TIMOTE MUCUW NAŊ 1:3 - Bible en langue guiziga

³ Duvuɗ ti papas, ya miradir dibiɗ gar na, i ra zila slimiɗ ɗike, ko mbak le anta. I ra ga sise da Buymisemuŋ, ya magaŋ slra ti mevel mezleŋ, kaɓa dideˀ ɗuwoy zleˀe na ya.

TIMOTE MUCUW NAŊ 1:3 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 2:37

A cifi wudiga joˀ pal naŋ, hã vi ngi yi naŋ a ndila kukur dangafaɗ nga mufaɗa. N'anta pula hay ngi Bumbulvuŋ ta, ara huruk huruk a mbuŋ Buymisemuŋ duvuɗ ti papas gar ti gi dalyam ati dira dibiɗi.

SLRA 22:3

«Yi mbur Yude, a yikiy a Tarse, hirwuy Silisi. Amma yi gil angi walahay Zeruzalem aka. Yo i dubuna ɓimujuwa ngi dideˀ ndraˀahaya le kuy kuy wãˀ avu Gamaliyel. Ya zleˀe wirwir ar ɓi ngi Buymisemuŋ kaɓa kum gar dana vuna ya.

SLRA 23:1

Pol a ɗuva hiri taˀ ar mizli ngir kus ngi ngilawuy madiɗa tuwa, a ɓi: «Sukum ɗuwoy, ya mindirawa a mbuŋ Buymisemuŋ hã dana na, ar wuluk ɗu, ɓi ngi mbiɗiy hirnga aseˀe na, anta ko neˀ ta.»

SLRA 24:14

Gwat ya misina ani: yi migi slra ngi Buymisemuŋ ngi dideˀ ndrahay, ar sipi jiviɗ, taŋ maɓam i slir na. Ɓimutoho ngir Ɓimujuwa ati ɓi ngi mijiviɗey gar na, yi tiɓa le.

SLRA 24:16

Vurˀe, ya kwana, i ra tum vu, ɓa ɓi ngi mbiɗiy hirnga a mbuŋ Buymisemuŋ waɗ avu mizli na, a lumam a mevel ɗu ta.

SLRA 26:4

«Joˀ ɗu, zle ti ya misi ti zuŋ a wuzla sukwi ɗuwoy a Zeruzalem na, Yudehey gar a sinaka le.

SLRA 27:23

Asi mike na, modro ngi Bumbulvuŋ ɗu ya mahuruk huruk a mbuŋ naŋ na, a bigiy vu le ngi duvuɗ nga dana vuna si,

ROMAHAY 9:1

Ya maɓi na, naŋ kaslsla, yi mbur ngi Kristu, y'anta gi slir ta. ˀUf Mipal ara bigiy di ar wuluk ngi mevel ɗu, i slir ta.

KORENTIHEY MUCUW NAŊ 1:12

Ɓi ndra majijaham di na, wuluk ngir mevel ndra, a ga sedewo naŋ anihĩ: gwat ngi gi ndra ar duniya, wãˀ naŋ avu kum na, i gaka weˀe, yo njah wãˀ ka Buymisemuŋ mawuɗo, anta ti sinmijileŋ ngi mbur ta, amma ti gimezle ngi Buymisemuŋ.

GALATAY 1:14

Jiviɗ Yudehey masipaka na, ja ɓi nah le, i ra ru di nga mbuŋ nga mbuŋ fineˀ vendeke ngi Yude mendele ɗuwoy ati muy ɗuwoyo. Ya wirwir haɗa ar sirik ngi dideˀ ndraˀahaya.

EFESEY 1:16

ya muwuluk le keŋ ar kum ar diradibiɗ ɗu gar na, y'anta pula gi sise da Buymisemuŋ vur kumo ta.

TESALONIKEY MUDUMBUŊ NAŊ 3:10

I ra tumbulokoŋ, duvuɗ ati papas gar, ɓa a pula ndra jiviɗ, i ra puram vu ava ma. I wuɗam i jinukum ɓa ki nahaka mi ngi tiɓi kumo.

TIMOTE MUDUMBUŊ NAŊ 1:19

ti tiɓi ɗik, ti wuluk mezle ngir mevel ɗik. Mizli mekelemey a kam slimiɗ ar wuluk ngir mevel taŋ ta, joˀ tiɓi taŋ a zizi kuɗup wãˀ.

TIMOTE MUDUMBUŊ NAŊ 1:5

Ɓi ya miɓa ɗaˀ le na, hĩˀĩ ɓa mizli a wuɗam vu ti mevel purla, ti wuluk mezle, yo ti tiɓi minjah wãˀ.

TIMOTE MUDUMBUŊ NAŊ 5:5

Ngwas wudiga migisiŋ gisiŋ pal naŋ na, miki slimiɗ anga anta na, a njih hiri le njah ar Buymisemuŋ, ara hurdum ti dira dibiɗ waɗ ti tumbulo Buymisemuŋ, duvuɗ ti papas gar, ɓa a jinaŋ.

TIMOTE MUCUW NAŊ 1:5

Tiɓi migisiŋ gisiŋ misi a mevel ɗik na, naŋ da keŋŋe a hirnga ɗu. I tiɓi mudumbuŋ misi zleˀe a mevel Lowis, dunuk mongoso waɗ a mevel munuk Enike na. I si na le gisiŋ, tiɓi nah na, naŋ da a hur ɗik aya.

TIMOTE MUCUW NAŊ 3:15

Ki si na Ɓimutoho le, zle ti ka misi ti zuŋ. Ɓimutoho, naŋ ti gidaŋ ngi vuluw sinmijileŋ, maru ti mbur nga lih, asi tiɓa Yesu Kristu a mevel.

HEBEREY 13:8

Yesu Kristu, naŋ da nga naŋ nga naŋ, ngi dambu, dana, naŋ da kanah hã ngi sete.

SAMUYEL MUDUMBUŊ NAŊ 12:23

Nga ya kwana, ɓa i pula tumbulo Buymisemuŋ vur kumo na, i mungra mukuyta wãˀ avu Buymisemuŋ. Jiviɗ mezle, yo mikaslsla na, yi sa bugukum di nga mbuŋ nga mbuŋ ava.