TIMOTE MUCUW NAŊ 1:7 - Bible en langue guiziga

⁷ Asi ˀUf, Buymisemuŋ muvula ndra di na, i ˀUf ngi zluwun ta, amma i ˀUf mavul gidaŋ, wuɗavu, waɗ tikaˀay da vu ndra.

TIMOTE MUCUW NAŊ 1:7 ပူးပေါင်းရင်းမြစ်များ

DIMISEY 119:80

Sey i sipa gwat ka mawuɗo ti mevel purla, ɓa i pi mesem a mbuŋ ɗike ta.

MIKUCUWULOY 2:7

Mizli mikaslslahaya, Buymisemuŋ a ga ɓa gwat taŋ a gi kasl kasla, naŋ kaɓa mbaray avu mbur miteŋteŋ ar gwat ngi gi naŋ.

MIKUCUWULOY 8:14

Ngilawuy ati gi gwat mezle gu gar na, taŋ avu ya, yo lesl ati gidaŋ gar na, taŋ avu ya.

EZAYI 11:2

ˀUf ngi Bumbulvuŋ a sa pi sar ar naŋ: i ˀUf mavul sinmijileŋ ati sli wala ngi gwat, i ˀUf ngi kuta vu waɗ ngi gi wirwir, i ˀUf ngi si na gwat waɗ ngi zluwun ti Bumbulvuŋ.

MISE 3:8

Amma ya, mbele ˀUf ngi Bumbulvuŋ na, yi lum gidaŋ le haɗa, si na sli ɓi ati tuso mevele, ɓa dideˀ ngi Zakopoyo taŋ mislikiɗam ɓi, yo Israyeley migam mungra na, i njika taŋ di.

ZAKARI 4:6

A mbiɗiy di ma, a ɓiy na: Bumbulvuŋ a ɓa Zorobabel ani: Ɓa kisa ga slra misenna na, anta ti gambara ngi vu ta, anta ti gidaŋ ta, amma ti ˀUf ɗu, maɓi i ya Bumbulvuŋ misi gidaŋ wãˀa.

Ɓimezle ngi Yesu Kristu LUK mitil di mi 10:19

Ani, yi vulukum gidaŋ le, ɓa ki kirpaka kaw ati ˀurucoyo, waɗ ɓa ki funaka gidaŋ ngi mesene kumo gar, ko gwat masa gukum ngaˀa anta.

Ɓimezle ngi Yesu Kristu LUK mitil di mi 15:17

Lesl a saŋ keŋ, a zla a ɓi ti kwacay naŋ: ‹Gawla ngi baha ɗuwoy gar, gwat ngi zum a ndir avu taŋ lambaˀ. Ani ya, may ara kiɗiy aka!

Ɓimezle ngi Yesu Kristu LUK mitil di mi 24:49

Yo i sa slinukum ti gwat Baha miɓa ɗaˀ le da zleˀe tuwa. Amma kumo so na, cifam angi walahaya, hã tapas gidaŋ ngi muŋ misa po sar le ar kum.»

Ɓimezle ngi Yesu Kristu LUK mitil di mi 8:35

Mizli a ram ɓa ara puraka gwat migi vuna. A ndilam avu Yesu, a lumaka mbur misi setenehey mubam ti vaˀa tuwa, naŋ da asi sar ngi Yesu, ti zana ɓaˀ avu vu, yo naŋ ti lesl naŋ kuy kuy muduba. Zluwun a ga taŋ.

Ɓimezle ngi Yesu Kristu ZAŊ mitil di mi 14:27

«Yi pulukum di i zuy, i ra vulukum zuy ɗu. Y'anta i vulukum di kaɓa ngi duniya mavula na ta. Anja didak a muɗukum ta, ki zluwunam ta.

SLRA 1:8

Amma kumo, kisa lumam gidaŋ, i ˀUf Mipal masa sawa ar kum. Dar kisa tiram sedewo ɗuwoy a Zeruzalem, angi hirwuy Yude gar, a Samari waɗ hã asi hirwuy mira kiɗo mi.»

SLRA 10:38

Ki sinaka le, Yesu ngi Nazarete, Buymisemuŋ a vulaŋ gidaŋ ngi ˀUf Mipala le, a liˀi ti gimezle ar lihey gar, a mbulo mizli muroko asi haŋ ngi Satanaya le gar, asi Buymisemuŋ naŋ da ati naŋ.

SLRA 20:24

Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ.

SLRA 21:13

Dar a mbiɗa ndra di: «Ki tuwam, yo ki slikiy mevel vur mike? I juw vu le, ɓa a juwikiy ti juw tew ta ma, amma ɓa yi muc a Zeruzalem asi slimiɗ ngi Buy Yesu.»

SLRA 26:11

Yi bula hay ngi diradibiɗye le gar, yi ga taŋ bonoy le haɗi, yi tika taŋ ˀay le ɓa a zaka Buymisemuŋ zleˀe. Yi zuɓ himaˀ ar taŋ fõh fõh, hã yi sipa taŋ nder nder nga hirwuy mulakay.

SLRA 26:25

Amma Pol a slaŋ di: «Aw buy mezleŋ, yi mibirnga ta. Ɓi ya maɓa na, naŋ jeŋŋe, i ɓi ngi lesle.

SLRA 6:8

Buymisemuŋ a ga mezle le da Etiyene haɗi, a vulaŋ gidaŋ le haɗi, a gi gwat migam ɗaˀtahay ati gwat ngi zuma hirngahay haɗa a wuzla mizli.

SLRA 9:22

Amma Sawulo, a ro mi haram haram gisiŋ gisiŋ. Ti naŋ mabiga taŋ di Yesu i Kristu gisiŋ vuna si na, Yude ngir walahay Damasa, a sinaka ɓa a ɓakaŋ kini ta.

ROMAHAY 5:5

Njaha hiri na, anta gi gilaw da mbur ta, asi Buymisemuŋ a po wuɗavu naŋ le a mevel ndraˀahaya tisi ˀUf Mipal, naŋ muvula ndra di.

ROMAHAY 8:15

ˀUf Mipal, kum mulumam na, i ˀUf matiri ti kum bekehey ta, yo mami ti kum ng'ar zluwun a muŋ mata ma, amma ki lumam di i ˀUf magi ti kum ziri, naŋ mugulukum. Yo ndra matilaka mi da Buymisemuŋ, i ɓam: «Baha, Cine ndra» na, ti seˀeŋ.

KORENTIHEY MUDUMBUŊ 2:4

Dubuna gwat ɗu da mizli ati tila mi ɗu na, ˀay ngi ɓi ɓi ngi mbiɗa mevel ngi mbur ti sinmijileŋ ngi mbur anta anga ta. Amma i dubun ati tila mi, ˀUf Mipal mibiga ti gidaŋ naŋ,

GALATAY 5:22

Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,

KOLOSOY 1:8

A ɓa ndra ɓi ngi wuɗavu kum, ˀUf Mipal mavulukum di na le.

HEBEREY 2:15

yo mizli mitiram bekehey asi taŋ mazluwunam ti muc angi hin ngi siifa taŋ gar na, ɓa a tuɓo taŋ.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

ZAŊ MUDUMBUŊ NAŊ 4:18

Zluwun anta ar wuɗavu ta, wuɗavu mikaslsla wãˀ na, a bi ti zluwun avra jaka, asi zluwuno, taŋ zlaɓ ati kiita. Mbur mazluwun na, naɓa wuɗavu naŋ a ndila kaslsla ta.