SLUFA VU 28:3 - Bible en langue guiziga

³ Ki sa ɓa taŋ: «vur hin gar na, kisa soko ti ziri tumuŋ ngi vi pal palay cuw da ya Bumbulvuŋ, tumuŋ manja hereweɗ avu taŋ, a sa zlumaka taŋ zlam zlam wãˀ vur hin gar, anta mbak le ta.

SLUFA VU 28:3 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 16:40

ɓa a gam mikuli mizlam zlam wãˀ da Bumbulvuŋ mbak le ta, prik pastaˀ ar li gi mikuli, yo slra ngir ɓimujuwa Bumbulvuŋ muvula taŋ toh toh da Israyeley na, ɓa a kiɗaka mi naŋ wãˀa.

ƁI NGI HINEY MUCUW NAŊ 8:13

Vur hin gar, naŋ muwuɗ le ɓa a gi mikuli kaɓa Moyis muɗuva ɓi nah tuwa na, a ga ti hin ngi sabatay, tapas hin mudumbuŋ ngi kiya, waɗ tapas hin ngi muguzlum madiɗahay mimakir ar vi na: i muguzlum ngi ɗaf manja is a raŋ, muguzlum ngi sifi waɗ muguzlum ngi guɗuku.

ESDRAS 3:5

A dirba nah, a gam mikuli mindrehhe, mikuli mizlam zlamay ngi kiya muslo le, waɗ ngi hin ngi muguzlumoy mihĩˀĩ ngi Bumbulvuŋ ati ngi mizli gar mavulam gwat ngi mongoy taŋ da Bumbulvuŋ.

DANIYEL 11:31

A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

DANIYEL 8:13

Akẽh so na, i cin ˀay ngi modro maɓi, yo modro mekelem a cufuɗaŋ: «Gwat ngi mikuli magaka vur hin gar, mevel ngi waha virzi ngi hay muvula le da Buymisemuŋ ati vurum ngi muŋ maguduburaka asi sar na, pur naŋ ti kleŋ, a sa kiɗ mi hã ti vunaka?»

LEVIHEY 3:5

Akẽh na, ziri ngi Aroŋhoy a wuraka taŋ ar li gi mikuli, jom ng'avu mikuli ngi zlum ti zlum miɓaˀ ar dum miɗiyam di vu ar li gi mikuli tuwa. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 6:9

Is naŋ mandir na, Aroŋ ati ziri naŋhay a zumakaŋ. A zumaka nah manja ˀis araŋ, yo a zumaka ar li mipal, a wazlaray guɗuk ngi zlir ti ya Bumbulvuŋ.

AMOS 4:4

A ram nga Betel, mbiɗam hirnga avu ya a diga, mbiɗam hirnga makaw mbeˀ mbeˀ avu ya a Gilgala, prik prik na, gaka mikuli kumoyo yo ar hin mimakir naŋ na, vulaka mukuruˀ ngi gwat kumoyo.

SLUFA VU 28:10

Vur pas Sabat gar na, a sa jumoko mikuli mizlam zlam wãˀ hana, ng'avi mikuli kum magaka ti hin gar, waɗ mbaazla naŋ ngi puslo.»

SLUFA VU 28:15

Yo ma na, kisa gam mikuli ti bazuway da ya Bumbulvuŋ ngi pula mungra kumoyo, kisa gaka nga mi mikuli mizlam zlam ti hin gar waɗ mbaazla pesl tuwa.

SLUFA VU 28:23

Mikuli tayna gar na, a sa gaka jom ng'avi mikuli mizlam zlam ti mipriki gar mbak le ta tuwa.

SLUFA VU 28:24

Angi hin mitarnaˀhay ngi muguzlumo na, kisa vulikiy gwat ngi zum da ya Bumbulvuŋ, mikuli misi zĩˀĩ naŋ a tisliy mevel. Ki sa gaka jom ng'avi mikuli mizlam zlam ti hin gar, anta mbak le ta, waɗ mbaazla pesl tuwa.

SLUFA VU 28:31

Ki sa jumoko mikuli tayna gar ng'avi mikuli mizlam zlam wãˀ vur hin gar, waɗ gwat ngi vul aseˀe na, kisa gaka ti ginew manja hereweɗ avu taŋ waɗ mbaazla pesl tuwa.»

SLUFA VU 28:4

Zuŋ tumuŋ mudumbuŋ a sa gikiy di mikuli ti mipriki, yo mucuw naŋ kwana ti li zuyyo,

SLUFA VU 29:11

Yo ma na, kisa gam mikuli ti bazuway ngi zuɓa mungra ngi hirnga kumo. Mikuli tayna gar na, a jumoko ati mikuli magaka tapasa ngi puya mungra. I hin madiɗa ngi zuɓa mungra. A sa jumoko ati mikuli mizlam zlam vur hin gar, waɗ hapa ati mbaazla naŋ ngi puslo.»

SLUFA VU 29:16

Yo ma na, kisa gam mikuli ti bazuway ngi zuɓa mungra ngi hirnga kumo. Mikuli mizlam zlam wãˀ vur hin gar, hapa ati mbaazla ngi puslo, jom ng'ava ma.

SLUFA VU 29:6

Mikuli tayna gar, a sa jumoko taŋ jom ng'avi mikuli mizlam zlam vur hin gar na. A sa jumoko ng'avi mikuli ngi hin mudumbuŋ ngi kiya, jom ti hapa ati mbaazla naŋ ngi puslo. Ziˀĩ taŋ mundum na, a sa tisliy mevel da ya Bumbulvuŋ.»

Ɓimezle ngi Yesu Kristu ZAŊ mitil di mi 1:29

Li naŋ muwun na, Zaŋ a pura Yesu ara sawa ng'avaŋ, dar a ɓi: «Puraka, tumuŋ ngi Buymisemuŋ mazuɓa mungra ngi duniya.

HEBEREY 9:6

Gwatay gar i miɗiya taŋ kahana so, masayay a cam ngi gi slra taŋ ar pas gar ng'ar guɗuk mudumbuŋ.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.