TIMOTE MUCUW NAŊ 2:1 - Bible en langue guiziga

¹ Ka so na, mangal ɗu, anja ki lum gidaŋ ti gimezle Buymisemuŋ miga ndra di tisi Yesu Kristu na.

TIMOTE MUCUW NAŊ 2:1 ပူးပေါင်းရင်းမြစ်များ

Ɗerewol AZE 2:4

Ani wurenna so na, ya Bumbulvuŋ i ɓuw ka Zorobabel, mangal ngi Seyaltiyel, buy miwi hirwuy Zuda, yo ka Yesuwa, mangal ngi Yosadak, masay madiɗa, waɗ kum is ngi mizli gara, tumom vu. Ya Bumbulvuŋ misi gidaŋ wãˀa, i ɓukum, slikiɗam, gam slra! Asi mike na, ya Bumbulvuŋ misi gidaŋ wãˀ i ɓukum, y'ada ati kumo.

KORENTIHEY MUDUMBUŊ 16:13

Ki hinjam ta, cicam zlak gidaŋ gidaŋ ar tiɓi. Gam zil zil, gam gidaŋ gidaŋ.

EFESEY 6:10

Wurenna, mindir na, juwam vu gidaŋ gidaŋ ar kum mujom ati Bumbulvuŋ, gam solok ti gidaŋ naŋ mihaɗi na.

FILIPIHEY 4:13

Ko mike gar na, i ɓusa gu, asi Kristu matiri ti ya gidaŋ gidaŋ.

TIMOTE MUDUMBUŊ NAŊ 1:18

Ka mangal ɗu Timote, ɓi ya maɓuw di hana, mijiviɗey a ɓaka le zleˀe vur ka, i ra puluw di asi haŋ ɗike, ɓa a vuluw gidaŋ ngi cici zlak, ngi gi vurum kuy kuy ti naŋ,

TIMOTE MUDUMBUŊ NAŊ 1:2

I ra tuhuw di da ka Timote, mangal ɗu migisiŋ gisiŋ ar tiɓa. Anja Cine ndra Buymisemuŋ ati Buy ndra Yesu Kristu a gukuw mezle, a purukuw ˀircece, yo a vulukuw zuy.

TIMOTE MUCUW NAŊ 1:1

I ya Pol, mislin ngi Yesu Kristu, asi Buymisemuŋ a wuɗ le. A vuliy slra ngi tila mi ti ɓi ngi siifa, naŋ miɓa ɗaˀ le zleˀe tisi Yesu Kristu.

TIMOTE MUCUW NAŊ 1:2

I ra toho ɗerewol hana da ka Timote, mangal ɗu, ya mawuɗow haɗa. Anja Cine ndra Buymisemuŋ ati Buy ndra Yesu Kristu a gukuw mezle, a purukuw ˀircece, a vulukuw zuy.

TIMOTE MUCUW NAŊ 1:7

Asi ˀUf, Buymisemuŋ muvula ndra di na, i ˀUf ngi zluwun ta, amma i ˀUf mavul gidaŋ, wuɗavu, waɗ tikaˀay da vu ndra.

TIMOTE MUCUW NAŊ 2:10

Ya maɓusa ɓi gar na, vur mizli Buymisemuŋ muwuna taŋ, ɓa taŋ kwana, a lumam lih tisi Yesu Kristu, waɗ ɓa a lumam dudok mihã ngi set na ma.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

ZOZUWE 1:7

Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.