SLUFA VU 3:3 - Bible en langue guiziga

³ Ziri ngi Aroŋhoy i taŋ, a cam taŋ masayay le, yo a zlaka slra taŋ le.

SLUFA VU 3:3 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 23:6

Davit a ngica Leviheye, vur dideˀ vur dideˀ, ngi Gersoŋhoy, ngi Kehatay waɗ ngi Merarihey.

BI NGI ISRAYELEY 28:41

Ka Moyise, kisa ka zana hanayna, da sukum ɗik Aroŋ ati ziri naŋhaya. Ki sa pa taŋ mal a hirnga ngi vula taŋ slra. Naŋ kine, kisa ca taŋ i masayay, ɓa a gikiy mikuli.

BI NGI ISRAYELEY 40:13

A dirba nah, kisa ka zanahay mipal na da Aroŋ. Ki paŋ mal, ɓa a tiri masay ngi gi slra ɗu.

BI NGI ISRAYELEY 40:15

Ki sa vula taŋ slra ti pa taŋ mala, kaɓa ka muvula da cine taŋ na ya, ɓa a gikiy mikuli. Mal ka masa pa taŋ di nah na, a sa tiri ti taŋ i masayay hã ngi sete, taŋ vuna ati dideˀ taŋhaya.

LEVIHEY 8:12

A pa mal ngi vula slra tuwa pulaˀa nga hirnga Aroŋ, ɓa a tiri di mbur ngi Buymisemuŋ.

LEVIHEY 8:30

Mal ngi vula slra waɗ pumbus misi angi li gi mikuli tuwa, Moyis a zuɓa taŋ, a kuca da Aroŋ waɗ da zana naŋhaya. Yo a kuca da ziri ngi Aroŋhoy waɗ da zana taŋhaya ma. Naŋ mitiri ti Aroŋ ati zana naŋhaya, ziri ngi Aroŋhoy ati zana taŋhaya, ɓa a ndiram da Buymisemuŋ na, naŋ kahana so.

SLUFA VU 3:4

Amma Nadaɓ ati Abihu a micam a mbuŋ Bumbulvuŋ, a wuzlaɓuh mikirɗak kirɗak ngi Sinay, asi a gam mikuli ti urdi ar vu muho gar. Ziri mizile taŋhay anta. Magaka slra ngi mikuli a ciki cine taŋ Aroŋ i Elazar ati Itamar.

HEBEREY 7:28

Bimujuwa ngi Moyise, a cifi masay madiɗahay i mizli hĩhĩyahay. Amma mingiɓi ngi Buymisemuŋ miɓa ti hudum, a dirba ɓimujuwa na, a cifi masay madiɗa, i Mangal mindila le kaslsla wãˀ hã ngi sete.