SLUFA VU 6:5 - Bible en langue guiziga

⁵ A hija hirnga ati mazlamaya ta ma. A vula vu naŋ taˀ ngi gi gawla ngi Bumbulvuŋ, sey a pula hamac hirnga ati mazlamaya, a gil si, hã a ndila hin naŋ misla na.

SLUFA VU 6:5 ပူးပေါင်းရင်းမြစ်များ

EZEKIYEL 44:20

Tˀanta sa hijaka hirnga ta. Tˀanta sa pulaka himac hirnga dibizik ta, amma a sa slaka a ndir ndecece kuy kuy.

SLUFA VU 6:4

Angi hin gar, naŋ muvula vu naŋ le na, gwat ngi zum migaka le ti gudubun, ko ti zinga naŋ, malla ko dubaˀ naŋ kwana, a zuma ta.

SLRA 18:18

Pol a cifi a Korenti, a zik haɗi ava ma. Dar a mbiɗa mi da sukum naŋ mitiɓiheye, a ci palalam nga Siri. Prisil ati Akilas a ki sakaŋ. Dumbuŋ na, a hica hirnga a Kaŋkere, asi jimi naŋ a mbuŋ Buymisemuŋ.

MIGI KIITAHAY 13:5

asi hur ɗik na, kisa yi di mangal mizile. Anta sa ɗuvakaŋ sliwiɗ avu hirnga ta, asi mangala, a sa vulaka da Buymisemuŋ zle a kwacay mumuŋ. Masa zla laha Israyeley tisi haŋ Filistihey i naŋ».

MIGI KIITAHAY 16:17

Samsoŋ a ɓaŋ ɓi miyaŋ ngir mevele tuwa: «A ɗuvikiy sliwiɗ ɗaˀ avu hirnga ta, asi yi muvula le da Buymisemuŋ diga ya misi a kwacay maha. Da a hicikiy hirnga le na, naɓa gidaŋ ɗu a bi le tivi ya, i hĩhĩy, i tiri kaɓa mbur ho gar.»

MIGI KIITAHAY 16:19

Dalila a ga hinje da Samsoŋ hirnga ɓa ar sar naŋ. A zilo mbur, a slaŋ himac hirnga muslupa guloɗ guloɗ tarnaˀ tuwa kuleɗ. Samsoŋ a zla hĩhĩy akẽh, gidaŋ naŋ ara bi avra.

SAMUYEL MUDUMBUŊ NAŊ 1:11

A ɓa Buymisemuŋ ɗaˀ le: «Buymisemuŋ, misi gidaŋ wãˀ, ambuh, pura bonoy ngi beke ɗike, wuluk keŋ ar ya, puriy ircece, da ki vuliy mangal mizile le na, yi sa vuluw di, ɓa a gi gawla ɗik ar hin ngi siifa naŋ gar, yi sa vula ɓa a gi slra ɗiki, yo sliwiɗ himac anta ɗuv avu hirnga naŋ ta.»