SOFONI 2:3 - Bible en langue guiziga

³ Kum mihina hirnga ngi si ruwuy gar, kum magam slra ti ɓi mikaslsla ngi Bumbulvuŋ na, sipakaŋ. Supaka ɓi mijeŋŋe ati hina hirnga, da kisa bam njiraŋ cimak ar hin ngi himaˀ ngi Bumbulvuŋ kwana.

SOFONI 2:3 ပူးပေါင်းရင်းမြစ်များ

SAMUYEL MUCUW NAŊ 12:22

Davit a mbiɗa: «Ti di mangala misi ti siifa aruŋ na, yi gi dalyam, yo yi tuwuy na, asi yi ɓi zleˀe ti kwacay ɗu: ‹Misina i waka? Asinta Bumbulvuŋ a sa puriy ircece, ɓa mangal a muc ta kwani zleˀe.›

DIMISEY 105:4

A ram ti sipa Bumbulvuŋ, yo cufuɗam gidaŋ ava, sipakaŋ hirdam hirdam, ɓa ki ndiram a mihiri naŋ.

DIMISEY 149:4

Asi Bumbulvuŋ, hiri a ciraŋ ar mizli naŋhaya, a ɗuva hirnga da mizli misi mevel mezleheye, a laha taŋ.

DIMISEY 22:26

Bumbulvuŋ, ya mahunumuw gu a wuzla kus madiɗa na, mbele ka! I ja mi ɗike, daˀ a mbuŋ mizli mazluwunam ti kahaya.

DIMISEY 31:20

Gi mezle ɗik, ka mawi taŋ vu da mizli mazluwunam ti ka na, kay, naŋ haɗi teˀe! Mizli maɗumom avu ka gar na, ki ga taŋ mezle dik a mbuŋ mizli gar.

DIMISEY 45:4

Haˀaw bugawla ɗu, luwa maslalam ɗike law a ciki, ki madiɗaŋ, yo ka ti dudoko ma.

DIMISEY 57:1

Dimis ngi wuzla dimis ngi Davitey. I mulumo di ar ɗerewol ngi buy dimis. A ɓi ɓi ngi Davit mikil ng'ar butum, ɓa a lih avu Sawul. Dimis ngi zli ti ˀay maɓi: «Ki pula a hiryi ta…»

DIMISEY 76:9

Ka muslo kiita le zle a muŋ na, duniya gar a zluwun, a cifi teˀ teˀe.

DIMISEY 91:1

Mbur maɗum ti Buymisemuŋ Mimadiɗa na, kite ara hin a susuɗuk ngi Buymisemuŋ misi gidaŋ wãˀa.

BI NGI ISRAYELEY 12:27

kisa ɓaka taŋ: I mikuli ngi Pak da Bumbulvuŋ. Ti Israyeley misi zleˀe asi hirwuy Ezipte na, Bumbulvuŋ a kiɗa Ezipteheye, amma a cuh weŋŋe avu hay ndraˀahaya, a wusa mizli ngi hay ndraˀahaya ta.» Dar Israyeley a huruk hurukam ti poprok, a hurukom, midibiɗ durus durus.

MIKUCUWULOY 18:10

Slimiɗ ngi Bumbulvuŋ i hay madiɗa migidaŋ, mbur mijeŋŋe a kil ng'ara, a lum li pula vu araŋ.

EZAYI 1:17

Dubunaka gi gwat mezle, sipam gi gwat mijeŋŋe. Mbur maguzuvur vu na, bigakaŋ jiviɗ mezle, gaka gwat mikaslsla da mutuhu. Ngwas widiga, jinam is aseˀe.»

EZAYI 11:4

Amma mizli hĩhĩyahaya, a sa ga taŋ kiita taŋ jeŋŋe, a sa ga gwat mikaslsla da misi murga ngisi ruwuyoyo. Mingiɓi naŋ a sa kiɗa hirwuyo, kaɓa makiɗam vu ti ganday, yo mi mabo ti balama, a sa kiɗa misi moˀoreheye vagay vagay.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

ZEREMI 39:18

I sa lihuw gisiŋ gisiŋ, anta sa kuɗukuw ti maslalam ta. Ki sa laha hutuŋ ɗike na, asi ki puliy vu ɗike le mbak da ya. I ya Bumbulvuŋ maɓi.›»

ZEREMI 45:5

Naka, ki wuɗ gi gwat madiɗahay! ki wuluk kanah ta! I wuɗ i pulo bonoy ar gwat misi titiri gar, amma ka na, i guw gwat ɓa ki bi ti jeŋ, ar li ka maru gar na, ki ndir ti siifa ɓula.»

EZEKIYEL 13:5

Ki dislaka mifiliw ngi vu moholo dasl le ta, yo mohol gun hirnga Israyeleye, ki ndiram ndar le ta ma, anja zleˀe a sa ɗumom di le, a cicam le zlak kuy kuy ar vurumo, ti hin Bumbulvuŋ muwuna na.

Ɗerewol OZE 10:12

Zligam hilfa mijeŋŋe ɓa kisa gam sifi mezle. Ngumam guva nawaya. Ɓa ngi sipa Bumbulvuŋ na, sey wurenna, hã a sa po gi jeŋŋe naŋ ng'ar kum.

Ɗerewol OZE 7:10

Huhumo vu ngi mizli Israyeley, ara ga sedewo ngi hirnga taŋ tehhe a muŋ, amma ko a moko ng'avi ya Bumbulvuŋ Buymisemuŋ taŋ ta. gar ti nah kwana, a sipikiy ya Buymisemuŋ ta na si.

ZONAS 3:9

Misina i waka! Asinta, Buymisemuŋ a sa mbiɗa wuluko, a sa pula ɓi naŋ mujuwa a mevel na, a sa muca mevele, kanah na, anta sa kiɗa ndra vagay vagay mata kwani?»

ZAKARI 8:19

Ya Bumbulvuŋ misi gidaŋ wãˀa, i ɓi na: Dalyam, kum magaka ar kiya mumufaɗ naŋ, muzlum naŋ ati mitarnaˀ naŋ waɗ ar kiya mukuruˀ naŋ na, a sa tiri avu kum Zudahaya, i hin ngi jiɗa mececẽleŋ, ngi mumul waɗ ngi muguzlum ngi cine ndum. Amma gwat madiɗa so na, wuɗam ɓi mikaslsla ati ɓi ngi vula zuy.»

Matiye 5:5

Mizli matuwam a roko ar iwuya: asi Buymisemuŋ a sa tikina taŋ, a taˀaka tuwuyo.

TESALONIKEY MUDUMBUŊ NAŊ 4:1

Sukum ndrahay, gwat mindir ngi ɓukum di na anihĩ: gwat ngi gi macira hiri da Bumbulvuŋ na, ki dubunaka le avu ndra zleˀe, ki ra gaka kanah vuna si. Amma wurenna so na, i ra tumbulukum, ambuh ambuh kum ti slimiɗ ngi Buy Yesu, gaka nga mbuŋ nga mbuŋ ava ma.

TESALONIKEY MUDUMBUŊ NAŊ 4:10

Na zle, ko sukum kumoy misi angi hirwuy Maseduwan keɗeɗe kwana, ki ra wuɗaka taŋ vuna si. Amma ambuh ambuh kum, sukum ɗu misikristuhoy, anja ki ram di nga mbuŋ nga mbuŋ ava ma.

PIYER MUDUMBUŊ NAŊ 1:22

Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.

PIYER MUDUMBUŊ NAŊ 3:4

Amma anja ɗiya vu kumo, i ɗiya vu ngi huroˀo, ɗiya vu mahiryi ta wãˀ, misi ti lesl misetette, zuy zuy, i ɗiya vu mupuɗaw haɗa a mihiri ngi Buymisemuŋ.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.