SLUFA VU 8:12 - Bible en langue guiziga

¹² Leviheye kwana, a sa paka haŋ taŋhay a hirnga gusoŋ mucuwoy na. Aroŋ a zuɓ gusoŋ pal, a gi di mikuli ngi puya mungra, waɗ pal numuŋ, a gi di mikuli mizlam zlam wãˀ. A dirba nah, a sa ga mezegwel a hirnga leviheye ngi pula taŋ mungraˀahaya.

SLUFA VU 8:12 ပူးပေါင်းရင်းမြစ်များ

BI NGI ISRAYELEY 29:10

Ki sa ru ti gusoŋ ng'avi miviŋ ngi guɗuk ngi zlir ati Buymisemuŋ, Aroŋ ati ziri naŋhay a sa jaka haŋ kaw kaw avu hirnga ngi gusoŋ.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 14:22

waɗ gonok gazahay cuw malla ɗiyuw dirgwaɗay cuw, gwat zliv naŋ maluma gu. Ɗiyuw pal mekeleme ngi gi mikuli ngi pula mungra, yo mipal numuŋ ngi gi mikuli mizlam zlam wãˀ.

LEVIHEY 16:11

Akẽh na, Aroŋ a gi mikuli ti gusoŋ ngi pula mungra ngi hirnga naŋ tuwa, a ga mezegwel ngi vula jiviɗ ngi pula mungra nga naŋ ati ngi mizli ngi hay naŋhaya. A dirba naŋ misla ˀay ngi gusoŋ ngi gi mikuli ngi pula mungra ngi hirnga naŋ tuwa le na,

LEVIHEY 16:21

Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka.

LEVIHEY 16:6

Akẽh na, Aroŋ a vul gusoŋ hĩˀĩ ngi gi mikuli ngi pula mungra ngi hirnga naŋ, yo a ga mezegwel ngi vula jiviɗ ngi pula mungra nga naŋ vuna waɗ ngi mizli ngi hay naŋhaya.

LEVIHEY 4:15

Micawwa ngi wuzla mizli a bucaka haŋ a hirnga gusoŋ a mbuŋ ɗu. Joˀ a slaka ˀay naŋ daˀ a mbuŋ ɗu.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:35

Li misi malay gar na, a zuɓa taŋ nyaˀ nyaˀ, kaɓa muzuɓaka avu useˀ ngi tumuŋ migam di mikuli ngi ngiɓiˀay na ya. Joˀ masay a wura taŋ jom ati gwat ngi zum mizlam zlam wãˀ da ya Bumbulvuŋ. Masay miga mezegwel ngi pula mungra ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:4

A so ti gusoŋ a mbuŋ ɗu, ya Bumbulvuŋ a mizlingre guɗuk ngi zlir ti ya. Mbur vuna, a buca haŋ bac a hirnga gusoŋ, waɗ a sla ˀay naŋ daˀ a mbuŋ ɗu ya Bumbulvuŋ.

LEVIHEY 5:7

«Da mburo, gwat naŋ anta ngi vula tumuŋ malla ˀaw ngi ɗiya ɓi ngi mungra naŋ miga na ta na, ko gonokoy cuw malla ɗiyuw dirgwaɗay cuw kwana, a so taŋ da ya Bumbulvuŋ gu. Purla mekeleme, ngi gi mikuli ngi pula mungra naŋ miga na, yo purla numuŋ kwana, ngi zlum zlam zlam wãˀ.

LEVIHEY 8:14

A ɓa mizli, a kirohoko gusoŋ ngi gi mikuli ngi pula mungra. Aroŋ ati ziri naŋhay a bucaka haŋ a hirnga gusoŋ tuwa.

LEVIHEY 8:15

Moyis a slaˀay ngi gusoŋ, a tiɓa pumbus naŋ. Li gi mikuli, mivay naŋhay muyoŋ yoŋ yoŋ kaɓa durumoyo, Moyis a ca muzuŋ haŋ yop ar pumbuso, a ga taŋ di njoffo njoffo, ɓa ngi bi ti hiryi naŋ avra, waɗ is naŋ sek ng'asi virzi ngi li gi mikuli, a vula da Buymisemuŋ ti gi mezegwel ngi pula mungra.

LEVIHEY 8:18

Moyis a biga zlengerek ngi zlum zlam zlama. Aroŋ ati ziri naŋhay a bucaka haŋ a hirnga zlengerek tuwa.

LEVIHEY 8:34

Bumbulvuŋ a ɓa le ɗaˀ le ɓa i gaka, kaɓa ndra migaka ngadana na, ɓa a pulukum mungra kumoy avra.

LEVIHEY 9:7

Akẽh na, Moyis a ɓa Aroŋ: «Kirih ng'avi li gi mikuli, ga mikuli ɗik ngi pula mungra, yo mikuli ngi zlum ti zlumo, ɓa ngi gi mezegwel ngi pula mungra ɗik ati ngi mizli. Yo gwat mizli muvulaka na, gi taŋ mikuli, ɓa ngi gi mezegwel ngi pula mungra taŋ, kaɓa Bumbulvuŋ miɓa ɓi nah ɗaˀ le.»

SLUFA VU 6:14

Aru ti ginew makir ngi vul da ya Bumbulvuŋ: zuŋ zlengerek ngi vi pal, manja hereweɗ ava, ngi gi mikuli mizlam zlam wãˀ, zuŋ tumuŋ mongoso ngi vi pal, manja hereweɗ ava, ngi gi mikuli ngi puya mungra, waɗ zlengerek manja hereweɗ ava, ngi gi mikuli ngi luuma zuy.

SLUFA VU 6:16

Masay aru ti gwat muvulahay tuwa nga mbuŋ ɗu, a gi taŋ mikuli ngi zuɓa mungra waɗ mikuli mizlam zlam wãˀ.

SLUFA VU 8:13

Moyis, kisa cica levihey a mbuŋ Aroŋ ati ziri naŋ mizileheye, yo kisa vuliy taŋ da ya Bumbulvuŋ ar deɗe ngi mikuli.

SLUFA VU 8:8

A sa jam gusoŋ a haŋ waɗ hapa mufukuɗa ti mal aseˀe, ngi ra vul ngi gi mikuli. Ka kwana, kisa ji gusoŋ mekelem ngi gi mikuli ngi puya mungra.

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.