Slu cuw 7:5 - Bible en langue guiziga

⁵ Amma gwat kum masa gaka da sukwi ngi mizli tayna, ani jaka: Ki sa mbizlaka li gi mikuli taŋhaya, kisa wahaka ɗugur taŋhay mikaˀ kaˀa, kuli taŋ ɓamtalaya, kisa wahaka taŋ, kuli taŋ miciɗa ti ciɗeye, kisa wuraka taŋ,

Slu cuw 7:5 ပူးပေါင်းရင်းမြစ်များ

BUYOY MUCUW NAŊ 10:26

A bam ti ɓamtal ngi Baˀalaya ng'avra, a zlizliraka taŋ.

ƁI NGI HIN GAR MUDUMBUŊ NAŊ 14:12

Filistihey mikilam tuwa, a pulaka kuli taŋ miciɗa ti ciɗey akẽh. Davit a ɓi ɓa a wuraka taŋ.

ƁI NGI HINEY MUCUW NAŊ 14:3

A ɓa Zudahaya, ɓa a sipam Bumbulvuŋ Buymisemuŋ ngi dideˀ taŋhay, yo ɓa a gam slra ti ɓimujuwa ati ɓimuɗuvahaya.

BI NGI ISRAYELEY 23:24

Ko ki huruk hurukam a mbuŋ kuli taŋhay na ta, yo ko ki gaka taŋ mezegweley ta, ki gaka gwata kaɓa nga taŋ na ta. Amma kuli taŋ tayna mindira ti ndir ati miciɗa ti ciɗey na, wahaka taŋ avra jaka.

BI NGI ISRAYELEY 32:20

A zuɓa zuŋ sla taŋ mipaka ti pi ar vu tuwa, a hiziga ng'ar vu, a musukuɗo kuɗ kuɗu, a futo fut fut ar yam, a vula da Israyeley a sakaŋ.

BI NGI ISRAYELEY 34:13

Amma wahaka li gi mikuli taŋhay ati ɗugur taŋhay mikaˀ kaˀhaya, yo bukoko kuli ɓamtal taŋhay avra.

EZAYI 17:8

Li ngi gi mikulihey, taŋ miɗiyaka taŋ ti haŋ taŋ na, t'anta sa ɗuvam hiri avu taŋ mata. Kuli ɓamtalay ati li wura ˀurdihey, taŋ miɗiyaka taŋ ti haŋ taŋ na, t'anta sa ɗuvam hiri avu taŋ mata.

LEVIHEY 26:1

Ki ɗiyam kulihey ta, ki ngam kuli dum malla ɗugur ɓa ki huruk hurukam a mbuŋ taŋ ta, yo angi hirwuy kumo, ki ngam ɗugur miciɗa ti ciɗ, ɓa ki huruk hurukam a mbuŋ naŋ ta. Asi mike na, yi Bumbulvuŋ, Buymisemuŋ kum.

SLUFA VU 33:52

mizli ngisi ruwuy tayna, kisa ɓulaka taŋ a mbuŋ kumo avra gar, gwat miciɗa ngi ɗuguroy gar malla ɓiri mipa ti pihey gar na, kisa wahaka taŋ avra, yo kisa susuyumoko li miɗingir ngi gi kuli taŋhaya gar.

Slu cuw 16:21

Moyis a ɓi: Li gi mikuli kum masa ndiraka da Bumbulvuŋ Buymisemuŋ kumo na, ki ngam kuli ɓamtal malla kuli dum a cikeˀe ta.

Slu cuw 16:22

Kuli ɗugur Bumbulvuŋ mahirsa na, ki ngam kaˀ le vur hirnga kumo ta.

Slu cuw 7:25

Akẽh na, kuli taŋhay miciɗa ti ciɗey na, kisa wuraka taŋ. Anja ki pulaka vu kum da may gwat, ɓa zana taŋ ngi ɓiri tapasl tapaslay malla ngi ɓiri barahay na, ki pulaka taŋ da kum ta. Naɓa i mungra mukuyta wãˀ avu Bumbulvuŋ Buymisemuŋ kumo.

Slu cuw 9:21

Yi zuɓa zuŋ sla kum miɗiyaka tuwa, i slra mabigi mungra kum, i ka le ng'ar vu, i waha meɗ meɗ, i musukuɗo kuɗ kuɗ, i tiri di murɓuk, i ra pa murɓuk nah nga mizaw mapo sar ti muwã.