Slu cuw 32:3 - Bible en langue guiziga

³ I sa til mi ti slimiɗ ngi Bumbulvuŋ. Israyeley, sinaka sin le, Buymisemuŋ ndra naŋ madiɗaŋ.

Slu cuw 32:3 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 17:19

Bumbulvuŋ, ka miga gwat madiɗa tayna cek na, asi ka misi ti mevel mezle avu gawla ɗike, yo ɓa ngi biga ka madiɗa haɗa.

ƁI NGI HIN GAR MUDUMBUŊ NAŊ 29:10

Davit a ga sise da Bumbulvuŋ a mbuŋ mizli gar, a ɓi: «Sise ngi ɗik Bumbulvuŋ, Buymisemuŋ ngi Zakop, cine ndra misi zlezle, mandir caˀkine.

ƁI NGI HIN GAR MUDUMBUŊ NAŊ 29:11

Madiɗaŋ, gidaŋ, ɗuva hirngaŋ waɗ dudok, i ngi ɗik ka Bumbulvuŋ, asi gwat ngi muŋhoy ati misi a ruwuyoy gar i ngi ɗikey. Asi ki buy madiɗaŋ, ka a hirnga gwatay gar.

ƁI NGI HIN GAR MUDUMBUŊ NAŊ 29:13

Na wurenna so na, i guku sise Buymisemuŋ ndra, i hunumukuw ti slimiɗ ɗik mezle na.

DIMISEY 150:2

Hunumakaŋ vur gwat madiɗahay, naŋ miga taŋ, hunumakaŋ asi naŋ madiɗa haɗa!

BI NGI ISRAYELEY 20:24

Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi.

BI NGI ISRAYELEY 33:19

Bumbulvuŋ a ɓaŋ: «I sa cuh a mbuŋ ɗike, i sa buguw gi mezle ɗu wãˀ bal ti zila slimiɗ nga ya ‹Bumbulvuŋ›. I sa ga mezle da mbur ya mawuɗ gaŋ mezleŋ, yo i sa pura ircece da mbur ya mawuɗ puraŋ ircece.»

BI NGI ISRAYELEY 6:3

Yi biga vu le da Abraham, da Izak waɗ da Zakopo ti slimiɗ nga ya Buymisemuŋ misi ti gidaŋ wãˀ gar, amma ɓa taŋ a sinikiy ti slimiɗ ɗu ‹Bumbulvuŋ› na, i biga taŋ di ta.

ZEREMI 10:6

Bumbulvuŋ, mbur misi kaɓa ka, anta! Ka madiɗaŋ, yo slimiɗ ɗike, ara zil haɗa asi ka magi gwat madiɗahay.

ZEREMI 23:6

Ar hin ngi zumabuy naŋ na, kite Zuda a lih le, Israyel a sa cifi setete. A sa cakaŋ slimiɗ ani: ‹Bumbulvuŋ i milih ndra.›

Matiye 1:23

«Ani zuŋ diili mungbuˀo kine a sa gi hur, a sa yi mangal mizile. A sa zilaka Emanuyel.» Mbiɗeˀvra: «Buymisemuŋ naŋ da ati ndra.»

Ɓimezle ngi Yesu Kristu ZAŊ mitil di mi 17:26

Yi biga taŋ slimiɗ ɗike le. I sa biga taŋ di ava ma, ɓa wuɗavu ɗik, ka mawuɗiy na, a ndir a hur taŋ, yo ya kwana a hur taŋ ma.»

Ɓimezle ngi Yesu Kristu ZAŊ mitil di mi 17:6

Mizli ka mubo ti taŋ tir duniya, ka muvuliy taŋ na, yi biga taŋ slimiɗ ɗike le. Taŋ i ngi ɗikey, ki vuliy taŋ le, a jaka mingiɓi ɗike le a hirnga.

EFESEY 1:19

ɓa kisa sinaka gidaŋ naŋ mihaɗa, naŋ miɗiya vur ndra mitiɓihey. I gidaŋ nah, Buymisemuŋ mibiga mbar vu wãˀ.

Slu cuw 3:24

«Aw Bumbulvuŋ Buymisemuŋ ɗu, madiɗa ɗik ati gidaŋ ngi zumabuy ɗike, ki biga le da gawla ɗike. Buymisemuŋ mekelem ada muŋ malla ada a ruwuyo, mindila gi slra ɗik mezle na kwa?

Slu cuw 5:24

joˀ ki ɓam na: «Bumbulvuŋ Buymisemuŋ ndra, a biga dudok naŋ ati madiɗa naŋ le a mbuŋ ndra, i cinaka ˀay naŋ le ti wuzla vu. Dana ani na, Buymisemuŋ maɓa ɓi da mburo, manja mbur a muc na, i puraka le muduba.

ƁIMUNJUYO 15:3

A ra zlam dimis ngi Moyis, gawla ngi Buymisemuŋ, waɗ dimis ngi tumuŋ. A zlaka na: «Bumbulvuŋ Buymisemuŋ, misi gidaŋ wãˀ, slra ɗike naŋ haɗa, i ngi pur hiri ngal ngal. Aw Buy madiɗa ngi sukwi ngi mizli ngi si ruwuyoy gar, gwat ɗikey, ka miɗiya jiviɗ taŋ gar na, taŋ kasl kasl, taŋ jeŋŋe.