TIMOTE MUCUW NAŊ 1:4 - Bible en langue guiziga

⁴ Ya muwulka tuwuy ɗik na le na, i wuɗ pur ɗike haɗa haɗa, ɓa yi mumul wãˀ.

TIMOTE MUCUW NAŊ 1:4 ပူးပေါင်းရင်းမြစ်များ

DIMISEY 126:5

Mbur mizligi ti tuwuy a hiri zleˀe, a ga sifi ti mumul.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

ZEREMI 31:13

Dar ziri mongosohoy a ɓurgam ti cine ndum, gawlahay ati midigilahay kwana, kanah ya. Tuwuy taŋ ngi vagaya, i mbiɗa taŋ di mumul, i vula taŋ gidaŋ, i vula mumul da mizli malikamaya.

Ɓimezle ngi Yesu Kristu ZAŊ mitil di mi 16:22

Kum wurenna, ki ra ndurɓom hiri kanah ya, amma yi sa purukum a muŋ ma, joˀ mevel kum a sa mumul, ko mbur masa tukukum mumul nah, anta.

Ɓimezle ngi Yesu Kristu ZAŊ mitil di mi 16:24

Hã wurenna, ki cufuɗam gwat neˀ le ti slimiɗ ɗu ta. Cufuɗam, kisa lumam, hã mumul kum a sa gi i mumul mikaslsla wãˀ.

SLRA 20:19

Yi ga slra ngi Bumbulvuŋ le ti hina hirnga wãˀ, ti tuwuy, yo ti bonoy a wuzla mi memeɗe, Yudehey magaka a hirnga ɗu.

SLRA 20:31

Ndiram hiri ɗeŋ ɗeŋ so, wulkam, angi vi makir, duvuɗ ti papas gar na, yi ro ar li kuti kumo purla purla gar ti tuwuy a hiri.

ROMAHAY 1:11

Naŋ kine, may nga purukum ara jiy haɗi haɗi wãˀ ngi vulukum gwat ngi ˀUf Mipal na, ɓa ki lumam di gidaŋ.

FILIPIHEY 1:8

Haˀaw, i ra wuɗukum haɗi a mevel ɗu, kaɓa Yesu Kristu mawuɗokum vuna, Buymisemuŋ a ga sedewo nah.

FILIPIHEY 2:26

Naŋ, a ro ti may haɗi nga purukum gar kumo, yo a ro welele asi kum micinaka ɓi ngi jiji naŋ na.

TESALONIKEY MUDUMBUŊ NAŊ 2:17

Sukum ndrahay, zle ti ndra muwunkam ati kumo ngi hin neˀ na, i dumvu ndra muwunkama si ɓula, amma a mevel ndra na, i wunkam ta. Vurˀe, i tumom vu le tum, ɓa i ra purukum gbaˀa, asi i roko ti may naŋ ti yam ar gojogoɗo.

TIMOTE MUCUW NAŊ 4:21

Kiɗ vu, ɓa ki so dumbuŋ angi kiya ngi himiɗe. Ebul, Pudeŋ, Linus, Klodiya ati sukum ndra mekelemey gar na, a jukuw haŋ le ya.

TIMOTE MUCUW NAŊ 4:9

Tum vu, ɓa ki so lumiy kutum.

ZAŊ MUDUMBUŊ NAŊ 1:4

Ndra matuhukum ɗerewol hana na, ɓa i mumulom haɗa wãˀ.

ƁIMUNJUYO 21:4

A sa sõhõ taŋ tuwuy ngi hiri taŋhaya gar. Muc a sa gi anta mata, tuwuy ngi vagay, widi ati bonoy, a sa so anta mata. Asi gwat magalahay a susuymom le.»

ƁIMUNJUYO 7:17

Asi tumuŋ misi a wuzla janga ngi buy na, a sa tiri mijigin taŋ, a sa ru ti taŋ ng'ar miviɗiviɗi ngi yam. Dar Buymisemuŋ a sa sohõ taŋ tuwuy ngivi hiri taŋhaya ceke.»