TIMOTE MUCUW NAŊ 1:1 - Bible en langue guiziga

¹ I ya Pol, mislin ngi Yesu Kristu, asi Buymisemuŋ a wuɗ le. A vuliy slra ngi tila mi ti ɓi ngi siifa, naŋ miɓa ɗaˀ le zleˀe tisi Yesu Kristu.

TIMOTE MUCUW NAŊ 1:1 ပူးပေါင်းရင်းမြစ်များ

Ɓimezle ngi Yesu Kristu ZAŊ mitil di mi 10:28

Ya i vula taŋ siifa ngi sete, t'anta sa micam ta ndiɗaˀ. Yo mbur matiɓa taŋ gu tisi haŋ ɗu, anta.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

Ɓimezle ngi Yesu Kristu ZAŊ mitil di mi 6:54

Mbur mazum meficek ngi vu ɗu, yo masi pumbus ɗu na, naŋ da ti siifa ngi sete, yo i sa slikiɗaŋ ti wuzla mumucahay ar hin ngi dirba.

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

ROMAHAY 5:21

Kaɓa mungra muzum buy tisi muc na kwana, gimezle ngi Buymisemuŋ a zum buy tisi siifa ngi sete, mbele Buy ndra Yesu Kristu.

ROMAHAY 6:23

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

KORENTIHEY MUDUMBUŊ 1:1

I ya Pol, Buymisemuŋ a wuɗ le, a ziliy ɓa yi tiri mislin ngi Yesu Kristu. Ya ati sukum ndra Sosten matohoko ɗerewol hana,

KORENTIHEY MUCUW NAŊ 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu, i ya ati sukum ɗu Timote mutohoko ɗerewol hana da Cikil ngi misikristu, mizli ngi Buymisemuŋhoy misi a hirwuy Akaya gar.

KORENTIHEY MUCUW NAŊ 1:20

Vur gwat Bumbulvuŋ miɓa le a sa ga a sa ga gar na, i «Haˀaw» gisiŋ tisi Yesu Kristu. Yo ma na, ndra maɓam «Amin» ngi ga dudok da Buymisemuŋ na, ti seˀe ma.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

EFESEY 3:6

Ar jum ati Yesu Kristu na, gwat Buymisemuŋ miwi di vu da mizli naŋhaya, Yudehey ta na, a sa lumam rak rak ati Yudeheye ya. A tiram le i dumvu purla. Gwat Buymisemuŋ miɓa ɗaˀ le, a sa vula da mizli tisi Ɓimezle ngi Kristu na, a sa lumam aya.

TIMOTE MUDUMBUŊ NAŊ 6:19

Kite a kusom di i zlili mezle, mahiryi ta wãˀ da taŋ nga mbuŋ, dar a sa lumam siifa migisiŋ gisiŋ.

TIMOTE MUCUW NAŊ 1:10

Wurenna, a biga ndra di le tisi Milih ndra Yesu Kristu mubugo vu na. Yesu a pa hirnga le da muco, a biga ndra siifa ngi sete le ti Ɓimezle na.

TIMOTE MUCUW NAŊ 1:13

Ɓi mikaslsla ka micina avu ya na, zuɓa, sipi di i nah. Cici kuy kuy angi tiɓi ɗik waɗ angi wuɗavu ndra tisi Yesu Kristu na.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

TIMOTE MUCUW NAŊ 2:1

Ka so na, mangal ɗu, anja ki lum gidaŋ ti gimezle Buymisemuŋ miga ndra di tisi Yesu Kristu na.

TIMOTE MUCUW NAŊ 2:10

Ya maɓusa ɓi gar na, vur mizli Buymisemuŋ muwuna taŋ, ɓa taŋ kwana, a lumam lih tisi Yesu Kristu, waɗ ɓa a lumam dudok mihã ngi set na ma.

TIMOTE MUCUW NAŊ 2:3

Ɓusa bonoy ɗike, kaɓa soje miteŋteŋ ngi Yesu Kristu.

TIMOTE MUCUW NAŊ 3:15

Ki si na Ɓimutoho le, zle ti ka misi ti zuŋ. Ɓimutoho, naŋ ti gidaŋ ngi vuluw sinmijileŋ, maru ti mbur nga lih, asi tiɓa Yesu Kristu a mevel.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

Ɗerewol TIT 1:4

I ra tuhuw ɗerewol hana da ka Tit, ka mangal ɗu migisiŋ gisiŋ ar tiɓi misi purla. Anja Cine ndra Buymisemuŋ ati Milih ndra Yesu Kristu, a gukuw mezle, a vulukuw zuy.

HEBEREY 9:15

Vurˀe, Kristu i mbur mujumoˀay nawaya, mi ngi mbur vagay toh toh. Naŋ a muc ngi mbiɗa hirnga ngi mizli tir mungra, taŋ mugoko di zleˀe angi jumoˀay mudumbuŋ na, ɓa mizli mizilahaya, a lumam zlili ngi sete miɓa ɓi naŋ ɗaˀ le zleˀe tuwa muduba.

ZAŊ MUDUMBUŊ NAŊ 2:25

Gwat, Kristu miɓa ndra di ɗaˀ le na, n'anihĩ: i siifa ngi sete.