Slu cuw 18:2 - Bible en langue guiziga

² Leviheye, hirwuy nga taŋ anta a wuzla Israyeleye ta, gwat taŋ malumama, i jiŋ taŋ Bumbulvuŋ muwuna taŋ hĩˀĩ ngi gi gawla naŋ, kaɓa naŋ miɓa taŋ di ɗaˀ le zleˀe.

Slu cuw 18:2 ပူးပေါင်းရင်းမြစ်များ

ZLI VIRZI 15:1

A dirba gwat tayna migam na, Bumbulvuŋ a biga vu da Abram ar musuwun, a ɓaŋ na: «Ki zluwun ta Abram, yi mbaray ɗiki, i sa vuluw migir ɗike haɗi.»

DIMISEY 119:57

Bumbulvuŋ, ya maja mingiɓi ɗik a hirnga na, yi ɓa ava ma, mi nga ya i nah.

DIMISEY 84:11

Asi mike na, ya magi hin purla a wazlaray ɗik a Zeruzaleme, a funa hin durmuk, ya maga ar li mekeleme le. Buymisemuŋ ɗu, ya mua miviŋ ɗik si na, a funa ya misi a hay mizli malambaˀhaya le.

EZAYI 61:6

Kumo so na, a sa cukum slimiɗe ‹Migi mikuli ngi Bumbulvuŋhoy›, yo a sa zulukum ‹Migi slra ngi Buymisemuŋ ndrahay›. Ki sa zumam migidaŋ ngi sukwi ngi mizli, yo kisa jijaham ti zlili taŋhaya.

TUWUY 3:24

Yi ɓi ti kwacay ɗu: zlili ɗu i Bumbulvuŋ, ya manjih hiri aseˀe na vurˀe.

EZEKIYEL 44:28

A sa lumam mi nga taŋ, i ya vuna si. Kum anta sa vulaka taŋ li da taŋ asi ruwuy Israyele ta, li taŋ i ya vuna si.

SLUFA VU 18:20

Bumbulvuŋ a ɓa Aroŋ ma: «Hirwuy ya masa vula da Israyeley na, k'anta sa lum mi ngi ɗik a diga ta, ko zlili ngi raˀa tekeɗe. Asi mi ngi ɗik ati zlili ɗik a wuzla Israyeley i ya.»

SLUFA VU 18:7

Amma ka Aroŋ ati ziri ɗik mizileheye, kisa gaka slra ngi kum masayaya ar li gi mikuli waɗ ar li mipal wãˀ, ti duba zana minjar ngi tika hiri na. Muvulukum slra nah i ya. Da mbur mekelem a gumbuˀ le ng'avi hay nga ya Buymisemuŋ na, kiɗaka vagay.»

Slu cuw 10:9

Vurˀe, sukwi ngi Levi a lum hirwuy muwunkaka da mizli na ta, yo a lum zlili kaɓa sukum naŋhaya ta, zlili nga naŋ i Bumbulvuŋ, naŋ kaɓa Bumbulvuŋ Buymisemuŋ kumo miɓaŋ di ɗaˀ le.

ZOZUWE 13:14

Na so na, hirwuy Moyis muwuɗuka da Israyeley na, mulum ta, sey i sukwi ngi Levi pal naŋ. Asi Bumbulvuŋ a ɓa taŋ di le: Mikulihey magaka taŋ da Bumbulvuŋ, Buymisemuŋ ngi Israyel na, levihey a sa lumam mi nga taŋ angaŋ.

PIYER MUDUMBUŊ NAŊ 2:5

Kumo kwana, kirohoko, kum i ɗugur misi titirihey, ɓa a ndiram ti kum hay ngi ˀUf Mipal, ɓa ki tiram mijiviɗey, ngi gaŋ mikuli maciraŋ hiri tisi Yesu Kristu.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.