Slu cuw 7:8 - Bible en langue guiziga

⁸ Amma Bumbulvuŋ a wuɗukum ti wuɗu, a gi di i gwat naŋ miɓa ti hudum a mbuŋ dideˀ kumoy tuwa. Vurˀe, a bo ti kum tir beke baɗ ti hirwuy Ezipte, ti gidaŋ nga naŋ mihaɗa na. A mbuɗo hirnga kumo tivi gidaŋ ngi buy madiɗa ngi Ezipte.

Slu cuw 7:8 ပူးပေါင်းရင်းမြစ်များ

ZLI VIRZI 19:16

A puraka na, Lot ara zum vu aruŋ, modro mucuwoy tuwa, a ɗiɗaka kaw avu haŋ waɗ ngwas naŋ ati ziri mongoso naŋhay mucuw tuwa, asi Bumbulvuŋ a puraŋ ircece le, a bo di tir walahay ng'avra.

ZLI VIRZI 19:29

Dambalaka, ti Buymisemuŋ maziza walahay ngir li tayna, misi Lot ara na, ara wulka Abrahama keŋŋe, a ɗiɗo Loto ti wuzla bonoyo ng'avra.

SAMUYEL MUCUW NAŊ 22:20

A bo ti ya le, yo a vuliy luuma hirnga ɗu le, a lihiy na, asi naŋ mawuɗ ya.

BUYOY MUDUMBUŊ NAŊ 10:9

Bumbulvuŋ, Buymisemuŋ ɗik, muwunuw ɓa ki zum buy ar Israyeley na, sey i gakaŋ sise. Bumbulvuŋ mucufuw ki buy, ɓa ki zum buy ti jiviɗ mikaslsla, jeŋŋe na, asi ara wuɗ Israyeleye, hã ti vunaka gar.»

ƁI NGI HIN GAR MUDUMBUŊ NAŊ 16:16

I jumoˀay naŋ ati Abraham. A mahiri naŋ ti hudum da Izak.

ƁI NGI HINEY MUCUW NAŊ 9:8

Bumbulvuŋ Buymisemuŋ ɗik, mucufuw ar janga naŋ ngi buy, ɓa ki zum buy ngi gaŋ slra naŋ na, sise nga naŋ! Buymisemuŋ micifi ti ka buy ar Israyeley, ɓa ki zum buy ti jiviɗ mikaslsla, jeŋŋe na, asi ara wuɗ taŋ, ɓa a ndiram ko ti vunaka gar.»

DIMISEY 105:42

Mingiɓi naŋ mipal, naŋ miɓa ɗaˀ le zleˀe da gawla naŋ Abraham na, naŋ da keŋŋe a hirnga naŋ.

DIMISEY 44:3

Ka ti haŋ ɗike, ki ɓula sukwi ngi mizli ɓak le avra ɗagay, ɓa ngi cifa dideˀ ndrahay ar li taŋ. Ki ziza sukwi ngi mizli kap kap ɗagay, ɓa a pulaka li da sukwi ngi mizli ɗikeye.

DIMISEY 44:4

Dideˀ ndrahay mitiɓaka hirwuyo da taŋ na, anta ti maslalam taŋhaya ta, yo i haŋ taŋ muluma taŋ bugawla ta ma. Amma i gidaŋ ngi haŋ ɗik ati hiri ɗik mitaˀ ar taŋ na, muluma taŋ di, asi ki ra wuɗ taŋ.

BI NGI ISRAYELEY 13:14

Tumbuŋ, da ziri kumoy a sa cufuɗukum le: ‹A gaka kanah vur mike› na, kisa ɓaka taŋ: ‹Bumbulvuŋ a bo ti ndra tir beke a Ezipte mbele khirba, zla naŋ migidaŋ.›

BI NGI ISRAYELEY 13:3

Moyis a ɓa mizli: «Hin kum muboko di tir beke ti hirwuy Ezipte na, anja i wulkam anga, asi Bumbulvuŋ mubo ti kum ti diga na, ti gidaŋ naŋ. Da ki ra gaka muguzlum nah na, ki zumaka ɗaf misi ˀis ara ta.

BI NGI ISRAYELEY 20:2

I ya Bumbulvuŋ Buymisemuŋ ɗik, mubo ti ka tir beke a hirwuy Ezipte.

BI NGI ISRAYELEY 32:13

Wuluk ar gawla ɗikey Abraham, Izak waɗ Zakop na kwaɗay ayɗi, ki hudum le a mbuŋ taŋ ti slimiɗ ɗik tehhe a muŋ, ki ɓi na: I sa ga ɓa dideˀ kumoy a yam haɗi kaɓa wurzlaŋhay a muŋ. Hirwuy ya miɓa ɗaˀ le, i sa vula taŋ di tuwa, a sa ndir wãˀ da taŋ.»

BI NGI ISRAYELEY 6:6

Vurˀe, ɓa Israyeleye na: Bumbulvuŋ i ya. Slra mitakˀay ngi hirwuy Ezipte na, i sa bi ti kum ti raˀa avra. I sa loho kum tir gi beke, taŋ magam ti kumo, i sa tuɓo kum ti gidaŋ ɗu mihaɗa na.

EZAYI 43:4

Asi mike na, kum puɗaw haɗa a mihiri ɗu, kum ɗongor, yo i ra wuɗukum. Vurˀe, i vul sukwi ngi mizli taˀ ar deɗe kumo, zigiduw taˀ ngi mbiɗa hirnga kumo.

EZAYI 63:9

Ti taŋ misi ar bonoy taŋ gar na, ko a slin mbur ti slin nga jina taŋ ta, amma i naŋ vuna ti hirnga naŋ mira laha taŋ. I naŋ ti haŋ naŋ mumbuɗo hirnga taŋ, vur hin gar, diga zlezle na, a jina taŋ le, yo a zuɓa taŋ le gumbuˀ gumbuˀ a haŋ, vur ara wuɗ taŋ, yo ara pura taŋ ircece.

ZEREMI 31:3

A sa ɓi: ‹Bumbulvuŋ a bigiy vu le deŋ kileŋ.› Joˀ yi mbiɗaŋ di: ‹Yi ra wuɗ ka zle misi ngadana ta, yo ma na, ya maɗuɗo ka ng'avi ya na, asi ki ngama ɗu.

EZEKIYEL 36:22

Vurˀe, ɓa Israyeleye: Ya Bumbulvuŋ, Buymisemuŋ i ɓi na: Kum Israyeley, ya magi na vur kum ta, amma i gi vur slimiɗ ɗu mipal, kum mihiryaka a wuzla sukwi mekelemey, kum miram a wuzla taŋ na.

MISE 6:4

I girukum ti ya mubo ti kum ti ruwuy Ezipte na kwa? Ti ya mumbuɗu hirnga kum tir beke na kwa? Ti ya muslinukum Moyis, Aroŋ waɗ Miriyam, ɓa a ndiram i mijigin kumoy na kwa?

MISE 7:20

Ki sa gi teŋteŋ avu dideˀ ngi Zakopoy, waɗ kisa pura dideˀ ngi Abrahama ti hiri mezle. Ka muhudum zleˀe avu dideˀ ndrahay, zle misi ngadana ta tuwa na, hana i nah so.

SOFONI 3:17

Bumbulvuŋ Buymisemuŋ ɗike, naŋ da ati ka. N'ada ti gidaŋ naŋ, ti bugawla naŋ. A ra mumul vur ka, naŋ mawuɗ ka na, ara vuluw siifa nawayaŋ. A ra zluzluɓ, yo ara ji salalay vur ka.»

MALASI 1:2

Bumbulvuŋ a ɓi na: «I ra wuɗukum», amma kumo, ki ɓam: «Mabiga ki ra wuɗa ndra vuna i mike?» Bumbulvuŋ a mbiɗa taŋ di: «Esaw i sukum ngi Zakop takwa? Amma yi wuɗ di i Zakop. I ya Bumbulvuŋ maɓi.

Matiye 11:26

Haˀaw Baha, ki hĩyã le ɓa a gi kahana.

Ɓimezle ngi Yesu Kristu LUK mitil di mi 1:55

ka naŋ miɓa ɗaˀ le zleˀe da dideˀ ndrahay, da Abraham ati dideˀ naŋhay hã ngi sete.»

ROMAHAY 11:28

Avu Ɓimezle na, Yudehey a tiram mesene ngi Buymisemuŋ le. Hana i gwat mukuy vur kum. Amma avu Buymisemuŋ mawuna mizli so na, taŋ i mizli Buymisemuŋ mawuɗ taŋ, tisi dideˀ taŋhay.

Slu cuw 1:8

Puraka, yi vulukum hirwuy nah le. A ram, ara pam araŋ, i hirwuy ya Bumbulvuŋ miɓa ɗaˀ le da dideˀ kumoy, Abraham, Izak waɗ Zakop ati ziri taŋhay nga mbuŋ tuwa.»

Slu cuw 10:15

Ti zlezle na, Bumbulvuŋ mujum ati mizli ɓa a wuɗ taŋ na, ati cine kumoy, yo a dirba taŋ kwana, i kum dideˀ taŋhay, a wunukum a wuzla sukwi ngi mizli gar, kaɓa kum mapuraka dana ani na.

Slu cuw 23:6

Amma Bumbulvuŋ Buymisemuŋ kum, a ngum cine ɓi ngi Balaˀama ta. Bumbulvuŋ Buymisemuŋ kumo a mbuɗukum nise ti ɗuwula mi na, asi naŋ mawuɗ kum.

Slu cuw 33:3

Haˀaw, Bumbulvuŋ a wuɗ sukwi Israyele, mizli nga naŋhay cek taŋ asi haŋ naŋ. A cikilam le cek asi sar naŋ, ara dubuna taŋ gwat.

Slu cuw 4:20

Amma kumo, Bumbulvuŋ a hilo kum, a bo ti kum ti ruwuy Ezipte, hirwuy misi bonoy haɗi ara, ɓa ki tiram mizli nga naŋhay, kaɓa kum misi ani dana na.

Slu cuw 4:34

Malla kuli muguf ɗaˀ ngi tuɓo mizli naŋhaya, tisi haŋ ngi mesene taŋhay ti ga taŋ bonoy, ti gi cekenehey ati gwat migam ɗaˀ tahay, ti gi vurum, ti haŋ naŋ migidaŋ, ti hirbazla paɗ a muŋ, ti gi zluwun haɗi da mizli, kaɓa Bumbulvuŋ Buymisemuŋ kumo mgukum di, mur kum a Ezipte na, ki puram le ɗaˀ kwa?

Slu cuw 4:37

Bumbulvuŋ a wuɗ dideˀ kumoyo le, vurˀe, a wunukum, kum ziri taŋhay a dirba taŋ na, aseˀe. Yo naŋ vuna ti haŋ naŋ, a bo ti kum tisi ruwuy Ezipte ti gidaŋ naŋ mihaɗa na.

Slu cuw 5:6

«I ya Bumbulvuŋ Buymisemuŋ ɗik mubo ti ka tir beke baɗ ti ruwuy Ezipte.

ZAŊ MUDUMBUŊ NAŊ 4:19

Ndra, ndra mawuɗam vu na, asi Buymisemuŋ a wuɗ ndra le dumbuŋ.

SAMUYEL MUDUMBUŊ NAŊ 12:22

Buymisemuŋ naŋ anta sa pulukum ta, asi muwuɗ tiri ti kum sukwi naŋ na i naŋ vuna, vurˀe, slimiɗ naŋ mupuɗaw haɗa na, naŋ anta hirya ta.