SOFONI 2:7 - Bible en langue guiziga

⁷ Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

SOFONI 2:7 ပူးပေါင်းရင်းမြစ်များ

ZLI VIRZI 50:24

Ngi pas mekeleme, Zozef a ɓa sukum naŋhaya na: «Yi wuɗ i mucu. Buymisemuŋ a sa cik vu ar kumo, a sa bi ti kum tisi ruwuy misenna, nga ruwuy naŋ miɓa ɗaˀ le da Abraham, da Izak waɗ Zakop na.»

DIMISEY 80:14

Fedem ngi ɓuh ara hiryaŋ, gwat misãmi ngi ɓuhoy ara zumakaŋ.

DIMISEY 85:1

Dimis ngi wuzla dimis ngi sukwi Kore. I mulumo di ar ɗerewol ngi buy dimis.

BI NGI ISRAYELEY 4:31

Mizli a tiɓakaŋ, taŋ mislaka wala nah, Bumbulvuŋ a so le a jiniˀis tisi Israyeley, yo a pura bonoy taŋ le na, a hurkom a mbuŋ naŋ, a gakaŋ dudok.

EZAYI 11:11

Ti hin nah na, is ngi mizli ngi Buymisemuŋhoy mindiram a Asiri, a Ezipte vay ruwuy, a Ezipte vay muŋ, a Sudaŋ, a Elam, a Babiloŋ, a Hamat-ngi-Siri waɗ ar matura ngir mubuliyey na, Bumbulvuŋ a sa ska haŋ ng'ar taŋ ngi mbiɗo hirnga taŋ ava ma,.

EZAYI 11:14

A sa jumom, a gidiɗaka Filistiheye ng'asi pas ngi pastaˀa, ng'ar muwã taŋhaya, a sa vaka gwat ngi mizli misi tisi pas ngi miprikeye. A sa waka Edom ati Moˀapaya, dar mizli Amoŋhoy a sa gam cunuˀcunuˀ a mbuŋ taŋ.

EZAYI 11:16

ˀIs ngi mizli naŋhay mindiram ti siifa a Asiri na, a sa ka taŋ jiviɗ bir purla. A sa gi kaɓa naŋ mika bir purla da Israyeley, ti taŋ maboko ti ruwuy Ezipte na ya.

EZAYI 14:1

Ircece a sa ga Bumbulvuŋ ti dideˀ ngi Zakopoyo. A sa wina Israyeleye ava ma. A sa cifa taŋ asi ruwuy taŋ. Mulakay a sa jumom ng'avi taŋ, Joˀ a sa jumom gar ng'avi mizli ngi hay Zakopoy.

EZAYI 32:14

Hay ngi buyo, i mupula le fuk, walahay magi mi wuwwo, a ndir le ɗoɗok. Slala Ofel ati mohol ngi jiɗa li, a sa tiram butumoy ngi wãˀ, ɓa zungu ngi ɓuhoy a zluzluɓam ara, waɗ gineweye,

ZEREMI 23:3

Ya na, ginew ɗuwoy mindirama, yi ra cikilo hirnga taŋ tisi ruwuy ya mizliɗa taŋ hirnga gar mber mber na, yi sa mo taŋ ng'ar gezleŋ taŋ a muŋ, ɓa a jam, a sikam haɗa.

ZEREMI 29:10

«Ya Bumbulvuŋ i ɓi na: ‹Da zumabuy ngi ruwuy Babiloŋ a naha vi naŋ le kukur tarnaˀ na, i sa ki slimiɗ ar kum, ɓi ngi mo kum ng'ar li hana, ya muɓukum di ɗaˀ le zleˀe tuwa na, i sa ga muduba.

ZEREMI 29:14

Dar yi sa pula vu ɗu mbak ɓa ki lumikiy. I ya Bumbulvuŋ maɓi. I sa ɗiyukum ka misi zleˀe na a muŋ, i sa cukulo hirnga kumo ti wuzla sukwi ngi mizli gar, tir lihey ya muzliɗukum hirnga mber mber ng'ara na gar. Joˀ i sa mi ti kum nga ruwuy ya mujukum baɗ ara na. I ya Bumbulvuŋ maɓi.

ZEREMI 3:18

Tapasa, mizli Zudahay a sa jumom ng'avi Israyeley. A sa moko zingif zingif tir vay muŋ nga hirwuy, ya muvula da dideˀ taŋhay, ɓa a ndir da taŋ na.

ZEREMI 30:3

Ya Bumbulvuŋ i ɓi na: Hin ara ndilawa, Israyel, mizli ɗuwoy waɗ Zudahaya, i sa ɗiya taŋ a muŋ. I sa mo ti taŋ nga ruwuy, ya muvula zleˀe da dideˀ taŋhay na, a sa zumakaŋ. I ya Bumbulvuŋ maɓi.»

ZEREMI 31:7

Bumbulvuŋ a ɓi ani: Jaka salalay kiɗ kiɗ da Israyele, mudumbuŋ ngi wuzla sukwi gar na, tiɓakaŋ mulaka ti membezleŋ ngi vu kum wãˀ! Jam salalay, zluzluɓam, ɓam: Bumbulvuŋ ara laha mizli naŋhay, Israyeley mindirama.

ZEREMI 32:44

A sa wam dala ti kilo ngi hiɗika guva, a sa tohom ɗerewol ngi cikili ngi guva, a sa ɗuvam haŋ taˀ taˀ angi ɗerewol a mbuŋ sedewohoy miziloko taŋ le. Hana gar na, a sa gi asi hirwuy Benjameŋ, ar prok ngi Zeruzalemey, angi walahay Zudahay, hirwuy ngi muwãhay, hirwuy vay mukutukoy ati hirwuy vay ruwuyoy, asi i wuɗ i mo taŋ nga ruwuy taŋ a muŋ I ya Bumbulvuŋ maɓi.»

ZEREMI 33:12

Bumbulvuŋ misi gidaŋ wãˀ, a ɓi na: «Ar li misenna mitiri diŋ, ko mizli, ko ginewey anta, yo ar walahay naŋhay gar na, a sa gi gezleŋ ngi ginewey ada muduba, mijiginey a sa gicaka tumuŋ ati ˀaw taŋhay ara, ɓa a musukom vu.

ZEREMI 33:7

Mizli Zuda ati Israyel mijahay nga hirwuy mulak na, i sa mo taŋ, i sa cifa taŋ ar li taŋ ka misi zleˀe a muŋ.

ZEREMI 47:5

Gaza a ro hirnga hac hac kurzluˀ, Askaloŋ a cifi le siriw. Kum bugawlahay mindiram ti siifa na, kisa ndiram ar li cira vu kumoyo ngoɗ ngoɗ, hã ti vunaka?

EZEKIYEL 39:25

Amma ya Bumbulvuŋ Buymisemuŋ i ɓi na: Gwat masa gi avu mizli ngi Zakopoy na, i sa mbiɗa, i sa pura ircece da Israyeleye, yo slimiɗ ɗu mipal na, i sa wuɗ suloŋ suloŋ.

Ɗerewol OZE 6:11

Zuda, da ka kwana, i ra ɗiyuw gwat ngi sifihey. «A sa gi tapas ya masa mo ti mizli ɗuwoy ng'ar li taŋ a muŋ.

ABDIYAS 1:19

Mizli Zudahay mikini tir vay ruwuyo a sa pam a muwã Edom. Misi ngir li vay zugudumoyo ar hirwuy ngi Filistihey. Yo a sa pam a Samari, li ngi dideˀ ngi Efrayimey. Yo dideˀ ngi Benjameŋheye, a sa pam a Galaˀat.

MISE 2:12

Kum dideˀ ngi Zakopoy keɗeɗe, i wuɗ i kusukum gar kumo. Kum Israyeley mindiram na, i wuɗ i cikilukum. I sa jumo hirnga kum arleˀe, kaɓa tumuŋhoy ar gezleŋ purla, kaɓa ginew taˀ gezleŋ ar li zum naŋ. Joˀ ˀay kumo a sa cino wuwwo asi kum mihaɗi na.

MISE 4:10

Diyli Siyoŋ, vu majuw na, mbiɗi di puɗwuliˀ puɗwuliˀ, widi haɗa haɗa, kaɓa ngwas mira yi, asi kisa bi wurenna tir walahaya, kisa ra cifi ar guva, hã kisa ru sesẽŋ a Babiloŋ. Ki sa lih a diga. Bumbulvuŋ a sa mbuɗu hirnga ɗik a diga tisi haŋ ngi mesene ɗikeye.

MISE 4:7

Mizli maram kiciɗek kiciɗek vuna, i sa ga ɓa mandiram i taŋ, muroko kileŋ kileŋ na, i sa ga ɓa a tiram sukwi migidaŋ. Ya Bumbulvuŋ i sa cifi i buy taŋ a muwã Siyoŋ, zle wurenna hã ngi sete.

SOFONI 2:9

Kaɓa ya misi ti siifa gisiŋ na, Moˀap a sa tiri kaɓa Sodom, yo mizli Amoŋhoyo, a sa tiram kaɓa Gomoroy. A sa tiri li ngi sisim ati ngi mandaŋ a tiri ɓuh mikirɗak kirɗak wãˀ. Mizli ɗuwoy mindiram ti siifa, a sa vaka taŋ gwataya, yo a sa tiɓaka hirwuy taŋ mindire da taŋ. I ya Bumbulvuŋ misi gidaŋ wãˀ, Buymisemuŋ ngi Israyeley maɓi.

SOFONI 3:13

Israyeley mindirama, anta sa gam gwat malambaˀ mata, t'anta sa gam slir mata, anta sa lumaka taŋ gurjik ar li ɓi mi ngi tikina vu mata. Amma a sa zumam, a musukam vu, ko mbur masa ga taŋ zluwun anta.

SOFONI 3:20

Hirak ti nah na, i sa mo ti kum, a sa gi tapas ya masa kuso hirnga kum na. Slimiɗ kumo a sa zil, yo i sa ɗuvukum hirnga, a wuzla mizli ngisi ruwuyoy gar, tapas ya masa mbiɗa gwat masa gi avu kumo, a mihiri kum na, i ya Bumbulvuŋ maɓi.

Ɗerewol AZE 1:12

Mijiviɗ Aze maɓa taŋ ɓi ngi Bumbulvuŋ, Buymisemuŋ taŋ tuwa na, Zorobabel, mangal ngi Seyaltiyel ati Yesuwa, mangal ngi Yosadak, masay madiɗa waɗ is ngi mizli gar na, dar ara cinaka ˀay ngi Bumbulvuŋ, Buymisemuŋ taŋ waɗ mingiɓi ngi mijiviɗ Aze maɓa ɓi ngi slra naŋ kaɓa Bumbulvuŋ, Buymisemuŋ taŋ muvulaŋ di. Joˀ mizli a gaka dudok da Bumbulvuŋ.

Ɗerewol AZE 2:2

«Zorobabel, mangal ngi Seyaltiyel, buy miwi hirwuy Zuda, yo Yesuwa, mangal ngi Yosadak, masay madiɗa, waɗ is ngi mizli gara, ɓa taŋ na:

Ɓimezle ngi Yesu Kristu LUK mitil di mi 1:68

«Anja mizli a hunumaka Buymisemuŋ, Bumbulvuŋ ngi Israyele. Asi ara ki slimiɗ ar mizli naŋhaya, yo a mbiɗa hirnga taŋ le.

Ɓimezle ngi Yesu Kristu LUK mitil di mi 7:16

Zluwun a ga mizli le gar, a hunumaka Buymisemuŋ, a ɓam: «Mijiviɗ madiɗa a bo le ar wala ndra. Buymisemuŋ a so le jina mizli naŋhaya.»

SLRA 8:26

Modro ngi Bumbulvuŋ a ɓa Filipe: «Slikiɗ, aru kini tir vay ngi ruwuy, ti ngi jiviɗ mapo sar baɗ ti Zeruzalem nga Gaza na. «Jiviɗ nah na, anta ram ti ngaˀa mata.

SLRA 8:40

Filipe, a sa pura na, naŋ deŋ a Azot, a rudigi bal ti tila mi ti Ɓimezle angi walahay micawwahay gar, hã ara ndil a Sezare.

ROMAHAY 11:5

Angi hin misi ani na, naŋ kanah ya, mizli Buymisemuŋ muwuna taŋ asi gimezle naŋ na, a ndiram le neˀe.

RUTH 1:6

Akẽh na, Noˀemi a slikiɗam baɗ a Moˀapa ati ngwas ngi ziri naŋhay mucuwoy tuwa, asi ti naŋ misi ar Prok ngi Moˀapa, a cine na, Bumbulvuŋ ara ki slimiɗ ar mizli naŋhaya, ara vula taŋ gwat ngi mi gama kuy kuy.