SLUFA VU 3:8 - Bible en langue guiziga

⁸ Sey a kam slimiɗ kuy kuy ar gwat ngi slrahay misi ar guɗuk ngi zlir ti ya, yo sey a gam gawla ngi Israyeley a hur guɗuk ɗu ngi huroˀo.

SLUFA VU 3:8 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 23:27

Amma ar mingiɓi Davit miɓa ngi dirba na, toho slimiɗ ngi Levihey ar ɗerewolo, a zli ti vi kukur cuw hã nga mbuŋ.

ƁI NGI HINEY MUCUW NAŊ 29:11

Ziri ɗuwoy, wurenna, ki slam himaˀ ta, asi Bumbulvuŋ a wini di i kum ngi cici a mbuŋ naŋ, ngi gaŋ mezegwel, ngi gaŋ slra waɗ ngi wuraŋ urdi.»

EZAYI 52:11

Kum mijijira gazlanga ngi gi mezegweley da Bumbulvuŋ na, bam kutum ti Babiloŋ, zuɓaka dili kumoy avra. Ki jam haŋ avu gwat misi dili ta.

SLUFA VU 10:17

A puwaka guɗuk ngi Buymisemuŋ, ngi huroˀo. Dideˀ ngi Gersoŋhoy ati ngi Merariheye, taŋ macohom na, a ram di a haŋ.

SLUFA VU 10:21

A dirba nah kwana, Levi dideˀ ngi Kehatay majijiraka li mihĩˀĩ ngi Bumbulvuŋ, a sipaka taŋ, ɓa dideˀ ngi Kehatay ara ndilam tikeˀe na, naɓa levi mekelemey a ng'aka guɗuk ngi Bumbulvuŋ le.

SLUFA VU 3:7

A sa gam gawla ngi Aroŋ waɗ ngi Israyeley gar a mbuŋ guɗuk ngi zlir ti ya, a sa gaka slra ngi hur guɗuko gar.

SLUFA VU 3:9

Naŋ kine, kisa vula mizli leviheye da Aroŋ ati ziri naŋ mizilehey. I Israyeley muvulaka taŋ di ti vul gisiŋ gisiŋ.

SLUFA VU 31:30

Tir vay muvula da mizli mindiramay na ya kwana: mizli titrahay kukur zlum na, ki zuɓ pal, yo sla, zungu, tumuŋ, ˀaw ati gwat misãmi mekelemeye, migi le kukur zlum na, ki zuɓ pal pal da ya Bumbulvuŋ. Ki sa vula taŋ da levihey magam slra ar guɗuk na.»

SLUFA VU 4:15

Da a wuɗam a slikiɗam le na, Aroŋ ati ziri mizile naŋhay, a sa mbizaka gwat ngir guɗuko gar kwaɗay, a dirba nah, ziri mizile ngi Kehatay, a sa hilaka taŋ. Naŋ kine, ziri ngi Kehatay, a jaka haŋ avu gwat muvuku vu taŋ tayna ta, vur taŋ mamicam. Slra ngi ziri ngi Kehatay ngi gi ar guɗuko i nah.

SLUFA VU 4:28

Slra ngi sukwi ngi Gersoŋ ngi gi ar guɗuk ngi zlir ti Buymisemuŋ i nah. Masa pura taŋ ar slra taŋ i Itamar mangal ngi Aroŋ.»

SLUFA VU 4:33

Slra ngi dideˀ ngi Merarihey i hana, i slra ngi gi ar guɗuko. Masa pura taŋ ar slra, i Itamar, mangal ngi Aroŋ.»