Slu cuw 11:9 - Bible en langue guiziga

⁹ ɓa hutuŋ kumo a sa ndir subur asi hirwuy Bumbulvuŋ miɓi ti hudum, da dideˀ kumoy a sa vula taŋ di waɗ da dideˀ taŋhay nga mbuŋ na, i hirwuy misi ɗuwa ati mam ara ɓulam ara.

Slu cuw 11:9 ပူးပေါင်းရင်းမြစ်များ

BI NGI ISRAYELEY 20:12

Ɗuva hirnga da bunuk ati munuko, ɓa Bumbulvuŋ Buymisemuŋ ɗike, a juw hutuŋ subur asi ruwuy naŋ muvuluw di na.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

MIKUCUWULOY 10:27

Zluwun ti Bumbulvuŋ na, a ja hutuŋ subur da mburo, amma vi ngi misi moˀoreheye, a sa maka taŋ di duguleˀe.

MIKUCUWULOY 3:16

A jina mburo ɓa a ndir hutuŋ subur, yo a gaŋ zlili, a gaŋ ɗongor.

MIKUCUWULOY 3:2

Asi ɓa kisa ndir jam, hutuŋ subur, yo kisa mumul na, mbele ya makutuw na.

MIKUCUWULOY 9:11

Haˀaw, hin ngi siifa ɗik mihaɗa na, mbele ya, yo siifa ɗik a sa sik haɗa.

EZEKIYEL 20:6

Tapasa na, yi hudum le a mbuŋ taŋ, haŋ paɗ a muŋ, ɓa i bi ti taŋ ti ruwuy Ezipte, ngi ru nga hirwuy, ya mira puro taŋ di: ɗuwa ati mam a ɓulom angi hirwuy nah, hirwuy mimezle ngi si ruwuyoy gar.

Slu cuw 1:8

Puraka, yi vulukum hirwuy nah le. A ram, ara pam araŋ, i hirwuy ya Bumbulvuŋ miɓa ɗaˀ le da dideˀ kumoy, Abraham, Izak waɗ Zakop ati ziri taŋhay nga mbuŋ tuwa.»

Slu cuw 11:10

Moyis a ɓi: Naŋ kine gisiŋ, hirwuy kum masa tiɓaka, ɓa a ndir da kum na, naŋ kaɓa Ezipte kum mupuloko di na ta. Adiga, ki zligaka gwata le na, sey ki pakaŋ yam sek le kaɓa mapam yam da jarne.

Slu cuw 11:21

ɓa kum ati ziri kumoyo, kisa zikam haɗi angi hirwuy Bumbulvuŋ muvula ti hudum da dideˀ kumoy tuwa. Ki sa zikam haɗi kaɓa birngiŋ micay a hirnga hirwuy.

Slu cuw 4:40

Ɓimujuwa ati ɓimuɗuva naŋhay, ya maslufukum taŋ dana ani na, gam taŋ slra, ɓa kum vuna ati dideˀ kumoy nga mbuŋ, kisa mumulom haɗi, yo kisa ndiram hutuŋ subur, a hirwuy Bumbulvuŋ muvulukum di ngi set na.

Slu cuw 5:16

Ɗuva hirnga da bunuk ati munuko, kaɓa ya Bumbulvuŋ Buymisemuŋ ɗik muɗuvuw ɓi naŋ na, ɓa ki zik haɗi ti siifa, yo ɓa ki ndir ar wuya asi hirwuy Bumbulvuŋ Buymisemuŋ ɗik muvuluw di na.

Slu cuw 5:33

Sipam ndrehhe i jiviɗ Bumbulvuŋ Buymisemuŋ kumo mubugukum di na si, naɓa kisa ndiram ti siifa, kisa ndiram ar wuya, yo kisa ndiram hutuŋ subur a ruwuy masa ndir i ngi kum na.

Slu cuw 6:18

Gaka gwata cirre ti jiviɗ naŋ, yo kuy kuy a mbuŋ Bumbulvuŋ, ɓa ki ndiram ar wuya, ɓa hirwuy mezleŋ, Bumbulvuŋ miɓa ɗaˀ le ti hudum da dideˀ kumoy na, a ndir da kum.

Slu cuw 6:2

Naŋ kine, ar kum misi ti siifa aruŋ gar na, kum ati ziri kumoy waɗ dideˀ kumoyo, zluwunam ti Bumbulvuŋ Buymisemuŋ kumo, yo ɓimuɗuvahay ati ɓimujuwahay ya maɓukum taŋ gar na, jaka taŋ a hirnga, ɓa ki zikam haɗi a ruwuyo.

Slu cuw 6:3

Israyeley, cinaka ɓimuɗuvahaya, yo wam vu, ɓa ki gam taŋ slra. Naɓa kisa ndiram ar wuya, kisa sikam haɗi angi hirwuy misi ɗuwa ati mam maɓulom anga na, kaɓa Bumbulvuŋ, Buymisemuŋ ngi dideˀ kumoy muɓukum di ɗaˀ le tuwa.

Slu cuw 8:7

Moyis a ɓi: Bumbulvuŋ Buymisemuŋ kum, a wuɗ a ci ti kum nga hirwuy mezle, i hirwuy misi mekepel ara zuɓu, hirwuy misi miviɗiviɗi ngi yamay, misi yam mamulo tir mijileŋ naŋ ngi ruwuy ng'ar li micay malla ng'ar muwãhay.

Slu cuw 9:5

Da ki ndilam le, hã ki tiɓaka hirwuy taŋ le na, anta asi ki ndilaka le ta, malla asi kum ti mevel purla ta. Wãˀ naŋ na, Bumbulvuŋ Buymisemuŋ kum, a ɓula mizli tayna a mbuŋ kumo, asi a gam malambaˀ le. A ga kanah, ɓa ɓi naŋ miɓa ti hudum da dideˀ kumoy, Abraham, Izak ati Zakop tuwa, a gi wãˀ muduba.