SLUFA VU 5:18 - Bible en langue guiziga

¹⁸ Masay a sa ru ti ngwasa nga mbuŋ ɗu, a cukoŋ doropo avra. Ngwas a wuna haŋ wun, masay a ɗuvaŋ gwat ngi sedege ngi njika mungraˀahaya taˀ ng'ar haŋ naŋ muwun tuwa, mbiɗeˀvra gwat ngi sedege vur suloŋ. Masay vuna, a ja yam miɗalak ngi nisa vu kaw a haŋ naŋ ya.

SLUFA VU 5:18 ပူးပေါင်းရင်းမြစ်များ

MIKUCUWULOY 5:4

Amma ar kiɗa mi naŋ na, naŋ kaɓa kalaf miɗalak, a ngum vu kaɓa maslalam misi mi ti ka ti ka.

TILA MI 7:26

Ngwas maji vu kaɓa ngamngam, mevele i mazaɓ, yo haŋ naŋ i zeweɗ ngi juwa mbur na, yi ra pura ɓi nah ndrehhe, naŋ ɗalak fineˀ muco, mbur macira hiri da Buymisemuŋ na, a lih avu ngwas nah gu, amma mbur migi mungra a pulaŋ vu mbak a jaŋ.

EZAYI 38:17

Bonoy ɗu tuwa, a tiri wuya le. Asi ki so le gumbaˀ avu ya ɓa yi muc ta, yo ki hiziga mungra ɗuwoyo le gar nga dirba ɗiki.

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

LEVIHEY 13:45

Kanah so na, mbur, kukula mulumaŋ tuwa, sey a ki zana miyaraɓ yaraɓ, a sla ngwic hirnga ta, a sirit gwat sirit ar mazlamaya, a til mi: «Yi misi dili! Yi misi dili!»

SLUFA VU 5:15

Da i gisiŋ malla i gisiŋ ta ma, mbur nah aru ti ngwas naŋ nga mbuŋ masay. A so ti gwat ngi gi sedege vur ngwas vuna: hapa ngi daw giziŋ kilo makir, a pi mal ng'ar hapa nah ta, yo a paŋ mukuturɓuy ngi zlum ti zlumo ta ma, asi i sedege magaka vur si hiri ar mbur, yo vur mbur mawuɗ njika mungra.

SLUFA VU 5:17

Masay a sa wuɗ yam ti gandaf, yam mipal waɗ murɓuk ngi ruwuy ngir guɗuk ngi huroˀo, a sa pa ng'ar yam tuwa.

SLUFA VU 5:19

Masay a sa hudumo ngwas tuwa, a ɓaŋ: ‹Da mbur a hin ti ka ta, da k'anta ki gi lambaˀ lambaˀ avu zil ɗike ta, da ki hirya vu ɗike ti mbiɗa gilaw da zil ɗike ta na, anja nis ngi yam miɗalak hana, a mbiɗi nga hirnga ɗike ta.

SLUFA VU 5:22

Anja yam ngi nisa vu hana, a ci cik cik avu ka, ki ji kwacay, yo ki tiri dirlay.› Dar ngwas a mbiɗa: ‹Amin! Haˀaw, anja kine.›

KORENTIHEY MUDUMBUŊ 11:15

Dambalaka, avu ngwasa na, i gwat ngi ɗuvaŋ hirnga. Vur a vulakaŋ himac hirnga ar deɗe ngi doropo.

KORENTIHEY MUDUMBUŊ 11:6

Da ngwasa, naŋ anta juw doropo a hirnga ta na, zuwen naŋ mahija hirnga avra. Amma da hic naŋ malla sli naŋ avra a gaŋ mesem na, zuwen naŋ majuw doropo a hirnga.

Slu cuw 29:18

Da ani kaɓa mbur asi kumo, a cine mingiɓi hana misi ti hudum aseˀe na le, a pura vu naŋ kaɓa a ɗuwulakaŋ mi le, a ɓi ti kwacay naŋ na: «Ko da i ra sipi gwat ngisi mevel ɗu kwana, gwat gar a sa ru kuy avu ya muduba. Naŋ kine, yam mija hirwuyo le na, hirwuyo anta wuɗ yama mata.»

HEBEREY 13:4

Anja mbur a pura ɗuvavu ngi zil ati ngwasa, i gwat mupuɗaw. Anja zil ati ngwas a ndiram teŋteŋ ar wala taŋ. Asi sulomehey ati migi madamahaya, Buymisemuŋ a sa ga taŋ kiita.

SAMUYEL MUDUMBUŊ NAŊ 15:32

A dirba nah, Samuyel a ɓi ɓa a sakaŋ ti Agak, buy Amaleke, Agak a so ng'avu Samuyele ti cine ndum. A ra ɓi ti kwacay naŋ: «Ko mbri na, y'anta lika ɓi ngi muco mata.»