓi mindire, i Bumbulvuŋ masa sluw wala nah gar.

ƁIMUNJUYO 5:5

Amma mbur pal a wuzla mizli micawwahay tuwa, a ɓiy: «Ki tuwuy ta, pura, mobor ngi si sukwi ngi Yuda, tizer ngi buy Davit, a cifi bugawla le. A sa turo sluruɓ mitaˀ taˀ tarnaˀ tayna, ɓa a wuna ɗerewolo.»