SOFONI 3:1 - Bible en langue guiziga

¹ Walahay maslikiɗ ɓi, misi dili, yo walahay matik ˀay da mizli na, kay, naŋ ar bonoy!

SOFONI 3:1 ပူးပေါင်းရင်းမြစ်များ

EZAYI 30:12

Dambalaka, Buymisemuŋ mipal ngi Israyel a ɓi na: «Ani ki hizigaka mingiɓi ɗu avra, ki vulaka vu kumo da migi vurumoy, yo ki jaham ti migi slirey.

EZAYI 5:7

Guva ngi gudubun ngi Bumbulvuŋ, misi gidaŋ wãˀa, i sukwi Israyel. Widis naŋ muwuɗ taŋ haɗa, i mizli Zudahay. A kutuk zle ɓa a gam gwat mikaslsla, amma a sa gam di i gwat mijeŋ ta. A kutuk zle ɓa a gam gwat mijeŋŋe, a sa lum di i widi ngi mendere.

EZAYI 59:13

Bumbulvuŋ, i cunukuw mi ta, i jam ti ka mi le, i ngumam ɓa i supukuw ka Buymisemuŋ ndra ta. Misi a mevel ndra i ɓi ngi guzuvura vu ati ngi slikiɗa ɓi tewle, ɓi ngi tikina vu kilaw kilaw, kaw a hirnga ndra.

EZAYI 59:6

Ɓi kum makuluwaka kaɓa gugumay ngi monjoronjoro vuna anta bo ti zana ta, mbur a sirta vu naŋ ti gi gwat nah vuna gu ta ma kini, gwat ngi gi kum i slra ngi gi malambaˀ da mburu, haŋ kumo, ki wuɗam sey gi di moˀore.

ZEREMI 22:17

Pura hiri ɗik ati wuluk ɗike, sey ngi luuma gwat tewle, ngi pi pumbus ngi mbur migi gwat ta, yo ngi gi moˀore kaɓa gwat misãmi.

ZEREMI 5:23

Amma kum mizli hanahay na, lesl kumo gidaŋ haɗa, yo kum i mizli mislikiɗa ɓihey. Ki mbuɗam duba, joˀ ki cohom gwat kum.

ZEREMI 6:6

Bumbulvuŋ misi gidaŋ wãˀa, a ɓi na: «Ngumaka widiseye, mbam muyuŋ mbeˀ mbeˀ a ciki Zeruzaleme, ɓa ngi ɗum: masa gaka bonoy na da walahay vuna ceke, asi a gam anga sey i moˀore tewle.

ZEREMI 6:7

Kaɓa futuŋ misi miviɗiviɗi ngi yam na, Zeruzaleme kwana i miviɗiviɗi ngi gi moˀore. A cinam a hay taŋ i ɓi ngi moˀore ati guzuvura vu na si. Ndrehhe na, sey bonoy ati gira vu tewle magiy kuyta wãˀa.

EZEKIYEL 22:29

Mizli ngi si ruwuyoy a guzuvuraka mizli, a hulom, a zumaka mizli migeˀ ircecehey le ati misi murgahaya. Mbur moholoyo, ar gwat ɓa a ga zuy na, a guzuvurakaŋ.

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

EZEKIYEL 23:30

masa lumuw ɓi hana, asi ki gi sulome le ati sukwi ngi mizli, yo ki ci le ar dili ti huruk huruk ɗik a mbuŋ kuli taŋhaya.

LEVIHEY 1:16

Masay a ɗiɗo mombok naŋ ti gwat ngi huroˀo gar, a hiziga fuk a ciki li gi mikuli, kini tir vay sipas ngi mipriki, ng'ar li mapaka fucu ngir li gi mikuli anga na.

AMOS 3:9

Tilam mi a hirngi hay mimezlehey a Asdoto, a hirngi hay mimezlehey misi a ruwuy Ezipte, ɓam: «Cikilam a hirnga muwã Samari, puraka, ara gam lambaˀ lambaˀ, yo ara guzuvuraka mizli a muwã a diga!»

AMOS 4:1

Kum madiya sla ngi Basaŋhay, kum majiginam a muwã Samari, ki ra zumaka gwat ngi mizli migeˀ irceceheye, ki ra guzuvuraka misi murgahaya, ki ɓaka zil kumoyo: «so ti gwat ngi si, sukum di.»

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

ZAKARI 7:10

Wudiga ati mutuhu, moholoy ati misi murga na, ki guzuvuraka taŋ ta. Anja mbur gar asi kumo, a ja sukum naŋ a kwacay ngi gaŋ malambaˀ ta.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»