SOFONI 3:16 - Bible en langue guiziga

¹⁶ Ti hin nah a sa ɓaka Zeruzaleme: «Walahay Siyoŋ, ki zluwun ta, anja ki pula haŋ ɗike silber silber ta.

SOFONI 3:16 ပူးပေါင်းရင်းမြစ်များ

Ɗerewol JOP 4:3

Ki ɓi mi ngi kutihey le haɗi da mizli zleˀe, ki vula gidaŋ le da mizli migiram le kupuyah kupuyah.

EZAYI 25:9

Tapasa, i sa ɓam: «Buymisemuŋ ndra i naŋ. I njaham hiri le aseˀe, ani a laha ndra le. Naŋ i Bumbulvuŋ, ndra minjaham hiri aseˀe na. Zluzluɓukum, mumulukum, asi ara laha ndra.

EZAYI 40:9

Kum mizli Siyoŋhoy, mitilam mi ti ɓi mezlehey, jiɗam nga muwã madiɗa, tilam mi ˀay bok. Kum Zeruzalemey, mitilam mi ti ɓi mezlehey, zuɓaka ˀay a muŋ, ki zluwunam ta. Ɓaka walahay Zudahaya: «Buymisemuŋ kumo n'ani.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

EZAYI 44:2

Ya Bumbulvuŋ migi kum, mindir kum zle a kwacay mumuŋ kumoy, ya mijini kumo, i ɓukum: «Kum gawla ɗuwoy, mizli ngi Zakopoy, ki zluwunam ta, kum mizli ngi Yesuruŋhoy, ya muwunukum.

EZAYI 54:4

Ki zluwun ta, asi k'anta sa pi mesem mata, k'anta sa gi ngaˀ mata, asi anta sa zukuw mata. Ka mipi mesem ti ka misi ti zuŋ zleˀe na, kisa puyuko hirnga naŋ. Taŋ misingiram ar ka wudiga zleˀe na, k'anta sa wulka keŋ mata.

ZOWEL 2:21

Hirwuy, ki zluwun ta! Zluzluɓ, mumul: asi ya Bumbulvuŋ i gi gwat madiɗahay le.

ZAKARI 8:13

Naŋ kine, kum Zudahay ati kum Israyeley, ani ki bigaka le a wuzla sukwi mekelemeye, kum i mizli minisahay le. Naŋ kine ya, i sa luhukum, yo i sa biga, kum i mizli muɗuwulukum mi le. Cicam gidaŋ gidaŋ, ki zluwunam ta so!»

ZAKARI 8:15

Wurenna i juwa le a mevele, ɓa i gukum mezle, da kum mizli Zeruzalemeye. Ki zluwunam ta so.

Ɓimezle ngi Yesu Kristu ZAŊ mitil di mi 12:12

Ngi li naŋ muwun na, zigiduw haɗa musoko ar muguzlumo, a cinaka na, Yesu ara sawa nga Zeruzaleme.

KORENTIHEY MUCUW NAŊ 4:1

Asi mike na, Buymisemuŋ a pura ndra ˀircece le, a pula ndra slra hana le asi haŋ ndra. Ndra mahĩhĩyam ta na, vurˀe.

GALATAY 6:9

Anja i giram ti gimezle ta. Asi da hin naŋ misa ndila le, i pulaka ta na, i sa gam sifi ngi gwata.

EFESEY 3:13

Vurˀe, i ra gukum ambuh ambuh, anja ki hĩhĩyam asi bonoy ya masa vur kum na ta. Magukum ɗongor na, i nah.

HEBEREY 12:12

Haŋ kum milaway laway ati poprok kum migalaɓ galaɓay na, cicaka taŋ gidaŋ gidaŋ so.

ƁIMUNJUYO 2:3

Kˀada ki ɓus ɓi, ki si bonoy le asi ya, amma ko ki gi vagas ta.