SLUFA VU 7:62 - Bible en langue guiziga

⁶² Kop ngi ɓiri tapasl tapasl, dudok naŋ gram skata, naŋ ceɓe ceɓe ti urdi ngi zlum ar vu,

SLUFA VU 7:62 ပူးပေါင်းရင်းမြစ်များ

DIMISEY 112:2

Tizer naŋ, naŋ gidaŋ haɗi asi ruwuyo, asi Buymisemuŋ ara ga mezle da mizli mijeŋŋeheye.

EZAYI 66:20

Ya Bumbulvuŋ i ɓi na: «Sukum kumoy gar misi a wuzla sukwi ngi mizli zleˀe na, mizli a sa moko taŋ nga gi mikuli da ya Bumbulvuŋ. A soko taŋ joˀ ar pilisey, ar mota ngi vurumoy, ar cacalahay, a duba zungu pilisey waɗ a duba zlogomohoy, hã sesẽŋ a muwã ɗu mipal a Zeruzalem. Taŋ masa soko taŋ gar na, kaɓa Israyeley masa soko ti mikuli ngi gwat ngi migam ar taasa mibi ti dili naŋ le avra, ng'ar hay nga ya Bumbulvuŋ.»

DANIYEL 9:27

Ar vi mitarnaˀ ngi dirbahay na, a sa tika ˀay ngi jumoˀay da zigiduw, yo angi reta ngi vi tarnaˀ na kwana, a sa kiɗa mi ngi mikuli ati gwat ngi vulo. Mingizla mizli a sa sawa, a sa ga gwat mukuy ta naŋhaya kutum, hã ɓi micica tuwa, a mbiɗi nga hirnga naŋ a muŋ.»

SLUFA VU 7:61

A so ti taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.

SLUFA VU 7:63

gusoŋ pal, zlengereke pal, waɗ zuŋ tumuŋ ngi vi pal ngi gi mikuli mizlam zlam wãˀ.

ROMAHAY 15:16

ɓa a tiri ti ya gawla ngi Yesu Kristu avu mizli Yude tahay. I vula vu ɗu le ngi gi slra ngi tila mi ti Ɓimezle ngi Buymisemuŋ, ɓa mizli Yude tahay, a tiram gwat ngi mikuli a mbuŋ Buymisemuŋ macira hiri da Buymisemuŋ, mikuli ˀUf Mipal muvula le da Buymisemuŋ wãˀ.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.

HEBEREY 13:15

Hunumukum Buymisemuŋ ndrehhe, kaɓa i gi mikuli ndra tisi Yesu, mbiɗeˀvra: zila slimiɗ naŋ ti mingiɓi ngi balam ndra.

ƁIMUNJUYO 5:8

Naŋ mitiɓa ɗerewolo si na, gwat misããmi mumufaɗay ati mizli micawwahay tuwa a dilkam a mbuŋ naŋ. Mbur gar, naŋ ti gujuvur kaw a haŋ kaw a haŋ, waɗ sikiɗ ngi ɓiri tapasl tapasl, mbaf mbaf ti mukuturɓuy ngi zlum ti zlum. Tayna, i diradibiɗ ngi mizli ngi Buymisemuŋhoy.

ƁIMUNJUYO 8:3

Modro mekelem a so cici gweˀ avu li gi mikuli a mbuŋ Buymisemuŋ. Naŋ kaw ti gandaf ngi ɓiri tapasl tapasl ngi zluma mukuturɓuy, yo a vulakaŋ mukuturɓuy ngi zlum ti zlum haɗi ɓa a vula da Buymisemuŋ jom ati diradibiɗ ngi mizli ngi Buymisemuŋhoy gar angi li gi mikuli, mindira ti ɓiri tapasl tapasl misi a mbuŋ janga ngi buyo.

ƁIMUNJUYO 8:4

Dar cunju ngi mukuturɓuy tuwa a bi sẽwwe ti haŋ modro tuwa a mbuŋ Buymisemuŋ jom ati diradibiɗ ngi mizli ngi Buymisemuŋhoyo.