SLUFA VU 5:7 - Bible en langue guiziga

⁷ Sey a njika mungra naŋ, naŋ miga vuna, a mi ti gwat vuna cineˀe da buy naŋ. A wuɗ mekelem, a wunka taˀ taˀ zlum, waɗ a vulaŋ pal nga meˀeŋ.

SLUFA VU 5:7 ပူးပေါင်းရင်းမြစ်များ

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

MIKUCUWULOY 28:13

Mbur maɗumo malambaˀ naŋ na, naŋ anta bi ti jeŋ ta, mbur manjika malambaˀ naŋ, yo maga mata na, a sa pulakaŋ malambaˀ naŋ vuna avra.

LEVIHEY 26:40

«Amma, mizli masa ndiram ti siifa tayna, a sa njikaka mungra taŋhay waɗ ngi dideˀ taŋhaya, a sa ɓam a gam mungra madiɗa le avu ya, yo a slam himaˀ le avu ya ma gar.

LEVIHEY 26:41

Ya kwana, yi slikiɗ himaˀ le ar taŋ, yo yi ru ti taŋ le ng'ar hirwuy ngi mesene taŋhay na, taŋ vuna a sa slaka wala nah. Yo ma na, pas purla na, taŋ misi hirnga gidaŋ haɗa na, a sa hinam hirnga, yo ya makuta taŋ ti bonoy na, a sa tiɓaka naŋ kaslsla gisiŋ.

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

LEVIHEY 5:16

Waɗ ma na, naŋ muzluɓa vula gwat ar hay nga ya Bumbulvuŋ tuwa na, a wurkaŋ. Yo a wuɗuka cikili ngi gwat ngi vul vuna taˀ taˀ zlum, waɗ a vulo pal bac nga mi gwat naŋ mawuɗ a gi di mikuli vuna, a vula da masay. Da masay a ga mezegwel ngi pula mungra ngi mburo le ti zlengerek ngi ɗiya ɓi tuwa na, Buymisemuŋ a pulaŋ mungra naŋhaya le avra.

LEVIHEY 5:5

Da mbur a ci le ar mungra pal a wuzla tayna na, sey a njika, naŋ migi mungra na ar gwat hana, hana.

LEVIHEY 7:7

Mikuli ngi pula mungra ati mikuli ngi ɗiya ɓi na, mezegwel taŋ i misi purla. Masay maga mezegwel ngi pula mungra na, useˀ nah i mi nga naŋ.

SLUFA VU 5:8

Da buy ngi gwat vuna a muc le, muy naŋ migweˀ, ɓa a makaŋ ti gwat anta na, a sa moko di da ya Bumbulvuŋ, mbiɗeˀvra da masay. Yo ma na, mbur muzluɓa ɓi, a sa jo zlengerek nga meˀe ngi gi mikuli ngi ɗiya ɓi, ɓa a gam di mezegwel ngi pula mungra.

Ɓimezle ngi Yesu Kristu LUK mitil di mi 19:8

Amma Zake a slikiɗ, a ɓa Buy Yesu: «Cin ɗi Buy, yi sa vula zlili ɗu cah da misi murgahay. Da yi tiɓi gwat le avu mbur zleˀe ti wer na, yi sa wurkaŋ di is mufaɗa.»

ZOZUWE 7:19

Zozuwe a ɓa Akan tuwa: «Mangal ɗu, vula dudok da Bumbulvuŋ, Buymisemuŋ ngi Israyele, yo hunumaŋ. Gwat ka miga na, bigiy di, anja ki ɗum gwat avu ya ta.»