SOFONI 3:2 - Bible en langue guiziga

² A cine mizilakaŋ na ta, a cine mi da gwat mudubunakaŋ di na ta, a ka mevele ar Bumbulvuŋ ta, a ngum kircih ng'avu Buymisemuŋ naŋ ta.

SOFONI 3:2 ပူးပေါင်းရင်းမြစ်များ

NEHEMI 9:26

Amma gar ti nah kwana, a slikiɗam ɓi, a slam himaˀ le avu ka na si. A mbiɗam duba le kileŋ wãˀ avu Ɓimujuwa ɗike. Mijiviɗ ɗikey muhurdumom avu taŋ, ɓa anja a moko ng'avu ka na, a kiɗaka taŋ le vagay vagay.

DIMISEY 50:17

Na ki ra pura kuti ɗu hiris le mayse, yo ki ra pula mingiɓi ɗu mbak mayse.

DIMISEY 78:22

Asi mike na, a pulaka vu taŋ mbak wãˀ da Buymisemuŋ zleˀe ta. Buymisemuŋ a sa laha taŋ na, a tiɓaka ɓi nah zleˀe ta.

MIKUCUWULOY 1:7

Zluwun ti Bumbulvuŋ na, i zli virzi ngi sinmijileŋ. Sinmijileŋ ati sirika vu na, sey mapuraka hiris le i gilaway.

MIKUCUWULOY 5:12

Dar kisa ɓi: «ˀEy ehe, taŋ miɓikiy ɗaˀ ɗaˀ le zleˀe na, i pura hiris le vur mike? Yo taŋ mimbiɗikiy hirnga zleˀe na, i tiɓa ɓi nah ta vur mike?

EZAYI 1:5

Kum maslikiɗam ɓi ti gidaŋ vuna, ɓa a kuɗukum ar wana aruŋ maka? Hirnga taˀ i waˀa, mevele fuk ti jiji.

EZAYI 29:13

Bumbulvuŋ a ɓi na: «Mizli, a kircohoko ng'avi ya ti mingiɓi si, a hunumikiy daˀ avu mi si, amma mevel taŋ naŋ kileŋ avu ya. Taŋ maɓam ara sluwunam ti ya vuna, i gwat ngi sirik ngi mizli titrahay, mudubuna ti dubun.

EZAYI 31:1

Mizli ara ram nga sipa jini ˀis a Ezipte, kay! I bonoy avu taŋ. A ɗuvaka wuluk taŋ taˀ ar pilisey, a pulaka vu taŋ da mota ngi pilisey asi taŋ haɗa, waɗ da misi pilisey asi taŋ migidaŋ. Amma a ɗuvaka hiri taˀ le ar Buymisemuŋ mipal ngi Israyele ta, t'anta sipaka Bumbulvuŋ ta.

EZAYI 43:22

Bumbulvuŋ a ɓi na: «Israyeley, ki zilam di i ya ta, mizli ngi Zakopoy, ani ki giram ti ya le gar ngi tumbul ɗu.

EZAYI 9:12

Buymisemuŋ, mizli naŋ makiɗa taŋ tuwa, a moko ng'ava ta. a puram jiviɗ ngi mo ng'avu naŋ Bumbulvuŋ misi gidaŋ wãˀa ta.

ZEREMI 13:25

Zeruzalem, gwat mandilo avu ka ani, i mi ngi ɗik, ya mawuw di vu, asi ki ra puyuk hirnga ti ya, ɓa ki vula mevel ɗike da kulihey. I ya Bumbulvuŋ maɓi.

ZEREMI 2:30

Ya makiɗa ziri kumoy na, i gir ngataraŋ, t'anta tiɓaka mi ngi kuti ta. Maslalam kumoy a zumaka mijiviɗ kumoyo le kap, kaɓa mobor maji gwatay sunok sunok.

ZEREMI 22:21

Ti ka muro zleˀe ko zluwun anta na, i ɓuw le, ki mbiɗiy di: ‹I wuɗ cin ɓi neˀ ta.› Gwat ka mugo di diga ti zuŋ na, i nah, ko ki ciniy mi ɗaˀ ta ndiɗaˀ!

ZEREMI 32:33

A mbiɗikiy di i duba, mbak mbuɗo hiri ng'avi ya le jaka. I ra dubuna taŋ gwata, ko anta mbak le ta ngbaŋ kwana, anta cinam ta, anta tiɓaka dubun ɗu ta.

ZEREMI 35:13

«Bumbulvuŋ misi gidaŋ wãˀ, Buymisemuŋ ngi Israyele, a ɓi: ‹A ra ɓa mizli Zudahay ati mizli Zeruzalemeye na: mingiɓi ɗu ya madubunukum di na, ki tiɓaka le, ɓa ki jaka a hirnga muduba sukwa? -I ya Bumbulvuŋ maɓi.

ZEREMI 35:17

Vurˀe, Bumbulvuŋ misi gidaŋ wãˀ, Buymisemuŋ ngi Israyel a ɓi na: ‹Yo mbak ɗagay so! Bonoy ya ɓi micica ɓi nah ngisa ga taŋ di gar na, i sa go taŋ ng'ar Zudahay waɗ ng'ar Zeruzalemey gar. Asi yi ɓa taŋ ɓi na, ko a cinikiy di ta, yo i zila taŋ na, ko a zilikiy mi ta.»

ZEREMI 5:3

Bumbulvuŋ, ka ki hiyĩ di i mbur magi teŋteŋ takwa? Ki kiɗa taŋ ti kiɗ kwana, amma ko a ga taŋ gwat ta, ki ra ngizla taŋ kwana, amma ko anta ngumam tiɓa mi ɗike ta si. ara gaka hirnga taŋ gidaŋ fineˀ ɗuguro, t'anta ngumam moko ng'avi ka ta.

EZEKIYEL 22:24

«Ka mburu, ɓa Israyeleye na, hirwuy taŋ a zuɓa dili naŋ avra ta, ti hin ya muzuɓ himaˀ na, a lum vuŋ lum le ta.

EZEKIYEL 24:13

Zeruzalem, mucuw ar dili i kwelegwer ɗik na. Ya muzuɓ mevel fõh fõh ar ka na, sey da ya mikiɗa mi naŋ le far ta na, dili ɗik anta zuɓ avra ta. Asi yi wuɗ zuɓa dili ɗike le avra zleˀe, amma ko ki ɗiy ta.

SOFONI 1:6

mizli mambuɗikiy duba da ya Bumbulvuŋ, masipikiy ta, yo macufuɗikiy ngi gi gwat taŋhaya ta na, i sa ngizla taŋ avra.

TIMOTE MUCUW NAŊ 3:16

Ɓimutoho gar, i Buymisemuŋ muˀufo di, yo naŋ puɗaw wãˀ ngi dubuna ɓi mikaslsla da mizli, ngi biga zluɓ ngi mburo, ngi cica mbur angi jiviɗ mezle, ngi sirka mburo ngi gi gwat mijeŋŋe,

HEBEREY 10:22

Vurˀe, kuruhukum ng'avu Buymisemuŋ, ti mevel mezle so, ti tiɓi migisiŋ gisiŋ, ti mevel mubuna le avu wuluk malambaˀ gar, ti dumvu mubuna le ti yam mipal