SOFONI 2:11 - Bible en langue guiziga

¹¹ Ya Bumbulvuŋ i sa bugo vu ti himaˀ vur taŋ, i sa vuso kuli ngi si ruwuyoyo ceke, joˀ sukwi ngi mizli mikileŋ kileŋhey gar, a sa hurukom huruk huruk a mbuŋ ɗu, mbur gar a ruwuy naŋ a ruwuy naŋ.

SOFONI 2:11 ပူးပေါင်းရင်းမြစ်များ

ZLI VIRZI 10:5

Mizli mizliɗam hirnga ng'ar maturahay ati li ngi ciki mubuliyey na, i dideˀ taŋhay vuna gar, a lum hirwuyo, avu mi taŋ maɓam di maɓam di, yo avu sukwi taŋ mubo tivi dideˀ purla.

DIMISEY 138:4

Bumbulvuŋ, anja buy madiɗa ngi si ruwuyoyo, a hunumukuw, asi ɓi ka miɓa ɗaˀ le ti balam ɗik na, a cinaka le.

DIMISEY 72:17

Anja slimiɗ ngi buyo, a zil hã ngi sete, anja a ndih asi pasa zlar gar! Anja mizli a ɗuwulam mi ar wala taŋ ti slimiɗ naŋ, yo anja sukwi ngi mizli gar a ɓam, buy madiɗa naŋ ar mumul.

DIMISEY 86:9

Bumbulvuŋ, sukwi ngi mizli, ka miga taŋ gar na, a sa hurukom huruk huruk a mbuŋ ɗiki, a sa gukuw dudok ti zila slimiɗ ɗike.

EZAYI 2:18

Dar kulihey gar a sa susuymom.

EZAYI 2:20

Ti hin nah, kuli mipa ti ɓiri bara ati ɓiri tapasl tapaslay, ɓa a huruk hurukam a mbuŋ taŋ na, mizli a sa hizigaka taŋ da munduwaŋhay ati gujumoy.

EZAYI 42:10

Kum mizli ngi mi mubuliy ati gwat ngi raˀahay gar, kum mizli mikileŋ kileŋ ngir maturahay, zlam dimis nawaya ngi hunuma Bumbulvuŋ. Hunumakaŋ zle ar zli virzi ngi ruwuy.

EZAYI 42:4

N'anta sa hĩhĩy ta, anta sa pula vu naŋ mbak a vus ta, sey da naŋ muɗuva ɓi mikaslsla le asi ruwuyo, yo mizli mikileŋ kileŋhey gar, a sa kutukoko ɓi ngi dubun naŋhaya.»

EZAYI 49:1

Kum mizli mikileŋ kileŋhey, cinaka mingiɓi ɗu ani, kum mizli mizar zaray, jikaka slimiɗe. Bumbulvuŋ a ziliy zle ti taŋ miyikiy t'aruŋ, a zila slimiɗ ɗu zle ti ya misi a kwacay maha aruŋ.

ZEREMI 10:11

Ki sa ɓaka taŋ na: Kuliheye, migaka muŋ ati hirwuy i taŋ ta, sey a susuymoko taŋ asi ruwuyo, waɗ tisi gazlavaya.

ZEREMI 46:25

Bumbulvuŋ misi gidaŋ wãˀ, Buymisemuŋ ngi Israyel a ɓi na: «I wuɗ i ra luuma Amoŋ, kuli Tebese, buy madiɗa ngi Ezipte, yo i ra luuma kulihey ati buy ngi raˀahaya, buy ngi Ezipte ati mizli manjaham hiri vurˀe gar na.

DANIYEL 11:18

Akẽh na, a sa mbiɗa hiri pulaˀ ngir tivi maturahay, a sa tiɓi haɗa asi taŋ. Amma buy pal a sa kiɗa mi ngi zi vu naŋ na, manja naŋ a mbiɗaŋ di.

Ɗerewol OZE 2:17

Ar nah so na, i sa maŋ ti guva ngi gudubun naŋ a muŋ, sozo ngi hiryi a Akor, i sa tiri di miviŋ ngi njaha hiri, a sa mahiri ngi gwat ngi gi naŋhay kaɓa ar hin ngi diili naŋ, kaɓa ar hin ngi naŋ mubo ti Ezipte.

ZOWEL 2:11

Bumbulvuŋ, naŋ ara ɓi ˀay kaˀ a muŋ, a mbuŋ soje naŋhaya. Soje naŋhaya taŋ haɗa teˀe: yo migi gwat, naŋ maɓa ɓi naŋ na, naŋ gidaŋ. Hin ngi Bumbulvuŋ i hin madiɗaŋ, a gi zluwun haɗi wãˀa: mbur maɓusa gu ada kwa?

SOFONI 1:4

Bumbulvuŋ a ɓi: «I sa zuɓa haŋ ng'ar mizli ngi si ruwuy Zuda waɗ ng'ar mizli Zeruzalemey gar. Yo is ngi gwat magam di mikuli da Baˀal, slimiɗ ngi masay naŋhay ati masay naŋhay vuna, i sa susuyumo taŋ ti ruwuy tayna pay avra.

SOFONI 3:9

Akẽh na, i sa ga ɓa ɓi malambaˀ a bo ti balam mizli ta, ɓa taŋ cek a zilam slimiɗ ngi Bumbulvuŋ, ɓa a gikiy mezegwel ti mevel misi purla.

ZAKARI 13:2

Tapasa, i sa kiɗa slimiɗ ngi kulihey asi ruwuyo, anta sa zilaka slimiɗ taŋ mata. Mijiviɗey ati lesl taŋ ngi hirya mbur na, i sa bi di avra tisi ruwuyo. I ya Bumbulvuŋ misi gidaŋ wãˀ maɓi.

ZAKARI 2:11

Kum mizli Zeruzalemey, kum micifahay le hǝrǝk hǝrǝk a Babiloŋ, Sumuɗom, akum le.

ZAKARI 8:20

Ya Bumbulvuŋ misi gidaŋ wãˀa, i ɓi na: «Sukwi mekelemey ati mizli ngir walahay madiɗahay, a sa soko nga Zeruzalem aka.

ZAKARI 8:23

Ya Bumbulvuŋ misi gidaŋ wãˀa, i ɓi na: Angi hin nah na, ziley kuruˀ maɓam mi wal avu ngi cala avu ngi cala na, a sa soko avu mbur Yude, kaw kaw haŋ avu mi ngi zana naŋ, a sa ɓam: «I wuɗam i ram asi ka, asi i cinaka na: Buymisemuŋ naŋ avu kum.»

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

MALASI 1:14

Mbur misi ti ginew mizile mezle ar gezleŋ naŋ, a pula nah mbak murvay. Amma a ɓi ngi vul, yo ngi gi mikuli da ya Bumbulvuŋ i ginew mezle ta na, nis a jaŋ le. Asi yi buy madiɗa, yo slimiɗ ɗu ara ga zluwun da sukwi ngi mizli. I ya Bumbulvuŋ misi gidaŋ wãˀ maɓi.

Slu cuw 32:38

Mizli mazumaka mal ngi gwat migam di mikuli taŋhay waɗ masaka mbaazla ngi kuca li taŋhay tuwa taŋ a maka? Anja a slikiɗoko ɓa a luhukum, yo ɓa a cikam vu a hirnga kumo so ayɗi!

TIMOTE MUDUMBUŊ NAŊ 2:8

Yi wuɗ so na, anja ko amaka gar, mizli mizilehey madiram dibiɗ gar na, a zuɓaka haŋ manja dili paɗ nga muŋ, a diram dibiɗ manja himaˀ, manja tiri.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»