SOFONI 3:8 - Bible en langue guiziga

⁸ «Yawwa! inga kutikikiy. Kutukoko hin ya masa slikiɗ ngi ga sedewo kumo! Kiita ɗu ya maga, i ngi muɗa sukwihey buzok buzok, i ngi jumo zuma buyoy, ɓa i ga mevel ɗu wãˀ ng'ar taŋ, mevel ɗu mifõh fõh na, ɓa i pa wãˀ ng'ar taŋ, asi hirwuy kurzluˀ gara, i sa zluma ti suloŋ ɗu misi ka vu na. I ya Bumbulvuŋ maɓi.

SOFONI 3:8 ပူးပေါင်းရင်းမြစ်များ

DIMISEY 123:2

Haˀaw, i roko hiri taˀ ng'avi ka, Bumbulvuŋ, Buymisemuŋ ndra, ɓa ki pura ndrˀircece, kaɓa bekehey muroko hiri taˀ ngi kutuko gwat avu buy taŋhay, kaɓa ngwas migi slra, muro hiri taˀ avu buy naŋ ngwasa.

DIMISEY 27:14

Njih hiri njah asi Bumbulvuŋ, cici zlak, yo tum vu tum, njih hiri njah asi Bumbulvuŋ.

DIMISEY 37:34

Njih hiri njah asi Bumbulvuŋ, yo zuɓa jiviɗ naŋ. A sa ɗuvuw hirnga, ɓa ruwuy a ndir da ka, joˀ kisa pura masa ngizlaka miziriɗa miheye.

DIMISEY 37:7

Cifi teˀ teˀ a mbuŋ Bumbulvuŋ, ɗuva wuluko taˀ angaŋ. Mbur migi gwat le gu na, ki gi fõh fõh anga ta, mbur magi gwat ti wer na, ki gi fõh fõh anga ta.

DIMISEY 62:1

Dimis ngi wuzla dimis ngi Davitey. I mulumo di ar ɗerewol buy dimis. Dimis Yedutuŋ mizlaŋ.

DIMISEY 62:5

Haˀaw, ki wulkam ngi kumo, sey ɓa ki zizakaŋ li naŋ misi araŋ, joˀ ki hĩyãm gi slir. Ki ɗuwulam mi daˀ avu mi tewle, amma a mevel kumo, sey nisa vu.

DIMISEY 79:5

Bumbulvuŋ, kisa kiɗa mi ngi ji mevel ɗik ar ndra, hã ti vunaka? Ji mevel ɗik ar ndra matiɓi njilim njilim ka vu na, anta sa kiɗ mi ta wãˀ kwa?

DIMISEY 79:6

Anja ki zuɓ himaˀ na, ng'ar sukwi ngi mizli misinukuw ta na jaka, ng'ar sukwi ngi mizli mahuruk hurukam a mbuŋ ɗik ta na.

MIKUCUWULOY 20:22

A gukuw malambaˀ le na, ki ɓi: «I pula cuwal nah» na, anja ki ɓi ta! Ka njih hiri njah asi Bumbulvuŋ si na, a sa lihuw si.

DIMIS MIMEZLE 8:6

Ɗuviy taˀ a mevel ɗik, kaɓa gwat ngi ɗuvam haŋ ar gwata. ɗuviy taˀ ar hirbazla ɗike, kaɓa gwat ngi ɗuva haŋ ar gwat. Asi mike na, wuɗa vu, naŋ gidaŋ haɗa kaɓa mucu, yo suloŋ, naŋ kutuɗak kaɓa li cifi ngi mizli mumucahay, a wur vu kaɓa irne vu mihilɓiɓ, kaɓa vuŋ mapi sar.

EZAYI 14:26

Ɓimujuwa vur ruwuy kurzluˀ gara, i nah so, i ngi guco mi da sukwi ngi mizli gar.

EZAYI 30:18

Amma so na, Bumbulvuŋ ara kutuk hin ɓa a luhukum, a wuɗ a bugukum naŋ mapur ircece na kutum, asi mike, Bumbulvuŋ i Buymisemuŋ mijeŋŋe. Mizli manjaham hiri ar naŋ na, taŋ ar mumul.

EZAYI 34:2

Mevel ngi Bumbulvuŋ a ro fõh fõh ng'ar sukwihey gar, a zuɓ himaˀ le ar sojeheye cek. A wuɗ a ngizla taŋ pay, a kiɗa taŋ sunok sunok.

EZAYI 63:6

Ya miji mevel na, i njirsla mizli le, ya muzuɓ himaˀ na, i wa taŋ le duwlak duwlak. Joˀ i pa pumbus taŋ a ruwuy.»

ZEREMI 10:25

Pa himaˀ ɗike ng'ar sukwi misinukuw ta na, ng'ar mizli mazilam di i slimiɗ ɗik ta na. Asi ara zumaka mizli ngi zakopoyo, ara zumaka taŋ, a ngizlaka taŋ le njeleleŋ, a tiram ti hirwuy naŋ le daŋ daŋ.

Ɗerewol OZE 12:6

Bumbulvuŋ, Buymisemuŋ, i Buy ngi sojehey, a zilakaŋ ti slimiɗ naŋ kanah.

ZOWEL 3:2

ko ar gawla ɗu mizile ati mongosohoy kwana, tapasa, i sa po ˀUf ɗu angi taŋ.

MISE 7:7

Amma ya, i mbiɗi ng'avu Bumbulvuŋ, i njih hiri asi Buymisemuŋ, milih ɗu, ya mazilaŋ na, Buymisemuŋ ɗu a sa ciniy di.

HABAKUK 2:3

asi gwat ka mupura ti kleŋ na, hin naŋ i manja sli aruŋ. Naŋ gweˀ ngi kiɗa mi, anta sa gi slir ta. Da ki puraka le kaɓa ara mur na, kutukokoŋ, asi a sa ndilo gbaˀa, ko anta mur ta.

SOFONI 1:18

Ar hin Bumbulvuŋ masa ji mevel na, ko ɓiri bara taŋ, ko ɓiri tapasl tapasl taŋ, anta sa laha taŋ gu ta. Ar hin Bumbulvuŋ masa wuɗ vu suloŋ suloŋ na, vu ngi himaˀ ngi Bumbulvuŋ a sa zuma ruwuyo kap wãˀ, asi a sa bul vu culok a sa ngizla mizli ngi si ruwuyoyo pay gar.

Ɗerewol AZE 2:22

I sa putukuso buyoy avra tir janga taŋ ngi buyoyo, yo gidaŋ ngi zumabuy ngi sukwi ngi mizli, i sa kiɗa mi taŋ. Mota ngi vurumoy ati mizli ngir taŋhaya, i sa putukuso taŋ. Pilis ati mizli ngir taŋhay a sa ndilam, mbur gar a sa muc ti kiɗ ngi maslalam ngi cil naŋ.

Matiye 25:32

Sukwi ngi mizli gar a sa kusom nga mbuŋ naŋ. Dar a sa gwaha mizli ti wuzla mekelemeye, kaɓa mijigin magwaha tumuŋhoy ti vu away.

PIYER MUCUW NAŊ 3:10

Hin ngi Bumbulvuŋ a sa ndulo kaɓa muhul. Angi hin nah na, muŋ a sa susuyum ti gidaŋ, hã a hurum haɗa. Gwat ngir birngiŋ ngi muŋhoy, vu a sa zlizlira taŋ, yo tapasa, a sa gaka taŋ kiita da hirwuy ati gwat ngi raˀahaya.

ƁIMUNJUYO 16:1

Akẽh na, i cin ˀay ka ngi mbur tir hay ngi Bumbulvuŋ, ara ɓa modro mitarnaˀhay tuwa ti gidaŋ: «A ram, paka himaˀ ngi Buymisemuŋ ngir sikiɗ mitarnaˀhay na asi ruwuy.»

ƁIMUNJUYO 16:14

Asi mike na, i ˀuf ngi Satanay, a gam cekenehey, ara lumaka buy madiɗa ngi duniyahaya cek gar, ɓa a kusoko taŋ ngi gi vurum ngi hin madiɗa ngi Buymisemuŋ, misi gidaŋ wãˀa.