SOFONI 2:5 - Bible en langue guiziga

⁵ Kum mizli ngi ruwuy vay mubuliyey, kum sukwi Kaftoroy, kay kum ar bonoy. Bumbulvuŋ a ɓa mingiɓi naŋ ani na, vur kumo: «Kanaˀan, hirwuy ngi Filistihey, i sa puluw njoŋ manja mizli.

SOFONI 2:5 ပူးပေါင်းရင်းမြစ်များ

EZAYI 14:29

Kum Filistihey taˀ gar, vur tokom a ngil le na, ki mumulom vurˀe ta, asi kaw a sa bo tir musufut ngi kawa, yo tir kawa kwana, ŋgoŋgoŋ maslikiɗ ti zlara a sa bawa.

EZAYI 14:30

Mizli migeˀ irceceheye, a sa ndiram ar li zum kaɓa ginewey ar li zum taŋ. Misi murgahaya, a sa pulam vu kuy kuy, amma kum Filistiheye, i sa nguzlukum pay ti may, yo mizli misa ndiram le ti siifa na, i sa kiɗa taŋ vagay vagay.

ZEREMI 47:7

A musuk vu mbri mbrike? I Bumbulvuŋ vuna maslinaŋ nga gi slra, nga kiɗa hirwuy Askaloŋ ati ngi ˀay mubuliy. Naŋ miwaŋ haŋ na a diga.

EZEKIYEL 25:16

Vurˀe, Ya Bumbulvuŋ, Buymisemuŋ i ɓi na: Y'ani i ra biga gidaŋ ɗu avu Filistiheye. I ra ngica mizli Kaftoroy avra, yo mizli mindiram ngi ciki mubuliye, i sa kiɗa hilfa taŋ kap avra.

AMOS 3:1

Mizli Israyeley, kum i muyoy, i ya Bumbulvuŋ mimo ti kum ti ruwuy Ezipte, cinaka ya maɓukum ani:

AMOS 5:1

Israyeley, cinaka mingiɓi ani, ya maɓa a hirnga kumo.

SOFONI 1:11

Mizli ngir slala mukutukoy, wudam cǝruw cǝruw, asi migi terereheye, a sa micam cek, mikiɗa kilo ngi ɓiri baraˀahaya, a sa ngizlam pay.

SOFONI 3:6

Buymisemuŋ a ɓi: «Sukwihey mitaˀ taˀa, i ngizla taŋ le kap kapa, hay taŋ musuburoy misi ar moholoy mira zlirama, i waha taŋ le avra. I kiɗa cikiviɗ taŋhaya le: ko mbur macuh anta mata. Walahay taŋhaya, i waha taŋ le: ko mbur miar taŋ anta mata.

ZAKARI 1:6

Dambalaka ɓi ɗuwoy, ya miɓa taŋ ɗaˀ le, yo ɓi ya mujuwa taŋ a mevel ɗu, ya muvula asi haŋ ngi mijiviɗ, gawla ɗuwoy na, a ci le avu dideˀ kumoyo kwa? Dar a moko, taŋ ti balam taŋ a njikaka le, a ɓam: ‹Bumbulvuŋ misi gidaŋ wãˀa, a juwa le a mevele, a gi ti ndra le weˀe avu jiviɗ ndra masipakaŋ ati gwat ngi gi ndra, yo naŋ migi ti ndrakanah vuna, naŋ kaslsla gwaɗ naŋ.

Mark 12:12

Joˀ a puram jiviɗ ɓa a jaka Yesu zleˀe, asi a slaka wala nah le kuy kuy, a kicuwula ɓi hana vur taŋ. Amma a zluwunam ti zigiduwo, a pulaka mbak, joˀ taŋ a cohom.

ZOZUWE 13:2

Hirwuy mindiramay vuna t'anihĩ: hirwuy ngi Filistihey ati hirwuy ngi Gesurihey gar.

ZOZUWE 13:3

A zlo zle a Sihor misek duba cakay ati Ezipte, hã sesẽŋ angi hirwuy Ekroŋ tir vay muŋ naŋ, li tayna gar na, taŋ kaɓa i hirwuy Kanaˀanay. Buy Filistihey ada zlum asi ruwuy tayna: buy ngi ruwuy Gaza, ngi Asdot, ngi Askaloŋ, ngi Gat, ngi Ekroŋ waɗ ngi Avihey.

MIGI KIITAHAY 3:3

Mizli, Buymisemuŋ mupula taŋ asi ruwuyo, t'ani: buy Filisti mihimaˀhay zlum, Kanaˀanay gar, Sidoŋhoy waɗ Hivihey micifa ngi muwã Libaŋhay, zle a muwã Baˀal-Hermoŋ hã sesẽŋ a Lebo-Hamat.

SAMUYEL MUDUMBUŊ NAŊ 30:14

Zleˀe na, mizli Kretihey, Yudehey ati Kalepey na, micam mikiɗaka taŋ tir vay ngi ruwuy ngi li taŋhay na, i ndra. Yo i wuraka hirwuy Sikilaka le ma.»