SOFONI 1:3 - Bible en langue guiziga

³ I sa ngizla mizli ati gineweye, ɗiyuwoy maslikiɗam a muŋ ati kilif ngir yamaya. Mizli misi moˀoreheye, i sa ngizla taŋ ati gwat ngi gi taŋ ngi hizigiɗa mizli ng'ar mungra na. I sa susuyumo mizli tisi ruwuyo leɗeɗ avra. I ya Bumbulvuŋ maɓi.

SOFONI 1:3 ပူးပေါင်းရင်းမြစ်များ

ZLI VIRZI 6:7

Dar a ɓi: «Sey i ngizla mizli ya miga taŋ na, leɗeɗ wãˀ asi ruwuyo, waɗ gwat misi titiri mimeɗ meɗ ati madiɗahay, ko ɗiyuwoy. Asi yi ra zil marava vur ya miga taŋ na.»

EZAYI 27:9

Yo mungra madiɗa ngi mizli Israyeleye, a sa susuyum kanah ya. Yo migir ngi pula mungra taŋhaya, n'ani: a sa wahaka ɗugur ngir li gi mikuliheye cek, kaɓa mawaham burkoɗok ngi kur da gwata, kuli ɓamtalay ati li wura ˀurdiheye, anta sa ng'aka taŋ mata.

EZAYI 6:11

Yi cufuɗaŋ so: «Ɓa hã tuvunaka Bumbulvuŋ?» A mbiɗiy di: «Sey walahayay a ngizlam kap kap, a ndiram manja mizli, hayay a tiram njoŋ njoŋ, hirwuy a tiri daŋ daŋ manja mizli.»

EZAYI 6:12

Bumbulvuŋ a sa zliɗa mizli kileŋ, avu ruwuy taŋ, li manja hufoy a sa ndiram haɗa asi ruwuyo.

ZEREMI 12:4

Hirwuy ara tuwuy vagay, yo giziŋ ngi ɓuh gar a ro hiikom. Na a sa kiɗ mi, hã ti vunaka? Gwat misãmi ngi ɓuhoy ara ngizlam, asi moˀore ngi mizli ngi ruwuy tayna, taŋ a ɓam na: «Gwat ndra magaka na, Buymisemuŋ anta pura ta.»

ZEREMI 50:3

Haˀaw, sukwi ngi mizli vay muŋhoy, ara soko ngi so lumaŋ, i sukwi ngi mizli masa tiram ti hirwuy naŋ cay daŋ daŋ, ko mbur masa ru nga cifi ti hay a diga anta: mizli titirahay, ginewey, gwatay gar a kilam le, ko gwat masa ndir anga anta mata!

ZEREMI 7:20

Ya Bumbulvuŋ Buymisemuŋ i ɓi na: «Na mbak ɗagay so, ji mevel ɗu, himaˀ ɗu mufõh fõh ka vu na, i vunaha ng'ar li hana, ng'ar mizli ati gwat misãmiheye, ng'ar widis ngi ɓuhoy ati gwat ngi migamay, a sa wura taŋ kaɓa vu, ko anta muc pam le ta.»

ZEREMI 9:10

I tiri ti Zeruzaleme le i ɗugur zikitiŋ, hay ngi sunduhoy, yo walahay Zudahaya, i tiri taŋ le daŋ daŋ, ko mbur loŋ anta angi taŋ mata.

EZEKIYEL 44:12

Asi a gam slra misi kahana le ti taŋ mihuruk hurukam a mbuŋ kulihey, yo a caka Israyeleye le ar mungra. Vurˀe, i sa hudumvur taŋ haŋ paɗ a muŋ, a sa jijiraka zayɓi ngi mungra taŋ. I ya Bumbulvuŋ Buymisemuŋ maɓi.

EZEKIYEL 7:19

A sa zliɗaka ɓiri bara taŋhay a jiviɗ madiɗahay, ɓiri tapasl tapasl taŋhay a sa tiram avu taŋ i gwat ngi zliɗ ar kitikil. Asi mike na, ar hin ngi Bumbulvuŋ, ko ɓiri bara taŋhay, malla ɓiri tapasl tapasl taŋhay anta laha taŋ ta. Tˀanta sa mbam ta, kwacay taŋhay anta sa naham ta. Asi mike, mungra taŋ a so ti vu ɓiri tapasl tapasl ati ɓiri bara vuna.

Ɗerewol OZE 14:3

Moko ng'avu Bumbulvuŋ, ɓakaŋ: «Gwat malambaˀ ndra migaka gar na, puya ndra taŋ avra, gwat mezle ndrahay na, tiɓa taŋ. Ar deɗe ngi mikuli ti gusoŋhoy na, ndr'i vulukuw mingiɓi ngi balam ndra.

Ɗerewol OZE 14:8

Mizli mipam zleˀe a susuɗuk naŋ, a sa moko a muŋ, a sa hufam alkamari, a sa sikam kaɓa gudubun, yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.

Ɗerewol OZE 4:3

Yo ma na, ruwuy a ndir le ɗoɗok, mizli ngi rahay gar a roko hĩhĩyãm, jom ti gwat misahmi ngi ɓuhoy ati ɗiyuwoyo. Kilif ngi si yamay kwana, a sa ngizlam kap aya.»

ZAKARI 13:2

Tapasa, i sa kiɗa slimiɗ ngi kulihey asi ruwuyo, anta sa zilaka slimiɗ taŋ mata. Mijiviɗey ati lesl taŋ ngi hirya mbur na, i sa bi di avra tisi ruwuyo. I ya Bumbulvuŋ misi gidaŋ wãˀ maɓi.

Matiye 13:41

Mangal ngi mbur a sa slino modro naŋhay. Mizli magam gwat ngi hizigiɗa mizli ng'ar mungra ati migi mungrahay gar na, a sa cikilaka taŋ, a sa bam taŋ avra tir Zumabuy naŋ,

Matiye 23:39

Vurˀe, yi ɓukum na: Zle wurenna, kum anta sa purikiy mata hã tapas kum masa ɓam: «Anja Bumbulvuŋ a ɗuwula mi da mbur maso ti slimiɗ naŋ na.»

ƁIMUNJUYO 2:14

Amma i wuɗ i mbuɗuw hirnga neˀe: mizli madubunam ɓi ngi Balaˀam na, ada a hay ɗike. Balaˀam nah na, a pa mi da Balaka, ɓa a gi gwat ngi hizigiɗa Israyeleye, ɓa a zumam ˀuse ngi kulihey, yo ɓa a gam sulome.