SOFONI 1:5 - Bible en langue guiziga

⁵ Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

SOFONI 1:5 ပူးပေါင်းရင်းမြစ်များ

BUYOY MUDUMBUŊ NAŊ 11:33

Ya masa ga kanah na, asi a pulikiy le, a hurukom huruk huruk a mbuŋ Astarte, kuli mongoso ngi Sidoŋhoy. A hurukom huruk huruk a mbuŋ Kemos, kuli ngi Moˀapay, waɗ a mbuŋ Molok, kuli ngi Amuŋhoy. A sipaka jiviɗ ɗu ya mibiga taŋ di na ta, yo t'anta gam gwat kaslslaka ya mawuɗo ta. Asi mike na, ɓimuɗuva ɗuwoy ati ɓi ngi sirikey ya miɓa taŋ di gar na, ko a jaka taŋ a hirnga kaɓa Davit, cine ngi Salomoŋ na ta.

BUYOY MUDUMBUŊ NAŊ 11:5

Salomoŋ a huruk huruk avu Astarte, kuli mongoso ngi Sidoŋhoy, waɗ avu Milkoŋ, kuli mukuyta wãˀ ngi Amuŋhoy.

BUYOY MUDUMBUŊ NAŊ 18:21

Akẽh na, Eli a kirih nga mbuŋ Israyele gar, a ɓa taŋ: «Kum mambiɗam pulaˀ ti ka, pulaˀ ti ka na, kisa kiɗaka mi nah ɗerre ti vunaka? Da Bumbulvuŋ i Buymisemuŋ gisiŋ na, huruk hurukam a mbuŋ naŋ, yo da i Baˀal kwana, huruk hurukam a mbuŋ naŋ so!» Amma mizli Israyeleye, ko a mbiɗakaŋ mi pal ta.

BUYOY MUCUW NAŊ 17:32

Bam ti nah gar na, taŋ gar taŋ ara huruk hurukam a mbuŋ Buymisemuŋ ma si. A wunam masayay a wuzla taŋ ɓa ngi gi mikuli da kuli taŋhay ar hay ngir li miɗingir ɗingireye.

BUYOY MUCUW NAŊ 17:33

Gar ti taŋ mahuruk hurukam a mbuŋ Buymisemuŋ na kwana, ara huruk hurukam a mbuŋ kuli taŋhayakaɓa sirik ngi sukwi ngi mizli, taŋ mujoko taŋ baɗ a diga na.

BUYOY MUCUW NAŊ 17:41

Naŋ kine, sukwi tayna, ara huruk hurukam a mbuŋ Buymisemuŋ, yo ara huruk hurukam a mbuŋ kuli taŋhaya ma. A dirba taŋ kwana, ziri taŋhay ati dideˀ taŋhaya, a gam di i gwat mupurlaka nga taŋ vuna ya, hã a ndilo dana.

BUYOY MUCUW NAŊ 23:12

Buy Zudahay a ɗiyam li gi mikulihey le zleˀe a hirngi hay ngi Ahas, gbale. Yo mekelemeye, i buy Manase miɗiya taŋ a wazlarayay cuw taŋ angi hay ngi Bumbulvuŋ. Tayna gar na, buy a waha taŋ avra nguɓoc nguɓoc kuɗ kuɗ, dar ara pa murɓuk taŋ ng'ar sozo a Kedroŋ.

EZAYI 22:1

Tila mi vur hurjijiŋ mupura ti kleŋ. Zeruzalem, mizli ɗikey a jiɗam gar nga hirnga viŋ na, i mi migi ka?

EZAYI 44:5

Mbur mekelem a sa ɓi: ‹Yi mbur ngi Bumbulvuŋ›, mbur numuŋ, a sa cakaŋ slimiɗ ngi Zakopo. Mbur mekeleme ma na, a sa toho toh toh a hur haŋ naŋ: ‹Yi ngi Bumbulvuŋ›, yo a sa zila slimiɗ naŋ Israyel.»

EZAYI 45:23

Ya Buymisemuŋ vuna, i hudum le ti hirnga ɗu, mabo ti balam ɗu i ɓi mijeŋŋe, i mingiɓi mambiɗi ta wãˀ. I ɓi na: «Mizli gar a sa huruk hurukam ti miliwis a mbuŋ ɗu, a sa hudumom ti slimiɗ ɗu.

EZAYI 48:1

Kum mizli ngi Zakopoy, cinam ayɗi. Ki zilaka vu kumo Israyeley, ki boko tir tizer ngi Zuda, ki hudumom ti slimiɗ nga ya Bumbulvuŋ, yo ki hunumikiy ya Buymisemuŋ ngi Israyele, amma ki gaka njah kuy kuy ta, ki gaka ti jiviɗ mikaslsla ta.

ZEREMI 12:16

Da a dubunaka gi gwata le kuy kuy kaɓa mizli ɗuwoy, yo da ara hudumom ti slimiɗ ɗu, a ɓam: «Hadam ti slimiɗ ngi Bumbulvuŋ misi ti siifa!» kaɓa taŋ mudubunaka hudum ti slimiɗ ngi Baˀal zleˀe da mizli ɗuwoy na, naɓa a sa cifam ti hay taŋhay a wuzla mizli ɗuwoyo.

ZEREMI 19:13

Hay misi dili ngi Zeruzalemey ati ngi buy Zudahaya, a sa tiram kaɓa li ngi Tofet. Naŋ kanah, waɗ gbale tayna gar, mawuram gwat taŋ mavulaka taŋ da gwat ngi muŋhoy a hirnga taŋ, yo mapuslam kulihey ara na gar.

ZEREMI 32:29

Mizli Babiloŋhoy masa zlaka kiɗa vu ati walahaya, a sa cam, a ɗuvaka vu div div da walahaya, a wuraka jom ati hayay misi mawuram gwat ngi vul taŋhay da Baˀal ar taŋ, yo mapuslam mbaazla da kulihey ar taŋ ngi jiy mevel na.

ZEREMI 4:2

Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

ZEREMI 49:1

Bumbulvuŋ a ɓi vur Amoŋhoyo na: Israyele naŋ anta ti ziri mizileheye mata kwa? Mbur ngi zuma hay naŋ anta kwa? Na i kuli Milkom mazuma hirwuy Gata vur mike? Yo i mizli naŋhay macifam ar walahay naŋhaya vur mike?

ZEREMI 5:2

«Ko da mizli ara hudumom, a ɓam: «I hudum le ti Bumbulvuŋ misi ti siifa» na, i ngataraŋ.

ZEREMI 5:7

«Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

ZEREMI 7:10

A dirba nah, ki soko nga mbuŋ ɗu, ar hay misenna matilam mi ti slimiɗ ɗu ara na, ki ɓam: «I laham le!» Dar ki gaka gwat malambaˀ muwãˀ tayna tuwaˀ ti vendeke zuy sukwa?

ZEREMI 7:9

Ki hulom, ki kiɗam hirnga, ki gam madama, ki hudumom ti slir, ki gam mikuli mizlam zlam da Baˀal, ki sipam kulihey misi majunukum gu ko neˀ ta, ki gam kahana zuyo si sukwa?

ZEREMI 8:2

A sa njikaka taŋ ar pas, ar kiya waɗ wurzlaŋhay taŋ muwuɗam taŋ zleˀe, mihuruk hurukam a mbuŋ taŋ, misipaka taŋ, mucufuɗam ɓihey avu taŋ, waɗ taŋ muhurkom a mbuŋ taŋ zleˀe na. Anta sa guɗumaka tesl tayna, ɓa a dikaka taŋ a muŋ ta, a sa ndiram ɓaˀ ɓaˀ avra ngi zãˀã li ngi guva.

Ɗerewol OZE 10:2

Mevel ngi Israyeley i malambaˀa, wurenna, a sa wurkaka malambaˀ taŋ na: Bumbulvuŋ ti haŋ naŋ, a sa mbizla li gi mikuli taŋhaya, yo a sa waha ɗugur taŋ ngi kuliheye.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

AMOS 5:26

Amma ki jijirama i Sikut, buy kum, waɗ Kewaŋ, foto ngi kuli kumoy, kuli wurzlaŋ kum, kum miciɗaka ti ciɗ na takwa?

Matiye 6:24

«Ko mbur purla magi gawla ngi buyoy cuw gu anta. Malla a sa hirsa numuŋ, a sa wuɗ mekeleme, malla ta na, a sa gumbuˀ ng'avi pal numuŋ, a sa zirɗa mi ngi mekeleme. Bumbulvuŋ ati zlili, ki cifam gawla taŋ cuw taŋ gu ta.

SLRA 10:9

Li naŋ muwuno, naɓa taŋ a jiviɗi, taŋ gweˀ avu walahaya, Piyer a jiɗ le nga hirnga gbale, ɓa a dir dibiɗi, a gi ng'avi pas deŋ gu.

ROMAHAY 14:11

Asi a tohoko na: «Buymisemuŋ a ɓi: Kaɓa ya misi ti siifa gisiŋ na, mizli gar a sa dilkam a mbuŋ ɗu, yo mbur gar a sa ɓa njah ti mi naŋ: Buymisemuŋ, naŋ ti dudoko.»

Slu cuw 10:20

Zluwunam ti Bumbulvuŋ Buymisemuŋ kumo, huruk hurukam a mbuŋ naŋ, hinam mevel aseˀe tewle, yo kisa hudumomo, sey ti slimiɗ naŋ.

Slu cuw 4:19

Pas, kiya, wurzlaŋhay ati gwat ngi muŋ mekelemeye, da ko ka muzuɓa hiri le nga muŋ ɓa ki singila taŋ na, anja a hizigiɗukuw, ɓa ki huruk huruk a mbuŋ taŋ ta, ki ga taŋ mezegwel ta ma. Asi gwat tayna, Bumbulvuŋ Buymisemuŋ kum, a vula taŋ le da sukwi mekelemey misi asi gazlavay kurzluˀ gar.

ZOZUWE 23:7

Sukwi ngi mizli tayna mindiram a wuzla kumo aruŋ na, ko ki jumom ati taŋ ta. Ko ki zilaka slimiɗ ngi kuli taŋhay na avu mi kumo ta. Ki hudumom ti kuli taŋ tayna ta. Ki gaka taŋ mezegwel ta, yo ki hurkom a mbuŋ taŋ ta ma kini.