Slu cuw 26:2 - Bible en langue guiziga

² mbur gar a sa wuɗ avu gwat micikiɗeffe ngi mi gam, naŋ muhuva angi hirwuy Bumbulvuŋ muvulaŋ di tuwa. A sa pa sek ar lelek, a sa ru di ng'ar li Bumbulvuŋ Buymisemuŋ kumo muwuna, ɓa ngi biga vu naŋ a diga.

Slu cuw 26:2 ပူးပေါင်းရင်းမြစ်များ

BI NGI ISRAYELEY 23:19

Ki sa soko ti gwat ngi migam mudumbuŋ ngir guva kumoyo nga mbuŋ ɗu ya Bumbulvuŋ Buymisemuŋ kumo. Amma ki da ka zuŋ ˀawa ti ɗuwa ngi madiya naŋ tehhe a muŋ ta.

BI NGI ISRAYELEY 23:16

Yo ma na, kisa gam muguzlum ngi zuma gwat mutukuzo mudumbuŋ ngir guva kumoyo. Yo angi kiɗa mi ngi vi, kum migaka sifi ngi gwatay a le gar ma na, kisa gam muguzlum ngi sifi.

EZEKIYEL 44:30

Micikiɗeffe ngi gwat ngi migam kumoy ati gwat kum mavulikiy taŋ avu gwat kumoy gar na, i ngi masayay. Hapa kum mimezle ngi gi maɗaf ngi gwat ngi zum kumoyo vulaka da masayay, ɓa i sa ɗuwulukum mi ar hay kumo.

Ɗerewol ZAK 1:18

Buymisemuŋ a wuɗ le ti haŋ naŋ, a vula ndra siifa ti mingiɓi naŋ mikaslsla, ɓa i tiram mudumbuŋ dumbuŋ ngi gwatay naŋ miga taŋ gar.

KORENTIHEY MUDUMBUŊ 16:2

Pas dimas gar na, ko wa gar a wuzla kumo, a wi vu ti dala weˀ le a hay naŋ, kasl avu naŋ mulum le, ɓa ti ya misa ndil le na, anta ngi sa cikil dala ti cikil mata.

KORENTIHEY MUDUMBUŊ 15:20

Amma wãˀ naŋ na, Kristu a slikiɗ le dumbuŋ ti wuzla mumucahaya. Vurˀe, mumucahay gar a sa slikiɗam aya.

ROMAHAY 11:16

Da ɗaf mudumbuŋ dumbuŋhoyo, a paka taŋ le da Buymisemuŋ na, naɓa ɗaf mindir gar, inga naŋhay. Da slaslalak ngi widiseye, a vulaka taŋ le da Buymisemuŋ na, naɓa mihaŋ naŋhay gar, inga naŋhaya ya.

ROMAHAY 8:23

Maniˀic, i naŋ pal ta, amma ndra vuna ya, ndra mulumam ˀUf Mipal, gwat ngi vul ngi Buymisemuŋ mudumbuŋ dumbuŋ naŋ na, i ra niˀicam a mevel ndra, i ra kutukoko Buymisemuŋ masa zila ndra, ziri naŋhay, naŋ migila ndra, naŋ masa bo ti dumvu ndra wãˀ tir bonoyo.

EZEKIYEL 48:14

Li nah na, anta sa hiɗikam avra ko neˀ ta: anta sa mbiɗaka ati li mekelem ta, anta vulaka micikiɗeffe ngi hirwuyo da mbur mekelem ta si, asi i gwat muvulahay le da Bumbulvuŋ.

EZEKIYEL 20:40

Asi Israyeley misi asi ruwuy gar, masa gikiy mezegweley na, a muwã ɗu mipal, muwã migila ngi Israyel na. Gwat kum masa zuɓaka taŋ avu gwat kumoy, gwat ngi vul kum mimezlehey da ya ati gwat kum masa vulaka taŋ gar na, i sa tiɓa taŋ a diga. I ya Bumbulvuŋ, Buymisemuŋ maɓi.

Slu cuw 16:10

A dirba nah, kisa gaka muguzlum Paŋtekoto, ngi hunuma Bumbulvuŋ Buymisemuŋ kum. Ki sa soko ti gwat ngi vulo, ka kum mawuɗam, weˀe avu ɗuwula mi Bumbulvuŋ muɗuwulukum di le.

BI NGI ISRAYELEY 34:26

Gwat ngi migam mudumbuŋ ngir guva kumoyo, kisa soko taŋ ng'ar hay ɗu, asi yi Bumbulvuŋ Buymisemuŋ kum. Amma ki da ka zuŋ ˀawa ti ɗuwa ngi mumuŋ tehhe a muŋ ta.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

ROMAHAY 16:5

Cikil ngi misikristuhoy makusom a hay taŋ na, jaka taŋ haŋ aya. Jaka haŋ da yeme ɗu Epaynet, mbur mitiɓa Kristu dumbuŋ angi hirwuy Azi, i naŋ.

ZEREMI 2:3

Israyel, ka ki muvula le taˀ da ya Bumbulvuŋ, kakaɓa gwat ngi migam micikiɗeffe da ya. Ko wa gar muzuma le na, naɓa malambaˀi naŋ, hiryi a sa sipaŋ. I ya Bumbulvuŋ maɓi.

NEHEMI 13:31

Dum mavulaka ngi mikuli ar hin naŋ mislaka le, yo gwat micikiɗeffe ngi migamay gar na, yi cica ɓi nah le a muŋ. «Aw Buymisemuŋ ɗu, wuluk keŋ ar ya, asi mezle ɗik na.»

NEHEMI 12:44

Viŋhey ada, taŋ hĩˀĩ ngi wi vu ti gwat micikiɗeffe ngi migamay ati mukuruˀ gwatay. Ti di nah so na, a wunam mizli ɓa ngi jigina viŋ tayna. Gwatay masoko taŋ tir prokoy mugun hirnga taŋ, kaɓa majuwaka ɓi nah ngi vul da masayay ati leviheye, ɓa mizli tayna a cikilaka taŋ, a paka taŋ ng'ar viŋ tayna. Asi mike na, masayay ati levihey misi angi slra taŋ na, ada a cira hiri da Zudahaya.

ƁI NGI HINEY MUCUW NAŊ 31:5

Taŋ misinaka ɓimujuwa nah sin si na, Israyeley a soko ti mudumbuŋ ngi alkamari taŋhaya ciɗngim ciɗngim, mbaazla, mal, mam ati gwat ngi migam mekelemey gar si. Yo a soko ti mukuruˀ ngi gwat taŋhaya tiɗeˀe.

ƁI NGI HINEY MUCUW NAŊ 6:6

Amma i wina Zeruzaleme le, ɓa i ndir angaŋ. Yo i wina Davite le ɓa a cifi buy ngi Israyel, mizli ɗuwoy.›

BUYOY MUCUW NAŊ 4:42

Hirak ti di nah vuna ma na, mbur a ndilawa baɗ ti Baˀal-Salisa. A so ti gwat ngi zumoy a haŋ da mijiviɗ ngi Bumbulvuŋ: ɗaf ngi daw giziŋ kukur cuw, waɗ alkamari nawaya kine aruŋ buhu pal ma. Elize a ɓa gawla naŋ: «Wunuka da mizli, ɓa a zumakaŋ.»

ZOZUWE 18:1

Israyeley gar a tikaka ˀay le da hirwuy mitaˀ gar, akẽh na, a kusom cek cek a Silo. Joˀ a ng'aka guɗuk ngi zlir ti Buymisemuŋ a diga so.

Slu cuw 18:4

Ki sa vulaka taŋ gwat ngi migam kum mudumbuŋhoyo: daw, mbaazla, mal waɗ ngwic ngi tumuŋ kum maslaka mudumbuŋ ma.

LEVIHEY 2:14

«Gwat ngi vul kum, ngi sedege da ya Bumbulvuŋ, da i gwat micikiɗeffe ngi migam na, sey ki soko di i hirnga ngi daw mufuko naŋ fok fok waɗ yeˀ yeˀ le.

LEVIHEY 2:12

Gwat micikiɗeffe ngi migam kumoyo, ki soko taŋ ngi vul da ya Bumbulvuŋ ɓula. Amma li zluma gwat ngi vul da ya Bumbulvuŋ, ɓa zĩˀĩ naŋ a tisliy mevel na, anta zlumaka micikiɗeffe ngi gwatay ara ta.

BI NGI ISRAYELEY 22:29

Da i modogom ngi sla, ngi tumuŋ malla ngi ˀaw na, ki pulaka a gi hin tarnaˀ asi mumuŋ, hin midangafaɗ naŋ na, kisa gikiy di mikuli tapasa.

KORENTIHEY MUDUMBUŊ 15:23

Amma ko wa gar ti li nga naŋ nga naŋ. Mislikiɗ cikiɗeffe dumbuŋ, i Kristu. Yo ti naŋ masa mawa na, i mizli naŋhay aya.

BI NGI ISRAYELEY 20:24

Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi.

Slu cuw 26:1

Ti kum misa cam le nga hirwuy Bumbulvuŋ Buymisemuŋ kumo muvulukum di, ki tiɓaka da kum, yo ki pam le anga na,

Slu cuw 26:3

Mbur gar a sa ru ng'avi masay misi tapasa, a sa ɓaŋ: «I ɓa dana a mbuŋ Bumbulvuŋ Buymisemuŋ ɗik, hirwuy naŋ miɓa ti hudum da dideˀ ndrahay, a sa vula ndra di na, i ndilo le anga muduba.»