SLUFA VU 28:9 - Bible en langue guiziga

⁹ «Tapas Sabata, a sa vulikiy ziri tumuŋ ngi vi pal palay cuw, tumuŋ manja hereweɗ avu taŋ, hapa kilo merkeɗ, fukaɗ fukaɗ ti mal waɗ mbaazla ngi puslu.

SLUFA VU 28:9 ပူးပေါင်းရင်းမြစ်များ

EZAYI 58:13

Kaɓa ani: «Tapas sabata, da k'anta gi slra ta, ar hin ɗu mipala, k'anta gi terere ta, da ki ra zila hin ngi sabata, i hin ngi «mumul», yo hin mipal nga ya Bumbulvuŋ, ki ra zila hin «mupuɗaw», da ki ra ɗuva hirnga da hin nah kuy kuy, ti pula gi slra ati pula gi terere, waɗ pula gi mi kuliŋ kuliŋ na,

ƁIMUNJUYO 1:10

Ti hin ngi Bumbulvuŋ na, ˀUf Mipal a so angi ya, dar yi cin ˀay kaɓa ngi mbur maɓi ti dirba ɗu ti gidaŋ, a cin ka tulum,

EZEKIYEL 20:12

Yi ɗuva taŋ ɓi ngi sabat ɗuwoyo ɓa a ndir i gwat mabigi gwat ar wala ɗu ati taŋ, yo ɓa mizli a sinaka, matiri ti taŋ pal na, i ya Bumbulvuŋ.

SLUFA VU 28:8

Zuŋ tumuŋ mucuw naŋ a sa vulikiy ti li zuyyo, ti gwat ngi gi sedege waɗ ti mbaazla aseˀe, misipurla kaɓa misi ngi mipriki tuwa ma. I mikuli mizlam zlam misi zĩˀĩ naŋ a tisliy mevel da ya Bumbulvuŋ»

SLUFA VU 28:10

Vur pas Sabat gar na, a sa jumoko mikuli mizlam zlam wãˀ hana, ng'avi mikuli kum magaka ti hin gar, waɗ mbaazla naŋ ngi puslo.»

ƁI NGI HINEY MUCUW NAŊ 2:4

Hay ya mawuɗ ngi ndira vuna, naŋ madiɗa haɗa, asi Buymisemuŋ ndra i madiɗa fineˀ kulihey gar.

ƁI NGI HINEY MUCUW NAŊ 8:13

Vur hin gar, naŋ muwuɗ le ɓa a gi mikuli kaɓa Moyis muɗuva ɓi nah tuwa na, a ga ti hin ngi sabatay, tapas hin mudumbuŋ ngi kiya, waɗ tapas hin ngi muguzlum madiɗahay mimakir ar vi na: i muguzlum ngi ɗaf manja is a raŋ, muguzlum ngi sifi waɗ muguzlum ngi guɗuku.

EZEKIYEL 46:4

Mikuli ngi zlum ti zlum, buy masa giy di da ya Bumbulvuŋ tapas sabat na, a sa ga ti ziri tumuŋhoy merkeɗ, manja hereweɗ avu taŋ, waɗ zlengerek purla, manja hereweɗ ava.

BUYOY MUCUW NAŊ 4:23

Zil naŋ a cufuɗaŋ: «Ki wuɗ ki ru ngi hay naŋ dana vur mike? Hana i kiya ngi muguzlum ta, yo i hin ngi sabat ta ma.» A mbiɗa da zile: «Anja didak a muɗuw ta.»

ƁI NGI HINEY MUCUW NAŊ 2:3

Naŋ kine, y'ani i wuɗ i ndir hay ngi tumbulo Bumbulvuŋ Buymisemuŋ ɗu, ɓa i vulaŋ di, ɓa a wurakaŋ urdihey a ra, ɓa a vulakaŋ gwat ngi mikulihey anga ko mbak le ta, yo ɓa a gakaŋ mikuli mizlam zlam wãˀ magaka ti miprik, ti pastaˀ, tapas sabat, ti hin mudumbuŋ ngi kiya gar, waɗ tapas muguzlum ngi Bumbulvuŋ Buymisemuŋ ndra, a sa gi ndrehhe kahana asi ruwuy Israyele.