SOFONI 2:9 - Bible en langue guiziga

⁹ Kaɓa ya misi ti siifa gisiŋ na, Moˀap a sa tiri kaɓa Sodom, yo mizli Amoŋhoyo, a sa tiram kaɓa Gomoroy. A sa tiri li ngi sisim ati ngi mandaŋ a tiri ɓuh mikirɗak kirɗak wãˀ. Mizli ɗuwoy mindiram ti siifa, a sa vaka taŋ gwataya, yo a sa tiɓaka hirwuy taŋ mindire da taŋ. I ya Bumbulvuŋ misi gidaŋ wãˀ, Buymisemuŋ ngi Israyeley maɓi.

SOFONI 2:9 ပူးပေါင်းရင်းမြစ်များ

EZAYI 11:14

A sa jumom, a gidiɗaka Filistiheye ng'asi pas ngi pastaˀa, ng'ar muwã taŋhaya, a sa vaka gwat ngi mizli misi tisi pas ngi miprikeye. A sa waka Edom ati Moˀapaya, dar mizli Amoŋhoy a sa gam cunuˀcunuˀ a mbuŋ taŋ.

EZAYI 25:10

Gidaŋ ngi Bumbulvuŋ a ro ar muwã hana. Amma Moˀapa, a sa njirslaka daˀ arleˀe, kaɓa mahumusom giziŋ ar vigiɗ misi zay ngi ginewey.

EZAYI 49:18

Zuɓa hiri, pur gun gun hirnga ɗike ɗi: ziri ɗikey ara kusom cek, ara soko ng'avi ka. Ya Bumbulvuŋ i ɓi na, kaɓa ya misi ti siifa gisiŋ na, haˀaw, kisa ka taŋ lat lat avu vu kaɓa gwat ngi wuya, kisa juwa taŋ a dingiriŋ kaɓa mangasl ngi mbur mujuwa kanda naŋ le.

ZEREMI 46:18

Buy mazilaka Bumbulvuŋ, misi gidaŋ wãˀ a ɓi na: ya ti siifa! Kaɓa muwã Tabor mufuna muwãhay, yo kaɓa muwã Karmel mudum hirnga mubuliy na, mesene kum masa lumukum na, kanah ya.

ZEREMI 48:1

Bumbulvuŋ misi gidaŋ wãˀ, Buymisemuŋ ngi Israyele, a ɓi vur walahay Moˀapa na: Kay, bonoy madiɗa avu mizli Nebohoyo, walahay taŋ i mihirya le njakwãy njakwãy! A tiɓaka hirwuy Kiriyatayime le, mesem a kiɗaŋ le ɓaˀa. Walahaya, mesem a kiɗaŋ le ɓaˀ, ara mbizli.

ZEREMI 49:1

Bumbulvuŋ a ɓi vur Amoŋhoyo na: Israyele naŋ anta ti ziri mizileheye mata kwa? Mbur ngi zuma hay naŋ anta kwa? Na i kuli Milkom mazuma hirwuy Gata vur mike? Yo i mizli naŋhay macifam ar walahay naŋhaya vur mike?

ZEREMI 49:18

Bumbulvuŋ a ɓi: «A sa gi i gwat ngi mendere madiɗa, kaɓa naŋ migi zleˀe a Gomor, a Sodom waɗ ar walahay ngi midigwi taŋhay na ya. Ko mbur masa cifi hay a diga anta mata, ko mbur titra masa cifi moholoy a diga anta mata.»

ZEREMI 49:33

Walahay Hasor a sa tiri hay ngi biigaɗay, li midaŋ daŋ cay ngi sete. Ko mbur masa pi ara anta mata, mbur titira masa cifi moholoy ara anta.

ZEREMI 50:40

A sa gi kaɓa Buymisemuŋ muso ti mendere ar Sodom, ar Gomor ati walahay ngi ciki taŋhay na. Ko mbur masa pi ti hay a diga anta mata, ko mbur titira masa cifi ngi hin neˀ a diga anta. I ya Bumbulvuŋ maɓi.

AMOS 1:13

Bumbulvuŋ a ɓi ani: «I ra mbiɗa hirnga da mizli Amoŋhoy, asi a gam mungra madiɗahay le haɗa, wãˀ naŋ asi hana: Ɓa hirwuy taŋ a sik firndiw asi ruwuy Galaˀata na, a nduzoko kwacay ngi ngwas misi ti huroyo. Vurˀe, y'anta sa pula ɓi ɗu ya mujuwa a mevel ɗu na teˀ mata.

AMOS 2:1

Bumbulvuŋ a ɓi ani: «I ra mbiɗa hirnga da mizli Moˀapaya, asi a gam mungra madiɗahay le haɗa, wãˀ naŋ asi hana: a zlumaka tesl ngi buy Edomo le hetetete, a tiri buɗ buɗ ka fucu. Vurˀe, y'anta sa pula ɓi ɗu ya mujuwa a mevel ɗu ngi gi na teˀ mata.

SOFONI 2:14

Gezleŋ ngi ginewey ati sukwi ngi gwat misah mihey wal wal gar, a sa muskam vu a hur walahay nah, sutete ati cemceme, a sa hinam ar mecepek naŋhaya. A mi fenetire, a sa cinam tuwuy ngi ɗiyuwoy. Zle a mizlingre sina, walahaya taˀ i diŋ, mbal ngi mitereye gilaɗ gilaɗ ar li babaraŋ.

SOFONI 2:7

Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

SOFONI 3:13

Israyeley mindirama, anta sa gam gwat malambaˀ mata, t'anta sa gam slir mata, anta sa lumaka taŋ gurjik ar li ɓi mi ngi tikina vu mata. Amma a sa zumam, a musukam vu, ko mbur masa ga taŋ zluwun anta.

ZAKARI 2:13

Haˀaw, y'ani i zuɓa haŋ ɗu ng'ar sukwi tayna: ɓa i beke taŋhay masa hilaka gwat taŋhaya, joˀ kisa sinaka i Bumbulvuŋ misi gidaŋ wãˀ mislino ya.

SLUFA VU 14:21

Na, kaɓa ya misi ti siifa gisiŋ, yo kaɓa dudok nga ya Bumbulvuŋ manaha hirwuyo gar gisiŋ na,

ROMAHAY 14:11

Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.»

Slu cuw 29:22

Hirwuy hana gar, vu ngi barudu ati mandaŋ a wura le, gwat a zligi mata, gwat a pus mata, ko gwat mutukuzo magil ara anta. A gi le rak rak ati hirwuy Sodom, Gomor ati Adma waɗ Soboyim, i walahayay Bumbulvuŋ muwaha taŋ, ti naŋ muzuɓ himaˀ fõh fõh na.

Slu cuw 29:23

Dar sukwi ngi mizli mekelemey a sa ɓam: «Bumbulvuŋ a gi ti hirwuy hana, kanah vur mike? A zuɓ himaˀ haɗa kine vur mike?»