Slu cuw 5:9 - Bible en langue guiziga

⁹ Ki huruk a mbuŋ kuli tayna ta, yo ki huruk huruk a mbuŋ taŋ ta. Asi Bumbulvuŋ Buymisemuŋ ɗik i ya, yi Bumbulvuŋ mawuɗ vu suloŋ suloŋ. Da mbur a giy mungra le na, i kutaŋ ti bonoy ati ziri naŋhaya, da a hirisikiy le na, i kuta taŋ hã avu dideˀ ngi poprok hã avu dideˀ ngi misintiwaka.

Slu cuw 5:9 ပူးပေါင်းရင်းမြစ်များ

BUYOY MUCUW NAŊ 17:35

Dambalaka Buymisemuŋ a jum ˀay le ati taŋ, a ɓa taŋ le ani ngbaŋ: «Ki ra huruk hurukam a mbuŋ kulihey ta, ko ki ra hurukom a mbuŋ taŋ ta. Ki ra gaka taŋ mezegwel ta, yo ko ki ra gaka taŋ mikuli ta.

BI NGI ISRAYELEY 34:14

Naŋ kine so, ko ki huruk hurukam a mbuŋ buymisemuŋ ngi mulakay ta, asi a zilikiy ya Bumbulvuŋ ‹Mawuɗ vu suloŋ suloŋ›. Yi wuɗ ɓa a huruk hurukama, a mbuŋ ɗu pal ɗu tewle.

BI NGI ISRAYELEY 34:7

I biga gi mezle ɗu hã dideˀ dideˀ durmuk. I ɓusa malambaˀ ati slikiɗa ɓi waɗ mungra. Amma mbur migi gwat le na, y'anta tiɗi kalaf ara ta. I mbiɗi hirnga avu mbur migi mungra, avu ziri naŋhay hã dideˀ dideˀ makir malla mufaɗa.»

ZEREMI 32:18

Ki biga gi mezle ɗike, hã avu dideˀ dideˀ durmuku. Amma ziri, mungra ngi miyi taŋhay migaka na, ki pula ɓa mawurkaka i taŋ. Ka Bumbulvuŋ madiɗaŋ, miwirwir ngi vurumo, slimiɗ ɗike: Bumbulvuŋ misi gidaŋ wãˀ!

SLUFA VU 14:18

I ya Bumbulvuŋ maji mevel kutum ta, yo magi mezle haɗi teˀe, mungra waɗ cine mi ta na, i ɓusa ɓi nah gu ɓula, amma mbur migi gwat le na, i pula teˀ ta, mbur migi mungra le na, i kuta dideˀ naŋhaya ti bonoy, hã dideˀ dideˀ makir malla mufaɗa.

Slu cuw 4:16

Anja ki hiryaka vu kumoy ti ɗiya kulihey ta, ko ngi biga deŋ ngi kuli, misi ka mbur zil malla misi ka ngwasay na, ki ɗiyam ta,

Slu cuw 4:24

Asi Bumbulvuŋ Buymisemuŋ kumo, naŋ kaɓa vu mazuma li, i Buymisemuŋ mawuɗ vu suloŋ suloŋ.

Slu cuw 6:15

Asi Bumbulvuŋ Buymisemuŋ kumo misi a wuzla kum na, i Buymisemuŋ mawuɗ vu suloŋ suloŋ, a wuɗ mandir i naŋ pal naŋ. Jam lesl, anja ki gakaŋ gwat ngi ji mevel ta, vur naŋ masusuyumukum asi ruwuyo leɗeɗ wãˀ.

Slu cuw 7:10

Mizli mahirsakaŋ na, a mur ta wãˀ, a kuta taŋ ti kiɗ vagay vagay.