TIMOTE MUCUW NAŊ 2:7 - Bible en langue guiziga

⁷ Sla wala ngi ɓi ya maɓuw di na, is ngi ɓi mindire, i Bumbulvuŋ masa sluw wala nah gar.

TIMOTE MUCUW NAŊ 2:7 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 22:12

Bumbulvuŋ masa cifuw buy ngi Israyel na, anja a vuluw sli wala ngi gwat ati lesl, ɓa ki ja ɓimujuwa ngi Bumbulvuŋ Buymisemuŋ ɗik a hirnga.

ƁI NGI HIN GAR MUDUMBUŊ NAŊ 29:19

Vula mevel mikaslsla da mangal ɗu Salomoŋ, ɓa a ja ɓimuɗuva ɗikey, gwat ngi dubun ɗikey ati ɓimujuwa ɗikey a hirnga, ɓa a ga gwataya gar, yo ɓa a ndira hay, ya miwaŋ vu ti gwat naŋhay cek na»

DIMISEY 119:125

Ya gawla ɗike, vuliy sli wala ngi ɓi, ɓa i si na ɓimuɗuva ɗike.

DIMISEY 119:144

Ɓimuɗuva ɗike, i gi jeŋŋe ngi sete, jiniy ngi sli wala nah, ɓa i ndir ti siifa.

DIMISEY 119:73

Mindiriy ndar ndar, yo maciciy deŋ ti deŋ na, i ka, vuliy lesle, ɓa i dubuna ɓimuɗuva ɗikeye.

DIMISEY 64:9

Mingiɓi taŋ tuwa, a mbiɗi le nga hirnga taŋ tehhe a muŋ. Mbur mupura taŋ le gar na, a hir hirnga.

MIKUCUWULOY 24:32

Yi pur hiri, i singila i singila. Ya mupura na, gwat muvuliy dubun ani:

EZAYI 1:3

Ko sla kwana, a si na buy naŋ, yo zungu, a si na li zum naŋ nga hay buy naŋ le, amma Israyeley a sinam gwat ta. Mizli ɗuwoy anta slaka wala ngi ɓi ta.»

EZAYI 28:26

Dambalaka, madubunaŋ gwat, yo masirkaŋ jiviɗ ɓa a sipa na, i Buymisemuŋ naŋ.

EZAYI 5:12

A wam tulus ar li kiɗa garaya ati gangaŋ waɗ ar li fi bozloro. Amma gwat Bumbulvuŋ maga na, anta jaka a hirnga ta, yo gwat naŋ maga ti haŋ naŋ na, anta puraka ɗeŋ ɗeŋ ta.

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

Ɓimezle ngi Yesu Kristu LUK mitil di mi 21:15

Asi ya, i sa vulukum mingiɓi ati sinmijileŋ, ɓa ko mesene kum pal masa ngilukum mi malla masa mbuɗukum mi gu anta.

Ɓimezle ngi Yesu Kristu LUK mitil di mi 24:45

Joˀ a wuna taŋ lesl ɓa a slaka wala ngi Ɓimutoho muduba so.

Ɓimezle ngi Yesu Kristu LUK mitil di mi 9:44

«Cinaka ɓi ya mawuɗ i ɓukum di ani na kuy kuy: A sa vulaka Mangal ngi mburo asi haŋ ngi mizli.»

Ɓimezle ngi Yesu Kristu ZAŊ mitil di mi 14:26

Mijiniˀis, ˀUf Mipal, Baha masa slinukum di ti slimiɗ ɗu na, a sa dubunukum gwataya pay, yo ɓi ya muɓukum di gar na, a sa so keŋ ar wuluk kumo.

Ɓimezle ngi Yesu Kristu ZAŊ mitil di mi 16:13

Da ˀUf mijeŋŋe misa so le na, a sa ru ti kum ar ɓi mikaslsla gar wãˀ. Asi a sa ɓi di i ɓi ngi mongoy naŋ ta, amma a sa ɓi di i ɓi naŋ masa cina, yo a sa bugukum ɓi ngi gwat masa gi gar.

SLRA 7:10

a bi di tir bonoy naŋhay gar. Joˀ a gaŋ mezleŋ, a vulaŋ sinmijileŋ a mbuŋ buy madiɗa ngi Ezipte. Buy Ezipte a cifa Zosefe i buy miwi li angi hirwuy Ezipte, yo ar hay naŋ gar.

KORENTIHEY MUDUMBUŊ 12:8

Mbur mekeleme, ˀUf mupurla nah vuna a vulaŋ nga naŋ, i ɓi ɓi ti sinmijileŋ. ˀUf mupurla nah vuna, a vula da mbur numuŋ, i si na gwat.

Slu cuw 32:29

Da sinmijileŋ ada zleˀe neˀ avu taŋ na, ɓi hana vuna ara kiɗ mi a maka na, anja a slaka wala nah gu zleˀe.

Slu cuw 4:39

Sinaka sin le dana, yo wulkaka ndrehhe: Bumbulvuŋ naŋ purla, i Buymisemuŋ, naŋ ar birngiŋ a muŋ waɗ a ruwuyo ma, yo mekelem mbak naŋ le na, anta mata.

FILIPIHEY 4:8

Sukum ɗuwoy, gwat mindir ngi gi anihĩ: Kam slimiɗ ar gwat mikaslsla, gwat mupuɗaw, gwat mijeŋŋe, manja dili, mindila le ngi wuɗu, mindila le ngi ɗuvaŋ hirnga, gidaŋ ngi gimezleŋ, mindila le ngi ngila wuy. Gwat tayna gar na, gam taŋ slra.

KOLOSOY 1:9

Vurˀe, zle ti hin ndra micinaka ɓi kum na, i pulaka diradibiɗ vur kumo ta. I ra cufuɗaka Buymisemuŋ, ɓa ki sinaka gwat naŋ mawuɗo kuy kuy wãˀ, ɓa ˀUf naŋ a vulukum sinmijileŋ gar waɗ lesle,

TIMOTE MUDUMBUŊ NAŊ 4:15

Gwat ngi ji kaw a mevel ɗik i hana, yo hurdum di hirdam, naɓa mizli gar a sa puraka slra ɗike, ara ru nga mbuŋ nga mbuŋ.

TIMOTE MUCUW NAŊ 2:6

Mbur muhuf migir le kupuyah ti slra naŋ kwana, masa luuma migir ngi migama dumbuŋ i naŋ kwaɗay.

TIMOTE MUCUW NAŊ 2:8

Wuluk keŋ ar Yesu Kristu, dideˀ ngi Davit, mislikiɗ baɗ ti wuzla mumucahay, kaɓa Ɓimezle ya matil di mi maɓa na.

HEBEREY 12:3

Naŋ kine, wulkaka Yesu, muɓusa bonoy, mizli migi mungrahay migakaŋ di, ɓi micicam kaŋ kaŋ ng'ar naŋ na, ɓa ki pulaka vukumo mbak, zluwun a hĩhĩyukum kupuyah ta.

HEBEREY 13:7

Wulkam keŋ angi mizli micawwa kumoy mubugukum jiviɗi, mutulukum mi ti ɓi ngi Buymisemuŋ na, Cifi taŋ ar siifa a sa kiɗ mi mbrike na! Sipaka tiɓi taŋ na.

HEBEREY 3:1

Vurˀe, kum sukum ɗu misikristuhoy, Buymisemuŋ muzulukum na, puram hiri ng'avu Yesu, naŋ mislin, yo masay madiɗa a mbuŋ Buymisemuŋ ngi tiɓi ndra manjikaka na.

HEBEREY 7:4

Puraka ɗi, Melkisedek, mbur madiɗa nah na, Abraham, dideˀ ndra madiɗa, a vula mukuruˀ ngi gwat mimezle, naŋ mulumo di ar vurumo gar da naŋ.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.

Ɗerewol ZAK 3:15

Naɓa sinmijileŋ nah na, a so paɗ ti muŋ ta, i sin ngi ruwuy, sin ngi ginewey, a bo tivi setenehey.

Ɗerewol ZAK 3:17

Amma sinmijileŋ maso paɗ ti muŋ na, dumbuŋ dumbuŋ na, hiryi anta ara ta, a vul zuy, naŋ teˀteˀe, a jum ˀay ngi mizli, a pur ˀircece haɗi, a gi gwat mezlehey, anta jini vu cah ti cah ta, yo a ɓi mi cuw cuw ta.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.