TIMOTE MUCUW NAŊ 1:5 - Bible en langue guiziga

⁵ Tiɓi migisiŋ gisiŋ misi a mevel ɗik na, naŋ da keŋŋe a hirnga ɗu. I tiɓi mudumbuŋ misi zleˀe a mevel Lowis, dunuk mongoso waɗ a mevel munuk Enike na. I si na le gisiŋ, tiɓi nah na, naŋ da a hur ɗik aya.

TIMOTE MUCUW NAŊ 1:5 ပူးပေါင်းရင်းမြစ်များ

DIMISEY 116:16

Aw Bumbulvuŋ ɗu, ani yi gawla ɗiki, haˀaw, yi gawla ɗik, mangal ngi ngwas migi slra ɗiki. Ka, ki pusuko ya le.

DIMISEY 22:10

Bumbulvuŋ, i ka mubo ti ya ti kwacay maha, yo ki wi vu le ti ya gumbuˀ a didak naŋ.

DIMISEY 66:3

Ɓaka Buymisemuŋ na: «Gwat ka maga gar na, a gi zluwun da mbur! Mesene ɗikey ara bubuɗam ti ka.

DIMISEY 77:6

I ra wulka hiney mucohom zleˀe, waɗ vihey mucohom zlezle zleˀe.

DIMISEY 81:15

anja ani i tikaˀay le zlezle da mesene taŋhaya, yo anja i kiɗa mizli maguzuvuraka taŋ na le.

DIMISEY 86:16

Mbuɗo hiri ngir tivi ya, puriy ircece ayɗi, ya gawla ɗike, vuliy gidaŋ ɗike, lihiy, ya mangal ngi ngwas beke ɗike.

ZEREMI 3:10

Gar ti nah kwana, Zuda sukum naŋ mongoso miteŋteŋ ta na, a mo ng'avi ya ti mevel purla ta: a zil marava ti jiviɗ naŋ kaslsla ta. I ya Bumbulvuŋ maɓi.

Ɓimezle ngi Yesu Kristu ZAŊ mitil di mi 1:47

Yesu mupura Natanayel maso ng'ava na, a ɓi vurˀeŋ: «Mbur Israyel migisiŋ gisiŋ ani. Anta gi gilaw da mbur ta wãˀ.»

SLRA 16:1

Pol a ndil a Derbe, waɗ a Listre. Mbur mitiɓi mekelem ada a diga, a zilaka Timote. Mumuŋ naŋ a tiri mitiɓi le, yo cine naŋ i mbur Grek.

SLRA 26:26

Buy Agripa ya maɓaŋ manja zluwun hana na, a si na ɓi ngi gwat tayna le njah wãˀ, ko mikicaŋ loŋ anta. Ya mawuluk kahana na, asi yi si na le. Gwat tayna a gam ar zlirɗi, ɗum ti ɗum ta.

ROMAHAY 14:14

Asi ya mujom ati Buy Yesu Kristu na, i si na le njah wãˀ: gwat misi dili anta. Amma da mbur ara pura ava, i gwat misi dili nah na, a tiri ava kanah gisiŋ.

ROMAHAY 14:5

Mbur mekeleme, a pura kaɓa hin mekelemey a funaka hin numuŋhoyo le. Mbur numuŋ, a pura hiney gar i misi purlahay. Anja mbur gar a cici angi naŋ muwuluk di a mevele.

ROMAHAY 15:14

Kum sukum ɗuwoy, ya vuna, i si na le gisiŋ gisiŋ, ki sinaka gi gwat mezle le kuy kuy wãˀ, ki naham le ti sin mijeŋŋe wãˀa, yo ki ndilaka le ngi kuti vu ar wala kumo.

ROMAHAY 4:21

A si na le wãˀ a mevele gisiŋ gisiŋ: gwat Buymisemuŋ miɓa le ɗaˀ le na, Buymisemuŋ a ndila le ngi gi naŋ.

ROMAHAY 8:38

Haˀaw, i si na le wãˀ gisiŋ, gwat masa wuɗka ndra gu ati Yesu mawuɗ ndra na anta. Ko mucu, ko siifa, ko modro ngi Buymisemuŋhoy, ko gidaŋ mekelemey pal pal, ko hin misi dana ati hin ngi mbuŋ,

KORENTIHEY MUCUW NAŊ 6:6

I bigaka, ndr'i migi slra ngi Buymisemuŋhoy na, ti joˀ ndra mezleŋ, ti si na gwat, ti ɓusa ɓi, ti gimezle, tisi ˀUf Mipal waɗ ti wuɗavu ndra ti kwacay purla,

TIMOTE MUDUMBUŊ NAŊ 1:5

Ɓi ya miɓa ɗaˀ le na, hĩˀĩ ɓa mizli a wuɗam vu ti mevel purla, ti wuluk mezle, yo ti tiɓi minjah wãˀ.

TIMOTE MUDUMBUŊ NAŊ 4:6

Dubuna gwat tayna cek da sukum ɗik mitiɓiheye: naɓa ki mbur mijini vu mezle ngi Yesu Kristu. Ki sa biga, mavuluw gidaŋ, i ɓi ka mitiɓa waɗ ɓi mudubunukuw di kuy kuy, ka misipa hirdam hirdam na.

TIMOTE MUCUW NAŊ 1:12

Ya masi bonoy hana na, aseˀeŋ. Amma y'anta gi di mesem ta, asi i si na mbur, ya muɗuva tiɓi ɗu ar naŋ na le, yo i si na le gisiŋ, gwat naŋ mupula asi haŋ ɗu na, a wi di vu gu hã a ndila hin ngi kiita.

TIMOTE MUCUW NAŊ 3:15

Ki si na Ɓimutoho le, zle ti ka misi ti zuŋ. Ɓimutoho, naŋ ti gidaŋ ngi vuluw sinmijileŋ, maru ti mbur nga lih, asi tiɓa Yesu Kristu a mevel.

HEBEREY 11:13

Mizli tayna, a micam pam ti tiɓi taŋ a mevele na si, manja a lumam gwatay Buymisemuŋ miɓi a sa vula taŋ di vuna. Amma a puraka taŋ le, a mumuloko taŋ le deŋ kileŋ. A ɓam: taŋ i mulakay, i moholoyoy a ruwuyo.

HEBEREY 6:9

Amma kumo na, yeme ɗuwoy, ko da i ra ɓam kahana tekeɗe kwana, i sinaka le gisiŋ wãˀ, kum angi jiviɗ mezle aruŋ, jiviɗ ngi laha vu.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.