Slu cuw 6:3 - Bible en langue guiziga

³ Israyeley, cinaka ɓimuɗuvahaya, yo wam vu, ɓa ki gam taŋ slra. Naɓa kisa ndiram ar wuya, kisa sikam haɗi angi hirwuy misi ɗuwa ati mam maɓulom anga na, kaɓa Bumbulvuŋ, Buymisemuŋ ngi dideˀ kumoy muɓukum di ɗaˀ le tuwa.

Slu cuw 6:3 ပူးပေါင်းရင်းမြစ်များ

ZLI VIRZI 12:2

I sa tiri tika dideˀ ngi sukwi madiɗaŋ, i sa ɗuwuluw mi, yo i sa ga ɓa slimiɗ ɗik a zil haɗa. Mizli a sa lumam ɗuwula tisi ka.

ZLI VIRZI 13:16

I sa ga ɓa dideˀ ɗikey a sikam haɗi kaɓa murɓuk ngi ruwuy. Da mbur a slufa murɓuk ngi ruwuyo gu na, naɓa a sa slufa dideˀ ɗikeye gu ya.

ZLI VIRZI 15:5

A bo ti Abrama ng'avra, a ɓaŋ: «Singila muŋ, slufa wurzlaŋhay na, da ki slufa taŋ gu kwani.» Dar a ɓaŋ ma: «Dideˀ ɗikey a sa jam haɗi kahana ya.»

ZLI VIRZI 22:17

i ɗuwuluw mi gisiŋ gisiŋ, i sa ga ɓa dideˀ ɗikey a gam haɗi kaɓa wurzlaŋ ngi muŋhoy, yo kaɓa muyuŋ a mi mubuliy. Dideˀ ɗikey a sa tiɓaka hirwuyo avu mesene taŋhaya.

ZLI VIRZI 26:4

I sa ska dideˀ ɗikeye haɗi kaɓa wurzlaŋ ngi muŋhoy, yo i sa vula taŋ ruwuy hana gar da taŋ. I sa ɗuwula mi da sukwi ngi mizli ngi ruwuyoy gar tisi taŋ.

ZLI VIRZI 28:14

Dideˀ ɗikey a sa tiram haɗi kaɓa murɓuk a ruwuy. Ki sa ndahaka hirwuyo ng'asi pas ngi pastaˀ, ng'asi pas ngi miprik, ngir ti vay muŋ waɗ ngir ti vay ruwuy. I sa ɗuwula mi da sukwi ngi mizli ngisi ruwuyoy gar tisi ka ati dideˀ ɗikeye.

DIMISEY 119:4

Buymisemuŋ, gwat ka mawuɗo, ki biga le, ɓa mizli a kam slimiɗ ara kuy kuy.

BI NGI ISRAYELEY 1:7

Israyeley ara yam haɗi, ziri taŋhay ara sikam fineˀ gidaŋ, a lumam gidaŋ nga mbuŋ nga mbuŋ: a nahaka hirwuyo wãˀ.

BI NGI ISRAYELEY 3:17

Yo yi ɓi: I sa bi ti kum tir bonoy kum a Ezipte na nga hirwuy ngi Kanaˀanay, Hitihey, Amorihey, perizihey, Hivihey ati Zebusihey misi araŋ, nga hirwuy misi ɗuwa ati mam maɓulom araŋ.

BI NGI ISRAYELEY 3:6

Buymisemuŋ a ɓaŋ: «Yi Buymisemuŋ ngi dideˀ ɗikey, Abraham, Izak, waɗ Zakop.» Moyis a sirta hiri sirit, asi a zluwun ti Buymisemuŋ.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

TILA MI 8:12

Mbur migi mungra, anja a ga mungra naŋ na makaw skata, yo ara kiraha hin ngi siifa naŋ nga mbuŋ gu, amma yi si na le, masa mumulomo, «i mizli mazluwunam ti Buymisemuŋ, vur t'ada ti zluwun a mihiri naŋ.

EZAYI 3:10

Kum ɓam: mbur mijeŋŋe ara mumul, asi hiri a sa ciraŋ ti gwat ngi gi naŋ.

ZEREMI 42:6

Da ko ɓi naŋ, a cira ndra hiri le, ko a cira ndra hiri ta kwana, i sa cinaka mi ngi Bumbulvuŋ Buymisemuŋ ndra, ndra mislinukuw ng'ava na, gwat gar a sa cuh kuy avu ndra, asi ndra micinaka mi ngi Bumbulvuŋ Buymisemuŋ ndra na.

ZEREMI 7:23

Gwat ya mucufuɗ avu t'ani tewle: «Cinikiy mingiɓi ɗu, ɓa i sa tiri Buymisemuŋ kum, kumo kwana, kisa tiram mizli ɗuwoy, sipaka jiviɗ ɗu kasl kasl, ɓa kisa mumulom.»

SLRA 7:17

«Ɓi Buymisemuŋ miɓa ɗaˀ le da Abraham zleˀe tuwa, gwat naŋ a wuɗ ɓa gi muduba so. Hin naŋ mindilo gweˀ ɓa a gi na, Israyeley a jam, a sikam haɗi a Ezipte,

Slu cuw 11:9

ɓa hutuŋ kumo a sa ndir subur asi hirwuy Bumbulvuŋ miɓi ti hudum, da dideˀ kumoy a sa vula taŋ di waɗ da dideˀ taŋhay nga mbuŋ na, i hirwuy misi ɗuwa ati mam ara ɓulam ara.

Slu cuw 26:15

Puro hiri ti muŋ, tir li cifi ɗik mihĩˀĩ, tir birngiŋ, ɗuwula mi da Israyel mizli ɗikeye, waɗ da hirwuy ka muvula ndra di, ka miɓa ti hudum da dideˀ ndrahay na. I hirwuy misi ɗuwa ati mam maɓulom ara.»

Slu cuw 26:9

A kiso ndra hã sesẽŋ aka, a vula ndra hirwuy misi ɗuwa ati mam maɓulom anga hana.

Slu cuw 27:3

Kum mutuwuɗaka Zurdeŋ le si na, ki tohoko mingiɓi ngir ɓimujuwahaya cek ar ɗuguroy tuwa. Naɓa kisa cam nga hirwuy misi ɗuwa ati mam maɓulom anga, hirwuy Bumbulvuŋ Buymisemuŋ kumo miɓa ɗaˀ le zleˀe da dideˀ kumoy tuwa.

Slu cuw 31:20

Naŋ kine, yi sa ci ti mizli tayna nga hirwuy misi ɗuwa ati mam ara ɓulom a ra, hirwuy ya miɓa ti hudum da dideˀ taŋhay tuwa. Adiga, a sa zumam ka taŋ mawuɗam, a zlumburam. A dirba nah, a sa mbiɗam hiri ng'avu kulihey, a gaka gwat kulihey mawuɗama. A sa hirsikiy ya, a sa ngilaka jumoˀay ɗu ati taŋ.

Slu cuw 4:40

Ɓimujuwa ati ɓimuɗuva naŋhay, ya maslufukum taŋ dana ani na, gam taŋ slra, ɓa kum vuna ati dideˀ kumoy nga mbuŋ, kisa mumulom haɗi, yo kisa ndiram hutuŋ subur, a hirwuy Bumbulvuŋ muvulukum di ngi set na.

Slu cuw 4:6

Da ki ra jaka taŋ a hirnga, yo ki ra gam taŋ slra na, masa vulukum sinmijileŋ ati lesl i nah.» Mizli misa cinaka ɓimuɗuva tayna le cek na, a sa ɓam: «Sukwi madiɗa hana, sinmijileŋ ava haɗi, lesl ava haɗi!»

Slu cuw 8:8

I hirwuy magi gwat: alkamari, daw giziŋ, gudubun, uruf, hunduruk, i hirwuy misi mal ngi tutumbur ara jõh jõh waɗ mam lit lit.