SLUFA VU 7:10 - Bible en langue guiziga

¹⁰ Tapas vula li gi mikuli da Bumbulvuŋ na, buy ngi hayay a soko ti gwat ngi vul ngi gi muguzlum nah ma.

SLUFA VU 7:10 ပူးပေါင်းရင်းမြစ်များ

BUYOY MUDUMBUŊ NAŊ 8:63

Salomoŋ a gi da Bumbulvuŋ i mikuli ngi ngiɓiˀay, ɓa ngi wuna mi ngi hay ngi Bumbulvuŋ. A kiɗ slahay durmuk kukur cuw nga cuw waɗ tumuŋ ati away durmuk skat ti kukur cuw. Buy ati Israyeley gar muwunaka mi ngi hay ngi Bumbulvuŋ na kahana so.

ƁI NGI HINEY MUCUW NAŊ 7:5

Buy Salomoŋ a gi mikuli ti sla durmuk kukur cuw nga cuw, tumuŋ ati ˀaway durmuk skat ti kukur cuw. Buy ati mizli gar muvulaka hay ngi Buymisemuŋ na, kahana so.

ƁI NGI HINEY MUCUW NAŊ 7:9

Ar hin midangafaɗ naŋ na, a gam muguzlum mata. Asi a gaka ngi vula li gi mikuli da Buymisemuŋ, hã hin tarnaˀ, waɗ muguzlum ngi guɗuko kwana, hã hin tarnaˀ ma.

NEHEMI 12:27

Ngi gi muguzlum ngi vula mohol ngi Zeruzaleme da Bumbulvuŋ, mizli a ram nga supoko Levihey ar li taŋ mipam anga anga gar, ɓa a soko nga Zeruzaleme, ngi gi muguzlum ngi wuna moholo, ti mumul, ti hunuma vu ti dimis, ti kiɗa jãw jãway, kãkuhoy waɗ gujuvuroy.

NEHEMI 12:43

Tapasa, mizli a gam mikuli haɗi teˀe da Buymisemuŋ, a mumulom haɗa, asi Buymisemuŋ a vula taŋ mumul le haɗa teˀe. Ngwasay ati ziri kwana, a mumulom haɗa ya, hã mumul taŋ na, a zuɓa le ngiɗ ngiɗ.

DIMISEY 30:1

Dimis ngi mezegwel ngi vula hay da Bumbulvuŋ. I dimis ngi wuzla dimis ngi Davitey.

SLUFA VU 7:1

Ti hin Moyis mikiɗa mi ngi ɗiya guɗuk ngi Buymisemuŋ na, a paŋ mal ngi vula slra, yo a vula guɗuko da Buymisemuŋ ati gwat ngi slra ngi raˀahaya gar, yo a vula li gi mikuli ati gwat ngi slra ngi raˀahaya kanah ma, a pa taŋ mal ngi vula slra.

SLUFA VU 7:11

Bumbulvuŋ a ɓa Moyise na: «Anja buyoy a soko vur hine purla purla, nga vula gwat taŋhay ngi gi muguzlumo.»

SLUFA VU 7:84

Buy ngi hayay ngi ruwuy Israyele, gwat taŋ muvulaka ngi vula li gi mikuli da Buymisemuŋ, a gi jom jom gar ani: taasa mipitikay pitikay ngi ɓiri barahay kuruˀ nga cuw, ziri sikiɗ ngi ɓiri barahay kuruˀ nga cuw ngi kuca li, waɗ kop ngi ɓiri tapasl tapaslay kuruˀ nga cuw.

SLUFA VU 7:88

Gusoŋ kukur cuw nga mufaɗ, zlengerekey kukur merkeɗ, bazuway kukur merkeɗ, waɗ ziri tumuŋ ngi vi pal palay kukur merkeɗ ngi gi mikuli ngi luuma zuy. Hanayna i gwatay muvulahay ngi gi muguzlum ngi vula li ngi mikuli da Buymisemuŋ, a dirba vul naŋ.

Slu cuw 20:5

A dirba nah, madiɗa ngi sojehey, a sa ɓaka sojeheye: «Mbur mindir hay nawayaŋ, a hin ara ɗaˀ t'aruŋ na, ada a wuzla kum aka kwa? Anja a mi ngi hay, vur naŋ masa ra muc ar vurumo, naɓa i mbur mekelem masa ci ar hay naŋ na kuy ta.