TIMOTE MUCUW NAŊ 2:2 - Bible en langue guiziga

² Ɓi ka micina avu ya a mbuŋ migi sedewohoy haɗi na, pula asi haŋ ngi mizli miteŋteŋhey. Taŋ vuna kwana, a ndilaka le ngi dubuna da mizli mekelemey aya.

TIMOTE MUCUW NAŊ 2:2 ပူးပေါင်းရင်းမြစ်များ

ESDRAS 7:10

Naŋ kine, Esdras a hurdum le hirdam ti mevel purla ngi si na ɓimujuwa ngi Bumbulvuŋ, ɓa a gi di slra, yo ɓa a dubuna ɓimujuwa taˀ gar ati sirikeye da mizli asi ruwuy Israyele.

ESDRAS 7:25

Ka so na Esdras, wini buyoy ati migi kiitahay ti sinmijileŋ ngi Buymisemuŋ ɗik misi angi ɗerewol mikaw asi haŋ ɗik na, ɓa a gaka kiita da mizli gar misi tisi pas ngi pastaˀ ngi Efrata, mizli misinaka ɓimujuwa taˀ gar ngi Buymisemuŋ ɗike le, yo mizli misinaka ta kwana, kisa dubunaka taŋ di.

NEHEMI 7:2

Ar nah na, yi ɓi ɓa a cifaka sukum ɗu Hanani, ɓa i naŋ mawa Zeruzaleme. Yo hay muguno ti mohol, majiginam di walahaya, i Hananiya mawa naŋ ya. Asi mike na, Hananiya i mbur miteŋteŋ, a zluwun ti Buymisemuŋ fineˀ mizli mekelemey gar.

DIMISEY 101:6

Mizli mezlehey minjah wãˀ ngi si ruwuyo, yi sa wini di i taŋ, ɓa a cifam a ciki ɗu. Mbur magi gwat ti jiviɗ naŋ ɗalla na, naŋ a sa tiri mbur madiɗa angi slra ɗu.

MIKUCUWULOY 13:17

Mislin misi moˀore, a ca sar ar bonoy, amma mijiviɗ miteŋteŋ a mbul vu.

ZEREMI 23:28

Mijiviɗ mumusuwun le na, anja a sluf di i ɓi ngi musuwun naŋ na cirre gwat naŋ, amma mijiviɗ misi mingiɓi ɗu na, anja a til mi ti ɓi ɗu na ti jiviɗ naŋ kasl kasl! Mujumo cekwesl ati mengeleleŋ ngi gwat i mike? I ya Bumbulvuŋ maɓi.

LEVIHEY 14:42

A hilam ɗugur mekelemey, ngi ca taŋ ar li ngi ɗugur mudumbuŋhoy tuwa, yo a wuɗam hohoy mekelem, ɓa a kupaka hiri ngi hay a muŋ.

MALASI 2:7

Asi mike na, masay a dubun di i sin da mizli, yo mizli a sipam dubun mabo ti balam naŋ, asi naŋ i mislin ngi Bumbulvuŋ misi gidaŋ wãˀa.

SLUFA VU 12:7

Amma ngi gawla ɗu Moyise naŋ kanah ta, naŋ i mbur magi welele ti mevel purla vur mizli ngi sukwi ɗuwoy gar.

Matiye 13:52

Joˀ a ɓa taŋ: «Naŋ kine, buy ngi ɓimujuwa gar misina ɓi ngi Zumabuy ngi muŋ le na, a bam vu ati buy ngi hay mabo ti gwat nawayahay ati magalahay tir zlili naŋ.»

Matiye 24:25

Ani yi ɓukum di le daf dumbuŋ.

Ɓimezle ngi Yesu Kristu LUK mitil di mi 12:42

Buy Yesu a ɓaŋ: «Gawla miteŋteŋ misi lesl i wana ska? I mbur, buy ngi hay masa pula hay naŋ gar asi haŋ naŋ, ɓa a wunka dawa da mizli ngi hayaya kaslsla angi pas taŋ muwuɗam le gar.

KORENTIHEY MUDUMBUŊ 4:2

Dambalaka, gwat mawuɗam avu mizli mijikaway na, sey a bigaka vu taŋ i mizli miteŋteŋhey.

KORENTIHEY MUCUW NAŊ 2:14

Amma sise da Buymisemuŋ, asi ara ru ti ndra ndrehhe ɓa i lumam bugawla mbele ndra mujom ati Kristu. A gi ti ndra ɓa i bigaka Kristu, ɓa mizli a sinaka ar li gar, ka zĩˀĩ ngi urdi mandih ar li gar.

KORENTIHEY MUCUW NAŊ 3:5

Anta asi ndra ti haŋ ndra, i ndilaka le ngi ga slra hana ti gidaŋ ndra gu, kanah ta. Gidaŋ ndra a so ti vu Buymisemuŋ.

KOLOSOY 1:7

kaɓa Epafras, ngama ndra, cil ndra, ndra magam slra bumoˀ mudubunukum di na. Epafras ara gi slra ar deɗe ndra, ka mbur miteŋteŋ migi slra ngi Kristu.

TIMOTE MUDUMBUŊ NAŊ 1:12

I ra ga sise da Yesu Kristu, Buy ndra muvuliy gidaŋ ngi gi slra na. A zuɓiy ngi gi slra, asi a puriy, i ndila le.

TIMOTE MUDUMBUŊ NAŊ 1:18

Ka mangal ɗu Timote, ɓi ya maɓuw di hana, mijiviɗey a ɓaka le zleˀe vur ka, i ra puluw di asi haŋ ɗike, ɓa a vuluw gidaŋ ngi cici zlak, ngi gi vurum kuy kuy ti naŋ,

TIMOTE MUDUMBUŊ NAŊ 4:14

Gwat ngi gi ɗik, Buymisemuŋ muvuluw di a hur ɗik, mijiviɗey muvulukuw di, jom ati mizli micawwahay mubucukuw haŋ a hirnga na, ki burɗa ta.

TIMOTE MUDUMBUŊ NAŊ 4:6

Dubuna gwat tayna cek da sukum ɗik mitiɓiheye: naɓa ki mbur mijini vu mezle ngi Yesu Kristu. Ki sa biga, mavuluw gidaŋ, i ɓi ka mitiɓa waɗ ɓi mudubunukuw di kuy kuy, ka misipa hirdam hirdam na.

TIMOTE MUDUMBUŊ NAŊ 5:22

Angi Cikil ngi misikristuhoyo, ko ki wus vu ngi buca haŋ da mbur a hirnga ta. Ki ci ar mungra ngi mizli magaka na ta. Ka vuna, jigina hirnga ɗik avu ɓi ngi dili.

TIMOTE MUDUMBUŊ NAŊ 6:12

Kiɗ vu ti cika vu mezle ngi tiɓi, ɓa ki lum siifa ngi sete, Buymisemuŋ muziluw na, ngi lum naŋ. Tapas ka miɓi njah a mbuŋ sedewohoy haɗa, ki tiɓa Yesu le na, ki si na le.

TIMOTE MUCUW NAŊ 3:10

Amma ka Timote, ki sipiy le hirdam hirdam ar gwat ya mudubuna da mizli, ar joˀ ɗu, ar gwat ya mujuwa ar wuluk ɗu ngi gi, ar tiɓi, ar ɓusaɓi, ar wuɗavu, ar cici ɗu zlak,

TIMOTE MUCUW NAŊ 3:14

Amma ka, gwat taŋ mudubunukuw di, yo ka mitiɓa i gisiŋ na, cici zlak anga kuy kuy. Ki si na mizli mudubunukuw di na le.

HEBEREY 2:17

Vurˀe, sey a tiri rak rak kaɓa sukum naŋhay ar gwat gar, ɓa a tiri masay madiɗa a mbuŋ Buymisemuŋ, mapur ˀircece, miteŋteŋ ar slra naŋ a mbuŋ Buymisemuŋ, ɓa ngi puya mungra ngi mizli avra.

SAMUYEL MUDUMBUŊ NAŊ 2:35

A dirba nah na, i sa wini masay miteŋteŋ. A sa gi kaɓa mevel ɗu mawuɗo, yo kaɓa ya mahĩyã. I sa ndiraŋ hay masa ndir ngi wãˀ a sa ga slra naŋ ndrehhe a mbuŋ mesi ɗu.