SOFONI 3:11 - Bible en langue guiziga

¹¹ Ti dinah, sukwi ɗu, k'anta sa gi mesem ti gwat ngi gi ɗik malambaˀ na mata, ti slikiɗa ɓi ɗik avu ya mata, asi hirak ti nah na, mizli ɗikey mahuhumom vu fineˀ gidaŋ na, i muɗa taŋ le avra, joˀ kisa pula jijih ɗik ar muwã mipala.

SOFONI 3:11 ပူးပေါင်းရင်းမြစ်များ

EZAYI 54:4

Ki zluwun ta, asi k'anta sa pi mesem mata, k'anta sa gi ngaˀ mata, asi anta sa zukuw mata. Ka mipi mesem ti ka misi ti zuŋ zleˀe na, kisa puyuko hirnga naŋ. Taŋ misingiram ar ka wudiga zleˀe na, k'anta sa wulka keŋ mata.

EZAYI 11:9

Ar muwã mipal ngi Bumbulvuŋ na, mizli anta sa gam malambaˀ mata, anta sa guzuvuram vu mata. Naŋ kine, Bumbulvuŋ a sa naha hirwuyo ti sin naŋ, kaɓa yam manaha mubuliy.

EZAYI 61:7

Ya Bumbulvuŋ i ɓukum na: «Ki pam mesem le zleˀe haɗa teˀe, hã makaw cuw ma kini, yo ar deɗe ngi lum kumo, i zi vu mukuyta wãˀ naŋ, mizli muzukum na. Vurˀe, ar hirwuy taŋ na, kisa lumam mi ngi kumo makaw cuw, yo kisa zluzluɓam, zle wurenna hã ngi sete.

PIYER MUDUMBUŊ NAŊ 2:6

Vur Ɓimutoho a ɓi na: «Ani, i ra ki ɗugur da mizli a Siyoŋ. I ɗugur muwuna le, yo mupuɗaw wãˀ. Mbur mitiɓa le na, anta sa pi mesem ta wãˀ.»

ROMAHAY 9:33

A gi le kaɓa Ɓimutoho miɓi: «Ani, i ra ka ɗugur ngi bi sar da mizli a Siyoŋ, mandazlay muwã ngi hizigiɗa vu. Amma ko wa mitiɓa le na, anta sa pi mesem ta wãˀ.»

Matiye 3:9

Ki wulkam a mevel kumo: ‹Abraham i dideˀ ndra si mana› na, ki ɓam ta. Vurˀe, yi ɓukum na, ko ɗugur hanayna kwana, Buymisemuŋ a tiri taŋ ziri ngi Abrahamay gu.

DANIYEL 9:16

Bumbulvuŋ, ka maga gwata jeŋŋe na, anja mevel ɗik ati himaˀ ɗik, a mbiɗi duba avu Zeruzalem, walahay ɗik, muwã ɗik mipal na. Asi vur mungra ndrahay ati malambaˀ ngi dideˀ ndrahay na, sukwi mugun hirnga ndra gar, ara zaka Zeruzalem ati mizli ɗikeye.

ZEREMI 7:4

Ani ki ɓam: ‹Mugum ngi Bumbulvuŋ naŋ aka! Mugum ngi Bumbulvuŋ naŋ aka!› Ki pulaka vu kumo mbak mbak vur mingiɓi ngi gukum gilaw hana ta.

EZAYI 45:17

Israyeleye, Bumbulvuŋ a laha taŋ le, a laha taŋ ngi wãˀa. Kum Israyeleye, kum anta sa pam mesem mata, anta sa zukum mata ngi set, hã ngi surmutu.

ROMAHAY 2:17

Amma, ka mbur maɓi ki mbur Yude, ki ra huruk huruk huruk angi ɓimujuwa, ki ra huhumvu ɗike, ki ɓi: «Buymisemuŋ inga ya.»

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

EZEKIYEL 24:21

Ɓa Israyeleye na: Bumbulvuŋ, Buymisemuŋ a ɓi na: I wuɗ i hirya hay ɗu, gidaŋ kum majijaham di, cira hiri ati njaha hiri kum ar joˀ kum na vurˀe ngbaŋ. Ziri kum mizile ati mongosohoy, kum mupulaka taŋ a Zeruzalem na, a sa kiɗaka taŋ ti maslalam.

DIMISEY 49:5

I ra jika slimiɗe ngi cine ɓi mizli maɓaka ti kicuwul, i ra bo ti mbiɗeˀvra naŋ ar li kiɗa gujuvur.

SLUFA VU 16:3

A kusom a hirnga Moyis ati Aroŋ, a ɓaka taŋ: «A mba ndra kwacay le muduba, mizli ngir jum ngi Israyeley gar, i ngi Bumbulvuŋhoy, yo Bumbulvuŋ kwana, naŋ da a wuzla ndra gar. Ka mapura vu ɗik fineˀ mizli ngi Bumbulvuŋhoy gar na vurmike?»

DIMISEY 59:12

Ki ngizla taŋ kuɗup ta, naɓa mizli ɗuwoy a sa puyukom ti ka hirnga. Bumbulvuŋ, mbaray ndra, hira taŋ har har ti gidaŋ ɗiki, zlumbura taŋ ɓaˀɓaˀa!

DIMISEY 131:1

Dimis ngi zuɓa mulak nga diradibiɗ a Zeruzalem. Dimis ngi wuzla dimis ngi Davitey. Bumbulvuŋ, huhumo vu anta a mevel ɗu ta, pura hiri ɗu, i ngi wuɗa dudok ta, i pur di i jiviɗ ngi gi gwat madiɗahay ta, malla gwat ngi zuma hirngahay mifineˀ gidaŋ ɗu le ta.

EZAYI 2:12

Asi Bumbulvuŋ, i misi gidaŋ wãˀa, hin naŋ ada pal, ti hin nah na, mizli mapuraka vu taŋ kaɓa taŋ gidaŋ, taŋ fineˀ mizli na, a sa ga taŋ kiita, ɓa a vuso taŋ, ɓa a mataŋ nga ruwuy.

EZAYI 5:15

Mizli titiraˀahaya, sey a huruk hurukam ti poporok, sey mizli a hurukom huruk huruk a ruwuy. Mizli mahuhumom vuhoy, sey a hinam ˀay.

EZAYI 56:7

i sa so taŋ nga muwã ɗu mipal, i sa ga ɓa a sa mumulom haɗa ar hay ɗu ngi diradibiɗe. Mikuli taŋ mizlamzlamay wãˀ ati mikuli taŋhay muho gar, taŋ magikiy taŋ ar li gi mikuli na, i sa tiɓa taŋ. Asi mike na, hay ɗu a sa zilaka: ‹Hay ngi mizli gar madiram dibiɗ araŋ.›

ZEREMI 13:9

«Ya Bumbulvuŋ i ɓi na: Gwat Zuda majijih aseˀe, yo gwat mezle Zeruzalem majijih aseˀe na, i sa hiryakahana vuna ya.

EZEKIYEL 20:40

Asi Israyeley misi asi ruwuy gar, masa gikiy mezegweley na, a muwã ɗu mipal, muwã migila ngi Israyel na. Gwat kum masa zuɓaka taŋ avu gwat kumoy, gwat ngi vul kum mimezlehey da ya ati gwat kum masa vulaka taŋ gar na, i sa tiɓa taŋ a diga. I ya Bumbulvuŋ, Buymisemuŋ maɓi.