SOFONI 2:13 - Bible en langue guiziga

¹³ A sa zuɓa haŋ naŋ ng'ar mizli vay muŋhoy waɗ ng'ar Asirihey, a ngizla taŋ. Ninive, a sa tiri di walahay muwaha le ngirwaŋ ngirwaŋ, mumuˀulo kaɓa wuzlaɓuh mikirɗak kirɗaka.

SOFONI 2:13 ပူးပေါင်းရင်းမြစ်များ

EZAYI 10:12

Amma ti Bumbulvuŋ misa kiɗa mi ngi slra naŋ le gar a muwã Siyoŋ waɗ a Zeruzaleme na, buy Asiri mahuhum vu, yo naŋ mahiris vu na, Buymisemuŋ a sa kutaŋ ti bonoy.

EZAYI 10:16

Vurˀe, Bumbulvuŋ Buymisemuŋ, misi gidaŋ wãˀa, a sa ga ɓa mizli naŋ muzlumbrahay a zaham. Yo vu a sa tiɓi asi virzi ngi dudok taŋ, kaɓa hay mawur.

EZAYI 10:5

Buymisemuŋ a ɓi na: «Hirwuy Asiri, i tokom ngi haŋ ɗu, kay naŋ ar bonoy. I sa biga mevel ɗu ti ganday mikaw ngi haŋ naŋ vuna.

EZAYI 11:11

Ti hin nah na, is ngi mizli ngi Buymisemuŋhoy mindiram a Asiri, a Ezipte vay ruwuy, a Ezipte vay muŋ, a Sudaŋ, a Elam, a Babiloŋ, a Hamat-ngi-Siri waɗ ar matura ngir mubuliyey na, Bumbulvuŋ a sa ska haŋ ng'ar taŋ ngi mbiɗo hirnga taŋ ava ma,.

EZAYI 14:26

Ɓimujuwa vur ruwuy kurzluˀ gara, i nah so, i ngi guco mi da sukwi ngi mizli gar.

EZAYI 37:37

Senakerip, buy Asiri a slikiɗa walahay guɗuk naŋ, a mi nga Niniv, a cifi a diga.

ZEREMI 49:33

Walahay Hasor a sa tiri hay ngi biigaɗay, li midaŋ daŋ cay ngi sete. Ko mbur masa pi ara anta mata, mbur titira masa cifi moholoy ara anta.

ZONAS 1:2

«Aru kutum nga Niniv, walahay madiɗaŋ. Ki sa buca mizli ngi digahaya, asi moˀore taŋ na, a mbiy kwacay le muduba.»

ZONAS 3:2

«Aru kutum nga Niniv, walahay madiɗaŋ, til mi ti ɓi ya maɓuw di na.»

MISE 5:6

Akẽh na, Israyeley mindiram ti siifa na, a sa tiram a wuzla mizli mihaɗahaya, kaɓa wulngar Bumbulvuŋ magico di tos purla, kaɓa yam ngi vuŋ maji avu giziŋ, manja a kutuk ti vu mbur, manja a njih hiri asi mbur titira.

NAHUM 1:1

Tila mi vur walahay Niniv. Misi ani na i mingiɓi, Buymisemuŋ minjika da Nahum, mbur Elkos.

NAHUM 3:15

Vu masa zlumuw na a diga, a sa kiɗukuw ti maslalam. A sa zumukuw a diga kaɓa yuk mazum giziŋ.

NAHUM 3:7

Dar mbur gar mupuruw le na, a sa kil bal ti widi, a ɓi: «Ninive, i mingizla le pay, masa puraŋ ircece neˀ le i wa aruŋ ma ska? Ɓa ki taˀa tuwuyo na, i sa lumuw mbur, ɓa a tukunuw na ama ma ska?»

SOFONI 1:4

Bumbulvuŋ a ɓi: «I sa zuɓa haŋ ng'ar mizli ngi si ruwuy Zuda waɗ ng'ar mizli Zeruzalemey gar. Yo is ngi gwat magam di mikuli da Baˀal, slimiɗ ngi masay naŋhay ati masay naŋhay vuna, i sa susuyumo taŋ ti ruwuy tayna pay avra.