SOFONI 3:5 - Bible en langue guiziga

⁵ Na ar walahaya, Bumbulvuŋ naŋ jeŋŋe ngbaŋ, naŋ anta gi gwat malambaˀa ta. A ga kiita naŋ vur miprik gar, li mawun gar na, naŋ anta zluɓ ɓi ta. Amma, gwat ngi meseme, misi moˀore anta si na ta na si.

SOFONI 3:5 ပူးပေါင်းရင်းမြစ်များ

ZLI VIRZI 18:25

Kay, ɓa ki ga kanah na, naŋ kuy ta! Ɓa ki kiɗa mbur mijeŋŋe jom ati migi mungra sukwa? Naɓa mbur mijeŋŋe a tiri le rak rak ati migi mungra. Kay naŋ kuyta wãˀ! Migi kiita da duniya keɗeɗe, ɓa a ga kiita kaslsla ta na, a gi ta.»

Ɗerewol JOP 34:10

Kum mizli misi lesley, cinaka mingiɓi ɗu so! Buymisemuŋ i misi moˀore kwa? Ki vulkam kaɓa Misi Gidaŋ wãˀa naŋ jeŋŋe ta, wuluk kum misenna naŋ kuy ta wãˀ.

Ɗerewol JOP 7:18

Ɓa hã ki puraŋ keɗ le keɗ le vur prik gar, yo ɓa hã ki ci a kwacay naŋ ar pas wanaka gar na ka?

Ɗerewol JOP 8:3

Buymisemuŋ a hiriya ɓimujuwa mitaˀ gara kwa? Misi gidaŋ wãˀa, a hiriya gi jeŋŋe kwa?

DIMISEY 145:17

Bumbulvuŋ naŋ jeŋŋe angi slra naŋ gar, naŋ teŋteŋ ar gwat ngi gi naŋ gar.

DIMISEY 37:6

A sa bugo gi jeŋŋe ɗike dizze kaɓa pas mabawa, yo gi kaslsla ɗike kwana, kaɗaŋ kaɗaŋ kaɓa pas deŋ.

DIMISEY 92:15

Ko da a gi madangwas le kwana, ara yi, yam ava, yo kalaf ava aruŋ na si.

EZAYI 12:6

Kum misi a Siyoŋ na, jam salalay, jiɗam mececẽleŋ, Asi Buymisemuŋ mipal ngi Israyele, misi a wuzla kum na, naŋ madiɗaŋ!

EZAYI 28:19

Naŋ mira gi gar na, a ndilukum ndil le. Asi a sa gi ti miprik, ti pastaˀa, ti papas waɗ ti duvuɗo ma, na, da mizli a sa cinaka ɓi nah le na, zluwun a sa gi vu haɗa.

EZAYI 33:2

Aw Bumbulvuŋ, pura ndra ircece. Ndr'i ra njaham hiri asi ka. Anja ki vula ndra gidaŋ vur miprik gar, yo anja ki laha ndra ar hin ngi bonoyo.

EZAYI 45:21

Tilam mi ti ɓi kumo! Soko ti ɓi kumo nga mbuŋ mizli! Gam kus ngi ngilawuy gar kumo. Miga ɓa mizli a sinaka ɓi nah zlezle na, i waka? Yo mitil mi ti ɓi nah zle misi ngadana ta na, i waka? I ya Bumbulvuŋ takwa? Mbak ya le na, Buymisemuŋ mekelem anta mata. Da i ya mata na, Buymisemuŋ mekelem, mijeŋŋe, yo malih vu, anta mata.

EZAYI 50:4

Ɓi ya maɓa na, Bumbulvuŋ Buymisemuŋ a dubuniy di le, a dubuniy mingiɓi le, ɓa i si na jaha mbur mihĩhĩy le. Vur miprik gar na, a giy ɓa i jika slimiɗe jakka, ngi cine ɓi, kaɓa gawla ngi mbur.

ZEREMI 21:12

Mizli ngi hay Davitey, Bumbulvuŋ a ɓi na: Ti miprik gar na, gam kiita mijeŋŋe, mbur mazumakaŋ gwatay na, tuɓoko di tisi haŋ ngi mbur muguzuvur naŋ! Da kanah ta na, mevel ɗu a sa tiɓi ka vu, a sa tiɓi giw giw, ko mbur mumuc naŋ gu anta, vur gwat ngi gi taŋ malambaˀ na.

ZEREMI 3:3

Akẽh na, ki lum vuŋ malasa ra mata, ko vuŋ ngi sifi kwana, ki lum mata: Amma gar ti nah kwana, ki sulome macin ta wãˀ na si, ko ki ngum si na pi mesem ɗik na ta ma.

ZEREMI 6:15

A roko lesl welele, asi a gam gwat le mukuyta wãˀa, amma ko anta ga taŋ mesem ta ma, busukum ngi vi dangwal taŋ a diɗ le na, a sinaka vuna ta. Kuy! A sa ndilam kaɓa mizli mekelemey gar vuna ya, tapas ya masa ga taŋ gwat ngi kwacay mombroŋ na, a sa puraka na, taŋ saɓaɓa a ruwuy.

ZEREMI 8:12

Ya Bumbulvuŋ i ɓi na: «Mesem a ja taŋ le, asi taŋ migam gwat malambaˀ mukuy ta naŋ wãˀ na, amma ko mesem vuna anta ga taŋ neˀ le ta. Busukum ngi vi dangwal taŋ midiɗ na, ko a si na ka ta Yo mbak ɗagay so, a sa ndilam saɓaɓa a ruwuy kaɓa mizli gar, ya masa cufuɗa taŋ ɓa a slufikiy gwat taŋ migaka na, a sa ndilam kros kros a ruwuy.»

TUWUY 3:23

Gi mezle naŋ, naŋ nawaya nawaya, vur miprik gar. Kay, gi teŋteŋ ɗike naŋ haɗa Buymisemuŋ ɗu!

EZEKIYEL 18:25

Na kumo ma na, dar ki ɓam: ‹Gi gwat nga ya Bumbulvuŋ a bun hiri ndar ta!› Israyeley, cinam kwaɗay: Mubun hiri ta na, i gwat ngi gi ɗu jak kwa? Mubun hiri ta na, i gwat ngi gi kum jaka.

EZEKIYEL 48:35

Mohol mugun gun walahaya gar, miwa weˀ weˀ na, kilometir ngoltir. «Zle tapasa, a caka slimiɗ da walahaya: ‹Bumbulvuŋ naŋ da a diga.›»

Ɗerewol OZE 14:9

Efrayim! Gwat majumiy ya ati kulihey ada maka? Maziluw mi ar diradibiɗ ɗik, yo maki slimiɗ ar ka, i ya. Ya tum tukuf tukuf, kaɓa widis Sipre. Maga ɓa ki gam sifi, i ya.»

Ɗerewol OZE 6:5

Vurˀe yi tukukum ˀay le ti mingiɓi ngi mijiviɗey, i ngizlukum kuɗup ti mingiɓi ngi balam ɗu. Joˀ kiita ɗu a bun ndazl kaɓa li mupusluɗa.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

MISE 7:9

Bumbulvuŋ miji mevel na, sey i ɓusaka ɓi nah, asi i gam mungra le ava. Naŋ masa cik vu asi ndra, yo naŋ masa ɗiya ndrakaslsla na, hin naŋ a sa ndilawa. A sa bo ti ndra ng'ar li minjahha, dar i sa singilaka slra mijeŋŋe naŋ na.

HABAKUK 1:3

Ki bigiy malambaˀ ɗu na, ɓa i pura vur mike? Ki wuɗ ki pura maguzuvuram vu na kwa? A ciki ɗu, sey i ngizla vu ati moˀore tewle, da ara gam kiita na, tiri a gi wuwwo.

SOFONI 2:1

Aw mizli manja mesemey, kusom, wulkam,

SOFONI 3:13

Israyeley mindirama, anta sa gam gwat malambaˀ mata, t'anta sa gam slir mata, anta sa lumaka taŋ gurjik ar li ɓi mi ngi tikina vu mata. Amma a sa zumam, a musukam vu, ko mbur masa ga taŋ zluwun anta.

SOFONI 3:15

Bumbulvuŋ mujuwu ti kiita tuwa, a pula ɓi nah le teˀe, a ɓula mesene ɗike le avra. Bumbulvuŋ, naŋ buy Israyel vuna, naŋ da ati ka, kum anta sa zluwunam ti gwat malambaˀa mata.

SOFONI 3:17

Bumbulvuŋ Buymisemuŋ ɗike, naŋ da ati ka. N'ada ti gidaŋ naŋ, ti bugawla naŋ. A ra mumul vur ka, naŋ mawuɗ ka na, ara vuluw siifa nawayaŋ. A ra zluzluɓ, yo ara ji salalay vur ka.»

ZAKARI 2:5

I zuɓa hiri paɗ na, i pur gwat ani: mbur deŋ ti zeweɗ ngi wi gwat kaw avu haŋ.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Ɓimezle ngi Yesu Kristu LUK mitil di mi 12:2

Gwat muɗum masa njik ta na anta. Gwat miyaŋŋa masasinta na anta.

ROMAHAY 2:5

Amma hirnga ɗike gidaŋ, k'anta ngum mbiɗa mevel ɗike ta. Hana ki cikil di i bonoy madiɗa wãˀ ngi kutuko hin Buymisemuŋ masa njuyo himaˀ naŋ ati kiita, naŋ masa ga ti jiviɗ naŋ kaslsla na.

ROMAHAY 3:26

Amma dana so na, ara biga, naŋ, naŋ jeŋŋe. Asi a wuɗ ɓa naŋ da jeŋŋe, yo mbur mandir ti siifa vur naŋ matiɓa Yesu na, a ɗiyaŋ jeŋŋe ma.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

Slu cuw 23:14

Soje gar na, a wuɗ gwat ngi li li ɓaˀ le a wuzla gwat naŋhaya, da naŋ misa buˀ le baˀ na, a sa la li ngi taha zaya ti naŋ, a dika ti naŋ.

Slu cuw 32:4

Bumbulvuŋ i mandazlay muwã maɗum vu, gwat ngi gi naŋ, naŋ kaslsla wãˀ. I Buymisemuŋ miteŋteŋ, ɓi mijeŋ ta anta va ta naŋ jeŋŋe, naŋ kaslsla.

PIYER MUDUMBUŊ NAŊ 1:17

Buymisemuŋ maga kiita da mizli gar ti jiviɗ mupurla, weˀe avu gwat ngi gi taŋ na, da kum mira diram dibiɗe, ki ra zilakaŋ, Cine kum na, ɗuvakaŋ hirnga ar gwat ngi gi kum gar angi hin ngi siifa kum mindir a ruwuy aka.